ខេត្ដព្រះវិហារ៖ រថយន្តដឹកប្រេងមួយគ្រឿង បានបុកម៉ូតូលក់នំប៉័ងតាមដងផ្លូវ បណ្ដាលឲ្យផ្ទុះឆាបឆេះរថយន្ដយ៉ាងសន្ធោសន្ធៅ ចំណែកម៉ូតូខ្ទេចស្ទើរទាំងស្រុង តែសំណាងល្អមិនមានអ្នករងរបួសធ្ងន់ធ្ងរឡើយ ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើងកាលពីវេលាម៉ោង១០ និង៣០នាទី ថ្ងៃទី០៨ ខែកញ្ញា ឆ្នាំ២០១៦ ស្ថិតភូមិត្រពាំងសង្កែរខាងលិច ឃុំកន្ទួត ស្រុកជាំក្សាន្ត ខេត្តព្រះវិហារ ។
ប្រភពព័ត៌មានពីកន្លែងកើតហេតុបានឲ្យដឹងថា រហូតមកដល់ម៉ោងនេះ ភ្លើងមិនទាន់បានរលត់នៅឡើយទេ តែគេឃើញមានរថយន្ដពន្លត់អគ្គិភ័យរបស់ស្នងការដ្ឋាននគរបាលស្រុកជាំក្សាន្ដ បានទៅដល់កន្លែងកើតហេតុហើយ កំពុងជួយបាញ់ពន្លត់ ៕
