បុរសជនជាតិចិនម្នាក់ ត្រូវបានក្រសួងសុខាភិបាល បានរកឃើញមានផ្ទុកនូវវីរុសកូវីដ-១៩ ដោយបុរសម្នាក់នេះបានប៉ះពាល់ផ្ទាល់ជាមួយស្ត្រីអាយុ៣៦ឆ្នាំ ដែលបានរកឃើញផ្ទុកវីរុសកូវីដ តាំងពីថ្ងៃទី២៩ ខែវិច្ឆិកា ឆ្នាំ២០២០។
បុរសជនជាតិចិនរូបនេះ អាយុ២៣ឆ្នាំ ស្នាក់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ជាបុគ្គលិកធនាគារចិន (កាណាឌីយ៉ា ផ្លូវព្រះមុនីវង្ស)។ ពេលនេះក្រសួងសុខាភិបាល បានសុំគោលការណ៍ផ្អាកដំណើរការបណ្តោះអាសន្ននូវធនាគារកាណាឌីយ៉ា និងតម្រូវឲ្យបុគ្គលិកដែលបម្រើការក្នុងធនាគារមួយនេះ ធ្វើចត្តាឡីស័ករយៈពេល១៤ថ្ងៃ។
គិតត្រឹមថ្ងៃនេះ មនុស្ស៣នាក់បន្ថែមទៀត សរុបចំនួន២០នាក់ ត្រូវបានក្រសួងសុខាភិបាល រកឃើញផ្ទុកវីរុសកូវីដ-19 ក្នុងព្រឹត្តិការណ៍ “សហគមន៍ ២៨វិច្ឆិកា”។
ស្ត្រី២នាក់ ដែលក្រសួងសុខាភិបាល បានរកឃើញវិជ្ជមានកូវីដ-១៩ នៅថ្ងៃទី៣ ខែវិច្ឆិកា ឆ្នាំ២០២០នេះ ទី១. ស្ត្រីជនជាតិខ្មែរអាយុ២៣ឆ្នាំ មានអស័យដ្ឋានរស់នៅសង្កាត់វាលស្បូវខណ្ឌច្បារអំពៅ រាជធានីភ្នំពេញ ជាភរិយាអនុប្រធាននាយកដ្ឋានពន្ធនាគារនៃក្រសួងមហាផ្ទៃ។ ទី២. ស្ត្រីជនជាតិខ្មែអាយុ២១ឆ្នាំ មានអស័យដ្ឋានរស់នៅសង្កាត់វាលស្បូវ ខណ្ឌច្បារអំពៅរាជធានីភ្នំពេញ និងជាបុគ្គលិកធនាគារកាធេយូណាយធីត រាជធានីភ្នំពេញ។
ស្ត្រីទាំង២នាក់ខាងលើ ត្រូវបានបញ្ជូនមកព្យាបាលនៅមន្ទីរពេទ្យមិត្តភាពខ្មែរ-សូវៀត (ហៅពេទ្យរុស្ស៊ី)៕