ភ្នំពេញ៖នៅក្នុងពិភពសិល្បៈតារាខ្លះជ្រើសស្នេហ៍ឥតខាន់ស្លា ខ្លះហ៊ានរៀបការដោយមិនខ្លាចប៉ៈពាល់អាជីព។ប៉ុន្ដែសម្រាប់ស្រីស្អាតហើយជាតារាល្បីល្បាញទៀតគេសង្កេតឃើញថាពួកគេច្រើនតែយកប្ដីជាត្រកូលអភិជន,មន្រ្ដីធំ,អ្នកជំនួញធំៗជាដើមទើបធ្វើឲ្យប្រុសៗសាមញ្ញពិបាកនឹងទៅរួចក្នុងការឆក់បានបេះដូងស្រីស្រស់ទាំងនោះ។សម្រាប់នៅចុងឆ្នាំ២០២១នេះទោះជាប្រមុខរាជរដ្ឋាភិបាលបានបើកឲ្យមានពិធីរៀបមង្គលការសារជាថ្មីឡើងវិញក្ដី ប៉ុន្ដែតារាសាច់សខ្ចី៣ដួងត្រូវរងចាំរហូតដល់ពួកគេមានអាយុ៣០ឆ្នាំឯណ្ណោះទើបព្រមលាភាពនៅលីវ។
១៖ហ៊ិន ច័ន្ទនីរ័ត្នៈអតីតFreshie លេខ១កាលពីឆ្នាំ២០០៧រូបនេះមានអាយុ២៨ឆ្នាំទៅហើយតែរូបសម្រស់របស់នាងគឺដូចអាយុក្រោម២០ឆ្នាំអីចឹងព្រោះទៅណាក៍សម្រស់ស៊ីដាច់គេដែរបើទោះជានាងមិនមែនជាតារាស៊ិចស៊ីក្ដី ។ច័ន្ទនីរ័ត្ន ដែលធ្លាប់ជួបស្នេហ៍មិនសមប្រកបជាច្រើនសារនោះធ្លាប់ប្រាប់អ្នកយកព័តមានយើងថាចិត្តនាងចង់រៀបការ៥០%អត់៥០% តែនាងនឹងលាភាពនៅលីវខ្ទង់ត្រឹមអាយុ៣០ឆ្នាំពោលគឺនៅ២ឆ្នាំខាងមុខនេះទៀត។ប៉ុន្ដែច័ន្ទនីរ័ត្ន មិនដែលបង្ហើបថាបុរសរូបណាជាអនាគតស្វាមីរបស់នាងឡើយ ខណៈដែលមុននេះនាងកៀកកើយលោកចេនី ជាម្ចាស់បទ”អាក្របី”ជាចំហតែម្ដង។
២៖អ៊ីវ៉ាៈតារាចម្រៀងសាន់ដេរូបនេះក៍មានអាយុ២៨ឆ្នាំដែរហើយនាងសន្យាថានឹងយកប្ដីនៅអាយុ៣០ឆ្នាំឬនៅឆ្នាំ២០២៣ខាងមុខនេះ។ការតាំងចិត្តបែបនេះក្រោយពីអ៊ីវ៉ា ត្រូវបានឪពុករបស់នាងលោកអ៊ូ វ៉ាវ ចង់ឲ្យនាងរៀបការឆាប់ៗព្រោះលោកយល់ថាជីវិតមនុស្សយើងទុកភាពនៅលីវយូអត់ប្រយោជន៍ទេ ព្រោះផ្ការីកកាលណាគង់តែស្រពោនទៅវិញ។ប៉ុន្ដែអ៊ីវ៉ា ដែលផ្ដាច់ស្នេហ៍លោក”ប”ជាថៅកែក្លឹបនិងហាងបញ្ចាំនៅក្រុងសៀមរាបជាង៧ឆ្នាំទៅហើយមិនព្រមផ្សះផ្សារស្នេហ៍ជាដាច់ខាតនោះថានាងត្រូវការសិក្សារទៅលើបុរណាម្នាក់ឲ្យបានច្បាស់លាស់ទើបសម្រេចចិត្តហើយអាយុ៣០ឆ្នាំ មិនទាន់ហួសពេលវេលានោះទេ។នាងថាមុនផ្ទុះកូវីដនេះតារារៀមច្បងសម្រុករៀបការព្រោះតែពួកគាត់ដល់អាយុត្រូវការ ចំណែករូបនាងគិតថាការនៅ២ឆ្នាំខាងមុខនេះជាពេលវេលាដ៍សមស្របមួយ។តែអ៊ីវ៉ា មិនបង្ហើបថាតើបុរសរូបណាទៅជាអនាគតស្វាមីរបស់នាងឡើយ។
៣៖គង់ វង្សយ៉ាទីៈតារាមានដើមទ្រួងស្អាតរូបនេះក៍មានអាយុ២៨ឆ្នាំដូចច័ន្ទនីរ័ត្ន និងអ៊ីវ៉ា ដែរហើយចិត្តនាងក៍ចង់រៀបការនៅឆ្នាំ២០២៣ឬគម្រប់អាយុ៣០ឆ្នាំដូចគ្នាដែរ។តែមុនដល់ថ្ងៃគ្រងឈុតកូនក្រមុំនេះវង្សយ៉ាទី ធ្លាប់ត្រូវបានគេសង្ស័យថានាងមានកូន២នាក់ឯណ្ណោះ ខណៈដែលពិធីការិនីរូបនេះព្យាយាមប្រកែក ឬមិនចង់បកស្រាយលម្អិតពីរឿងមួយនេះទេ។ស្រីស្រស់សាច់សខ្ចីរូបនេះត្រូវបានគេចាត់ទុកថានាងមានទ្រព្យច្រើនព្រោះមិនទាន់៣០ឆ្នាំផងតែយ៉ាទី ត្រូវបានគេប្រមាណថាសល់លុយខ្ទង់មិនក្រោមកន្លះលានដុល្លារនោះទេក្នុងនោះមានដូចជាផ្ទះវីឡារ,រថយន្ដម៉ាកLexus Lx570 និងPorsche ជាដើម។
មហាជនរងចាំមើលថាក្នុងចំណោមស្រីស្អាតខាងលើទាំង៣ដួងដែលមានអាយុដូចគ្នានិងចង់រៀបការនៅឆ្នាំតែមួយនេះតើម្នាក់ណាទៅដែលនឹងគ្រងឈុតកូនក្រមុំមែនទែនបានមុនគេ?