ភ្នំពេញ៖ អ្នកនាងខាត់ សុឃីម បានបញ្ចេញសារដ៍គូរឲ្យភ្ញាក់ផើ្អលនៅថ្ងៃទី១៣ខែមិថុនាឆ្នាំ២០២១នេះថាការដែលអ្ននាងចាញ់បោកគេព្រោះតែភាពល្ងង់ហើយនឹងយកបទពិសោធន៍ទាំងនោះដើម្បីឲ្យអ្នកដ៍ទៃបានសិក្សារពីខ្លួនដើម្បីកុំឲ្យចាញ់បោកគេដូចរូបអ្នកនាងដែរ។
តារាពហុជំនាញរូបនេះទម្លាយសារថា”គ្មានអ្វីល្អជាង ខំរកស៊ីដោយខ្លួនឯងទេ បទពិសោធន៍មួយនេះ ខ្ញុំបានជួប ហើយ ក៏បានចែករំលែកនៅ បណ្តាញ Facebook នេះដែរ ប៉ុន្តែ បានតែការមើលងាយ សើចចំអកតែប៉ុណ្ណោះ សួរថា មាន មនុស្ សប៉ុន្មាននាក់ ហ៊ាននិយាយបើកចំហថា ខ្លួនត្រូវចាញ់បោកគេ ខ្ញុំកាត់កេរ្តិ៍ខ្មាស និយាយ សរសេរ ប្រាប់ពីភាពឆោតល្ងង់របស់ខ្លួន ដើម្បីទុកជា បទពិសោធន៍ អោយអ្នកដទៃ បានដឹង បានយល់ នឹង កុំអោយ មានភាពឆោតល្ងង់ រងគ្រោះដូចខ្ញុំ តែ គ្រប់យ៉ាងផ្ទុយពីការគិត បានត្រឹម គេមើលងាយ សើចចំអក ដៀល ប៉ុណ្ណោះ អញ្ចឹង សូមបន្ត លេខរៀងទៀតចុះ ខ្ញុំមិនហ៊ានប្រាប់ នឹង និយាយអ្វី ទៀតទេ ( ពេលនេះ អ្នកសើចចំអកគេ ពេលក្រោយ អ្នកនឹងជួបរឿងនេះមិនខាន ) គេចមិនផុតទេ រឿងដាក់លុយ បានលុយ ជារឿង បោកប្រាស់ គ្រាន់តែ គេប្តូរ ពី លឿន មកយូរ តិចប៉ុណ្តោះ ។១៖ ពីមុន គេអោយការប្រាក់អ្នកច្រើន ដូច្នេះ គេឆាប់បិទហើយ Style មួយនេះ គេឈប់ប្រើហើយ ព្រោះ គេដឹងច្រើន។២៖ឥឡូវគេអោយការប្រាក់អ្នកតិចតែគេទុកបានយូរឆ្នាំព្រោះការរង់ចាំមើលរបស់មនុស្សម្នាក់ៗយ៉ាងយូរ2ឆ្នាំទៅ3ឆ្នាំគឺទុកចិត្តហើយរយៈពេលប៉ុណ្ណេះ គេសុខចិត្តចំណាយការប្រាក់ចំពោះអ្នកតែ១ឆ្នាំក្រោយគេយកពីអ្នកវិញគុណនឹង10 ។មនុស្សយើង គ្មានអ្នកណាម្នាក់ អាចហាមឃាត់ ភាពលោភលន់ របស់ខ្លួនឯងបានឡើយ ដូច្នេះ គេស្គាល់ពី អតចឬក យើងច្បាស់ណាស់ ខ្ជិលរកស៊ី លោភលន់ “។
តាមរយៈការអះអាងបែបនេះសបង្ហាញឲ្យឃើញថាអ្នកនាងខាត់ សុឃីម ចង់ឲ្យបងប្អូនទាំងអស់មានការប្រុងប្រយ័ត្នឲ្យបានខ្ពសដើម្បីកុំឲ្យរងគ្រោះដូចអ្នកនាងទៀត ហើយបើបងប្អូនបែរជាសើចអំអកឲ្យនាងរឿងត្រូវគេបោកនេះប្រយ័ត្នថ្ងៃក្រោយនឹងធ្លាក់ដល់វេនខ្លួនឯងវិញម្ដង ព្រោះថានាងបានកាត់កេរ្ដិ៍កាត់ខ្មាសបង្ហាញពីល្បិចនៃជនឆបោកមកលើរូបនាងនេះដើម្បីកុំឲ្យមានអ្នករងគ្រោះបន្ទាប់ដូចនាងដែរ។
គូរបញ្ជាក់ថាអ្នកនាងខាត់ សុឃីម បានបានចាញ់បោកប្រាក់អស់ជាច្រើនសែនដុល្លារជាមួយក្រុមហ៊ុនអ៊ីណារីតា ព្រោះនាង បានដាក់ប្រាក់វិនិយោគជាមួយពួកគេដើម្បីយកការប្រាក់ខ្ពស់ជារៀងរាល់ខែ។ប៉ុន្ដែកាលពីថ្ងៃទី១៦ខែកក្កដាឆ្នាំ២០១៩ ថៅកែ ក្រុមហ៊ុននេះលោកឌីម សួនណាត ត្រូវបានសម្ថកិច្ចធ្វើការឃាត់ខ្លួនតាមពាក្យបណ្ដឹងរបស់ជនរងគ្រោះពីបទឆបោកនិងចេញសែកស្អុយរាប់លានដុល្លារ។
សុឃីម ដែលធ្លាប់ត្រូវបានគេចាត់ទុកថាជាតារាមានទ្រព្យច្រើននោះបានជាប់គាំងបំណុលនៅធនាគារហើយ ត្រូវ បង្ខំចិត្តលក់ហាងសម្អាងការនិងដាក់លក់ផ្ទះនៅមុខផ្សារដេប៉ូជាបន្ទាន់ទៀតផង។ទោះជាយ៉ាងណាអ្នកនាងសុឃីម នៅតែរឹងមាំបន្ដអាជីពសិល្បៈហើយចំណងស្នេហាជាមួយអ៊ិន សុបញ្ញា ហៅផាណូ កាន់តែមានសុភមង្គលបន្ទាប់ ពីរៀបការបានជាង៩ឆ្នាំ ទទួលបានចំណងដៃកូនស្រីម្នាក់ឈ្មោះបញ្ញា ហ្វូតូស្អាត អាយុជាង៧ឆ្នាំនិងមានកូនប្រុសម្នាក់មុនរៀបការឈ្មោះស្កាយ ពេញកំលោះទៅហើយ។អំឡុងពេលដែលសុឃីម ជួបវិបត្តិសេដ្ឋកិច្ចដោយសារតែចាញ់បោកគេ និងរាំងស្ទះការងារសិល្បៈព្រោះតែកូវីដ-១៩ នេះអ្នកនាងបានលុបផែនការណ៍យកកូនទី៣ទៅហើយដោយអះអាងថាមានកូន២នាក់គ្រប់គ្រាន់សម្រាប់សុភមង្គលក្នុងគ្រួសាររបស់នាង៕
