តារាស៊ិចស៊ីនាងវ៉ាន់ វល័ក្ខ កាន់តែហ៊ានបញ្ចេញគល់សុដន់ទាំងគូមូលក្លំរបស់នាងខ្លាំងឡើងៗនៅឆ្នាំ២០២១ នេះទើបធ្វើឲ្យគេកាន់តែសង្ស័យថាស្រីស្រស់កែពង្រីងដើមទ្រួង។តែក្នុងជំនួបផ្ទាល់កន្លងមកតារាវ័យ២៧ឆ្នាំកម្ពស់១,៦៥ម៉ែត្រ ទម្ងន់៥០គីឡូរូបនេះបែជាថាសុំមិននិយាយរឿងនេះទៅវិញ។វល័ក្ខ ថានាងព្យាយាមហាត់ប្រាណយករាងឲ្យស្វែល ខណៈដែលអាជីពសិល្បៈរបស់នាងរាងស្បើយនៅរដូវកូវីដនេះក្រោយថតបញ្ចប់រឿង”មហិច្ឆិតា”ឲ្យទូរទស្សន៍ថៃមួយ។
ក្រៅពីមានការសង្ស័យថាវ៉ាន់ វល័ក្ខ កែសុដន់នោះអ្នករួមអាជីពក៍ខ្សឹបខ្សៀវគ្នាថាតារាទ្រលុកទ្រលន់រូបនេះ កែច្រមុះឲ្យខ្ពស់ស្រួច និងតចង្ការឲ្យចេញជាអក្សVផងដែរ។តែនាងវល័ក្ខ នៅតែប្រកាន់ជំហថានាងមិនបកស្រាយចំពោះរឿងនេះឡើយព្រោះនាងចង់និយាយតែពីការងារសិល្បៈ។នាងបានឲ្យដឹងថានៅឆ្នាំ២០២១នេះពេលដែលស្ងប់ស្ងាត់កូវីដបន្ដិចនាងនឹងបើកមុខរបរថ្មីមួយក្រៅពីសិល្បៈតែនាងមិនប្រាប់ថារកស៊ីអីនឹងដាក់ទុនអស់ទឹកប្រាក់ប៉ុន្មានឡើយ។
ទោះជាពេលនេះវ៉ាន់ វល័ក្ខ មិនសូវមានការងារសិល្បៈធ្វើព្រោះតែកូវីដក្ដី ប៉ុន្ដែស្រីស្រស់រូបនេះមិនជួបវិបត្តិ សេដ្ឋកិច្ចឡើយហើយគេចាំបានថាកាលពីថ្ងៃទី៩ខែកក្កដាឆ្នាំ២០២០ នាងបានទិញរថយន្ដទំនើបម៉ាកLexus Lx570 Kuro2020 តម្លៃ២៣ម៉ឺនដុល្លារទៀតផងបើទោះជាតារាមួយចំនួនថ្ងូរចង់ដាច់បាយពេលផ្ទុះកូវីដនេះក្ដី។មានការសង្ស័យថាវលក័្ខ មានគូស្នេហ៍នៅក្រោយខ្នងជួយឧបត្ថម្ភចំពោះភាពហ៊ឺហារបស់នាងនាពេលបច្ចុប្បន្ននេះតែកុំថាឡើយបកស្រាយរឿងមានប្រុសស្នេហ៍នោះព្រោះសូម្បីតែរឿងគេសង្ស័យនាងកែកុនសុដន់ក៍នាងមិនព្រមនិយាយឲ្យគេអស់សង្ស័យដែរ។
តែយ៉ាងណាគេមិនទាន់ឃើញវល័ក្ខ បង្អួតផ្ទះវីឡាដូចតារាស្រីស្អាតៗលេងខ្លួនមួយចំនួនទៀតទេ ខណៈដែលពេលនេះតារាស្រីដែលជិះរថយន្ដLexus Lx570 ដូចនាងដែរមានដូចជានាងស៊ឹម សូលិកា,ឈួន សុវណ្ណឆ័យ ,សួស វីសា ,ម៉ាក សែនសូនីតា ,យក់ ថឹករដ្ឋា ,លី ម៉ារីណា,គង់ វង្សយ៉ាទី និងសឿ សុធារ៉ា ជាដើម៕
