ភ្នំពេញ៖ បុរសម្នាក់បានស្លាប់យ៉ាងរន្ធត់ជាទីបំផុត ខណៈរត់ឡើងលើដំបូលផ្ទះអ្នកដទៃ រួចធ្លាក់មកវិញជុងនឹងរបងចំរឹងដែករបងផ្ទះប្រជាពលរដ្ឋ ចាក់ធ្លាយពោះដែលហេតុការណ៍ដ៏រន្ធត់នេះ បានកើតឡើងកាលពីវេលាម៉ោង៦និង២០នាទីព្រឹកថ្ងៃទី១៥ ខែវិច្ឆិកា ឆ្នាំ២០១៦ ស្ថិតនៅចំណុចក្រុមទី៥ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ ភ្នំពេញ ។
ប្រភពព័ត៌មានពីសមត្ថកិច្ចឲ្យដឹងថា បុរសរងគ្រោះខាងលើ មិនទាន់ស្គាល់អត្តសញ្ញាណនៅឡើយទេ ចំណែកមូលហេតុដែលធ្វើឲ្យជនរងគ្រោះធ្លាក់មកនេះ គឺសង្ស័យថាបែកថ្នាំហើយមើលទៅ បានជារត់ឡើងដំបូលផ្ទះគេ ទាំងព្រឹកបែបនេះ ។
បច្ចុប្បន្ន សមត្ថកិច្ចជំនាញផ្នែកកោសល្យវិច្ច័យ កំពុងពិនិត្យសាកសព នៅកន្លែងកើតហេតុនៅឡើយ ៕
