ភ្នំពេញ៖ពេជ្រ សោភា ថានាងគ្មានភាគហ៊ុនឬការចុះកុងត្រាណាមួយរកស៊ីជាមួយថៅកែពេជ្រ លោកស្រីទ្រី ដាណា នោះទេតែថ្មីៗនេះនាងបានច្រៀងសម្ដែងកម្មវិធីអ្នកជំនួញល្បីរូបនេះ២កម្មវិធីហើយអ្វីដែលនាងរំភើបនោះគឺអ្នកពូកែរកស៊ីរូបនេះបានពេញចិត្តនិងគាំទ្រចំពោះការច្រៀងសម្ដែងរបស់នាងមានលាយបញ្ចូលក្រុមការងារល្ខោនខោល ខណៈដែលម្ចាស់កម្មវិធីមួយចំនួនទៀតតែងតែងមានការរារែកចិត្តនៅពេលដែលនាងលើកពីសំណើរនេះនាពេលកន្លងមក។យ៉ាងណាក្រោយការអះអាងរបស់សោភា បែបនេះគេឃើញតារាហង្សមាសនិងសេដ្ឋីនីរូបនោះកាន់តែខិតកៀកគ្នារឹតតែខ្លាំងដែលមិនយូទេគេជឿរថាសោភា និងលោកជំទាវដែលជាស្រ្ដីមេម៉ាយដូចនាងដែរនោះប្រាកដជានឹងឈានទៅការកុងត្រាជាមួយគ្នារឿងរកស៊ីផ្នែកណាមួយជាមិនខាន គឺដូចសួស វីសា និងប្ដីដែលក្លាយទៅជាដៃគូរកស៊ីជាមួយថៅកែស្រីរូបនេះដែរ។តែសោភា ថានៅពេលនេះនាងនៅតែមិនទាន់មានការនិយាយរឿងរកស៊ីជាមួយអ្នកជំនួញរូបនេះទេ ប៉ុន្ដែបើនៅថ្ងៃក្រោយមានរឿងអ្វីចាំគិតតទៅទៀត។
ពេជ្រ សោភា ជាតារាម្នាក់ដែលមានទ្រព្យច្រើនព្រោះនៅឆ្នាំ២០២១នេះនាងត្រូវបានគេចាត់ទុកថាជាអ្នកមេម៉ាយទ្រព្យស្ដុកដែលមានលុយមិនចាញ់តារានៅប្រទេសជិតខាងឡើយ។ការសម្អាងបែបនេះដោយសារតែសោភា រស់នៅផ្ទះវីឡារយ៉ាងប្រណិត ហើយនាងជិះរថយន្ដទំនើបៗដូចតារាបរទេសក្នុងនោះមានដូចជាMercedes, Porsche, Bmw, Range Rover និងAudi ជាដើម។សម្អាងលើកេរ្ដិ៍ឈ្មោះល្បីល្បាញក្នុងវិថីសិល្បៈជាង១៦ឆ្នាំនិងមានទ្រព្យច្រើនក្នុងកណ្ដាប់ដៃបែបនេះសោភា មិនមែនត្រឹមតែអាចរកស៊ីជាមួយថៅកែពេជ្រខាងលើនោះទេ ប៉ុន្ដែនាងអាចដាក់ហ៊ុនជាមួយអ្នកណាក៍បានគឺតាមតែចិត្តចង់ ខណៈដែលអាជីពចម្រៀងរបស់នាងពេលនេះក៍នៅតែរក្សារបានក្នុងតំណែងជាតារាស្រីជូមុខរបស់ហង្សមាសនៅឡើយ បើទោះជាមានរលកក្រោយរបស់ផលិតកម្មធំមួយនេះកំពុងរៈព្រោងព្រាត ច្រានរលកមុនក្ដី។សោភា ឆ្នាំនេះមានវ័យ៣៧ឆ្នាំទៅហើយនោះធ្លាប់វាចាថានាងនឹងផ្ដោតការងាកមកផលិតបទចម្រៀងដែលមានលាយបញ្ចូលក្រុមល្ខោនខោលបន្ថែមទៀតដើម្បីចង់បន្សល់ស្នាដៃឲ្យយុវវ័យជំនាន់ក្រោយបានយល់ដឹងពីវប្បធ័មជាតិ។ប៉ុន្ដែសោភា មិនបញ្ជាក់ទេថាតើនាងគ្រោងចំណាយលុយធំដូចនាងទេព បូព្រឹក្ស ដែលហ៊ានជះដល់ទៅ១៥ម៉ឺនដុលា្លរក្នុងការធ្វើMV១បទនោះឬយ៉ាងណាទេ ដោយនាងសម្អាងថាមិនអាចនិយាយទុកជាមុនឬមិនចង់ធ្វើការប្រៀបធៀបជាមួយអ្នកណាឡើយ។
គូរបញ្ជាក់ថាក្រៅពីពេជ្រ សោភា តារាដែលលែងប្ដីហើយនៅតែមានទីផ្សារសិល្បៈមិនស្រុតចុះមានដូចជានាងកែវ នីសា,សុខ សោម៉ាវត្តី ,សុខ ស្រីនាង និងប៉ាច គីមមួយ ជាដើម។ចំពោះសោភា វិញបន្ទាប់ពីក្លាយខ្លួនទៅជាស្រី្ដមេម៉ាយជាង៤ឆ្នាំនេះនាងថាជីវិតនាងគឺពោពេញទៅដោយក្ដីសុខនិងសេរីភាពបំផុតព្រោះតែចង់ធ្វើអ្វីស្រេចតែចិត្តគ្មានអ្នកណាហួងហែងនោះទេ។ដោយឡែករឿងស្នេហារបស់សោភា ជាមួយប្រុសក្មេងឆឹម សក្កដា វិញគូស្នេហ៍ខុសវ័យ១គូនេះអាចនឹងដឹកដៃគ្នាចូលរោងការនៅឆ្នាំ២០២២ ខាងមុខនេះហើយក្រោយថតPre-Wedding រួចតែត្រូវលើកពេលការ៣លើកព្រោះតែកូវីដ។ប្រសិនបើសោភា នឹងក្លាយទៅជាភរិយារបស់លោកសក្កដា ស្របច្បាប់នាពេលខាងមុខនោះមែន ប្រាកដជាធ្វើឲ្យប្រុសក្មេងស្រាលខ្លួនរឿងដែលគេសង្ស័យថាលោកជាតារាស្រលាញ់ភេទដូចគ្នា ហើយគ្មានអារម្មណ៍ជាមួយស្រ្ដីភេទនោះជាមិនខាន ខណៈដែលសោភា វិញរឿងដែលគេខ្សឹបខ្សៀវគ្នាថាអ្នកមេម៉ាយរូបនេះអាចនឹងមានគូស្នេហ៍លាក់មុខក្រោយខ្នងក្រៅពីលោកសក្កដា នោះនឹងត្រូវបន្សាបជាមិនខានឡើយ៕
