ភ្នំពេញ៖នៅ ស៊ីនឿន នឹងក្លាយទៅជាស្វាមីអ្នកនាងសោម ដូមូនិច (Dominique Som)អាណិកជនខ្មែរ មកពីអាមេរិកតាមរយៈការការចូលរោងការនៅថ្ងៃទី២១ខែធ្នូ នឹងររៀបការតាមប្រពៃណីខ្មែរនៅថ្ងៃទី២២ខែធ្នូឆ្នាំ២០២១ ដែលកម្មវិធីជប់លៀងធំរៀបចំនៅសណ្ឋាគាសូហ្វីតែលក្រុងភ្នំពេញ ។ភ្ញៀវខាងនៅ ស៊ីនឿន ភាគច្រើនជាតារាសិល្បករ ខណៈដែលភ្ញៀវខាងភរិយារបស់លោកមានតែសាច់ញាត្តិជិតដិតបំផុតរបស់នាងមកពីអាមេរិកប៉ុណ្ណោះ។កម្មវិធីមង្គលការទាំងមូលរបស់អ្នកចម្រៀងហង្សមាសរូបនេះត្រូវបានគេប្រមាណថានឹងចំណាយប្រាក់អស់ខ្ទង់ជិត១០ម៉ឺនដុល្លារឯណ្ណោះ តែនៅពេលអ្នកយកព័តមានយើងឆាតសួរអ្នកចម្រៀងរូបនេះមិនត្រូវបានស៊ីនឿន ប្រាប់ពីទំហ៊ុំទឹកប្រាក់ក្នុងការចំណាយនោះទេដោយគ្រាន់តែថាបានហៅសិល្បករជាច្រើនដួងឲ្យចូលរួម។
នៅ ស៊ីនឿន បានភ្ជាប់ពាក្យជាមួយនាងសោម ដូមូនិច កាលពីថ្ងៃទី២៨ខែធ្នូឆ្នាំ២០១៨ ហើយអ្នកទាំង២គ្រោងរៀបការជាមួយគ្នាកាលពីឆ្នាំមុន តែត្រូវពន្យាពេលរហូតមកដល់ពេលនេះដោយសារតែកូវីដ។ស៊ីនឿន ធ្លាប់ប្រាប់ថាក្រោយរៀបការរួចលោកនៅតែបន្ដអាជីពសិល្បៈដដែល តែមិនទាន់ច្បាស់រឿងចេញទៅរស់នៅអាមេរិកតាមប្រពន្ធឬបន្ដនៅស្រុកខ្មែរនោះទេដោយថាមិនទាន់គិតដល់។យ៉ាងណាបច្ចុប្បន្នស៊ីនឿន និងភរិយាបានទិញផ្ទះនៅក្រុងភ្នំពេញតាំងពីមុនរៀបការម្លេះ ខណៈដែលនាងដូមូនិច ក៍នៅខ្មែរច្រើនជាងអាមេរិកផងដែរ ហេតុនេះហើយស៊ីនឿន និងប្រពន្ធអាចនឹងចេញចូលពីខ្មែរទៅអាមេរិកដូចអតីតតារាមួយចំនួនដែលយកប្រពន្ធនៅស្រុកគេដែរនោះជាមិនខានឡើយ។
គូរបញ្ជាក់ថានៅ ស៊ីនឿន មុនរៀបការនេះមិនសូវមានភាពលេចធ្លោក្នុងអាជីពចម្រៀងនោះទេ ព្រោះតែអត់មានបទចេញច្រើនហើយតារាខ្លាំងៗហង្សមាសកាន់តែគជើងគ្នា។ប៉ុន្ដែស៊ីនឿន នៅតែបន្ដក្រាញនៅផលិតកម្មធំនេះនឹងមិនទាន់មានព័តមានថាលោកស្វែងរកទ្រនុំថ្មីដូចលោកសុខ រក្សា,រិន សាវ៉េត និងដួង វីរៈសិទ្ធ ឡើយ។ការរៀបការប្រពន្ធរបស់លោកស៊ីនឿន នៅពេលនេះ ស្របពេលដែលអតីតគូស្នេហ៍លោកអ្នកនាងសុផា លីនដា មានស្វាមីថ្មីជាបុរសអាណិកជនខ្មែរមកពីអាមេរិកនិងមានកូន១មុនស៊ីនឿន ហើយគេជឿរថាលីនដា នឹងមិនចូលរួមមង្គលការរបស់បុរសសម្បូរមន្ដស្នេហ៍រូបនេះឡើយ។ដោយឡែកភរិយារបស់ស៊ីនឿន អ្នកនាងសោម ដូមូនិច បានយកឈ្នះនារីជាច្រើនដែលចង់បានអ្នកចម្រៀងរូបនេះធ្វើប្ដីដែរ ហើយមិនយូទេនាងនឹងពពោះកូនដំបូងឲ្យស៊ីនឿន បានបីប្រលែងលែងជាមិនខាន ក្រោយពួកគេភ្ជាប់ស្នេហ៍ជាង៣ឆ្នាំទើបឈានមកជីវិតអាពាហ៍ ពិពាហ៍នេះ៕
