ខេត្ដពោធិ៍សាត់៖ ផ្ដើមចេញពីជម្លោះក្នុងគ្រួសារ ប្អូនថ្លៃទាញពូថៅកាប់ទៅលើបងថ្លៃ ចំក្បាលពីក្រោយបណ្តាលឲ្យបែកក្បាលហូរឈាមជោគខ្លួន ត្រូវក្រុមគ្រួសារដឹកបញ្ជូនទៅសង្គ្រោះនៅមន្ទីរពេទ្យខេត្តពោធិ៍សាត់ តែអកុសល ជនរងគ្រោះមកដល់ពាក់កណ្តាលផ្លូវក៏ដាច់ខ្យល់ស្លាប់បាត់បង់ជីវិតតែម្ដង ។
ហេតុការណ៍នេះបានកើតឡើងកាលពីវេលាម៉ោង២០និង១៥នាទី នាថ្ងៃទី០៧ ខែកក្កដា ឆ្នាំ២០១៦ នៅចំណុចផ្ទះជនរងគ្រោះ ស្ថិតក្នុងភូមិអូរអញ្ចាញ ឃុំបឹងកន្ទួត ស្រុកក្រគរ ខេត្តពោធិ៍សាត់ ។
ប្រភពព័ត៌មានឲ្យដឹងថា បុរសរងគ្រោះ ដែលត្រូវប្អូនថ្លៃកាប់១ពូថៅនោះ មានឈ្មោះ ឃុត ឃាង ភេទប្រុស អាយុ ៥០ឆ្នាំ ជនជាតិខ្មែរ បច្ចុប្បន្នរស់នៅភូមិឃុំកើតហេតុខាងលើ ។ រីឯជនដៃដល់ជាប្អូនថ្លៃនោះ មានឈ្មោះ បាន ខ្លឹម ភេទប្រុស អាយុ ៣០ឆ្នាំ ជនជាតិខ្មែរ បច្ចុប្បន្នរស់នៅភូមិឃុំកើតហេតុជាមួយគ្នា ។
ព័ត៌មានលម្អិត សូមរង់ចាំអានលើទំព័រកាសែត នគរធំ ៕
សាមឿន
