បារាំង៖ឈាន នីហ្សា មានគម្រោងមកភ្នំពេញនៅថ្ងៃទី២១ខែធ្នូឆ្នាំ២០២១នេះដើម្បីជួបជុំសាច់ញាត្តិរបស់នាងផង និងរៀបចំដំណើរការហាងគ្រឿងសម្អាង(Cosmetic)ឲ្យរួចរាល់ផងដែរ ក្រោយនាងខកខានមកលេងស្រុកជាច្រើនខែមកហើយពោលគឺតាំងពីកូវីដផ្ទុះខ្លាំងមកម្លេះ។យ៉ាងណាផែនការណ៍នេះត្រូវបានអាកខានទៅវិញដោយនីហ្សា បានប្រាប់តាមឆាតហ្វេសបុកកាលពីថ្ងៃ១៨ខែធ្នូ ថានាងបានសម្រេចចិត្តត្រូវលើកពេលវេលានៃការមកស្រុកកំណើតជាថ្មីម្ដងទៀតហើយ។ចំពោះមូលហេតុដែលនីហ្សា មិនបានមកស្រុកតាមគម្រោងលើកនេះក៍ដូចជាមុនៗដែរព្រោះនាងថាពេលនេះស្ថានភាពកូវីដនៅបារាំងហាក់មិនទាន់ថមថយខ្លាំងនោះទេ តែបែជាហាក់កម្រើកឡើងវិញនបន្ដិច។អតីតតារាសម្ដែងរូបនេះបន្ថែមថាដោយសារតែមានការរារែកចិត្តម្យាងជើងយន្ដហោះមួយចំនួនត្រូវបានបិតនោះទើបនាងសម្រេចចិត្តលុបចោលការមកស្រុកខ្មែរនេះម្ដងទៀត។ប៉ុន្ដែនីហ្សា ថានាងនឹងមកភ្នំពេញនៅអំឡុងខែកុម្ភៈឆ្នាំ២០២២ ខងមុខនេះវិញ ព្រោះរំពឹងថាពេលនោះស្ថានភាពកូវីដ នឹងស្ងាត់ជាងនេះហើយវិលមករកភាពល្អប្រសើរ ហើយម្យាងទៀតនៅខែនោះជាពេលដែលនាងត្រូវតែចុះមកខ្មែរផងដែរ។
ឈាន នីហ្សា បានរាំងស្ទះការបើកហាងCosmetic តាំងពីចុងឆ្នាំ២០២០ មកម្លេះដែលនាងចង់នាំយកផលិតផលម៉ាកGGNG លក់ឲ្យអតិថិជនរបស់ខ្លួន ក្រោយនាងបានទទួលអជ្ញាប័ណ្ណ(License) ពីក្រសួងពាក់ព័ន្ធហើយនោះ។ប៉ុន្ដែផែនការណ៍នេះហាក់យឺតយ៉ាវព្រោះតែកូវីដនៅបារាំងមិនទាន់ស្ងាត់ទាំងស្រុងធ្វើឲ្យនាងពិបាកក្នុងការចុះឡើងមកខ្មែរ។តែនីហ្សា ថានាងនឹងបំពេញក្ដីបំណងរៀបចំហាងនៅភ្នំពេញនឹងតំណើរការអាជីវកម្មរបស់នាងនៅដើមឆ្នាំ២០២២ ខាងមុខនេះហើយ។
គូរបញ្ជាក់ថាឈាន នីហ្សា បានចេញទៅរស់នៅទីក្រុងបារីស ប្រទេសបារាំងរយៈពេលជាង៧ឆ្នាំមកហើយក្រោយរៀបការកាលពីឆ្នាំ២០១៣ដែលពេលនេះនាងមានកូន២នាក់ គឺកូនប្រុសឈ្មោះRichard អាយុជាង៦ឆ្នាំ និងកូនស្រីឈ្មោះLaura អាយុជាង៣ឆ្នាំ។មុនផ្ទុះកូវីដអតីតតារាសម្ដែងនិងចម្រៀងរូបនេះបានចុះឡើងមកខ្មែរជាញឹកញាប់ ហើយនាងថានៅតែនឹករលឹកដល់មិត្តរួមអាជីព ហើយនៅពេលនាងមានហាងផ្ទាល់ខ្លួននៅទីក្រុងភ្នំពេញនោះនឹងកាន់តែមានឱកាសបានចុះឡើងមកខ្មែរឲ្យបានច្រើនជាងមុនផងដែរ៕
