ភ្នំពេញ៖តារាចម្រៀងហង្សមាសលោកនៅ ស៊ីនឿន បានដឹកដៃនារីអាណិកជនខ្មែរមកពីអាមេរិកអ្នកនាងសោម ដូមូនិច(Dominique Som)រៀបការតាមប្រពៃណីខ្មែរកាលពីថ្ងៃទី២២ខែធ្នូឆ្នាំ២០២២ ដែលធ្វើពិធីជប់លៀងធំនៅសណ្ឋាគាសូហ្វីតែល ក្រុងភ្នំពេញ។ភ្ញៀវដែលទៅចូលរួមអបអរសាទរនៅ ស៊ីនឿន និងភរិយាមានចំនួនខ្ទង់៥០០នាក់(៥០តុ)។
នៅ ស៊ីនឿន បានឲ្យដឹងថាលោកមានអារម្មណ៍រំភើបខ្លាំងណាស់ ព្រោះតែតាមគម្រោងធ្វើតែ៣០តុជាងប៉ុណ្ណោះ តែជាក់ស្ដែងភ្ញៀវសម្រុកមកច្រើនពេកកើនដល់៥០តុឯណ្ណោះ។ លោកថាបានលើកពេលរៀបការ២ឆ្នាំមកហើយព្រោះតែកូវដ ទើបពេលដែលកូវីដថមថយ ហើយរដ្ឋាភិបាលបានបើកឲ្យតំណើរការមង្គលការឡើងវិញលោកនិងភរិយាមិនរារែកចិត្តនោះទេគឺរៀបការនៅពេលនេះតែម្ដង។យ៉ាងណាលោកថាក្រោយរៀបការរួចមិនទាន់គិតថានឹងចេញទៅរស់នៅអាមេរិកតាមភរិយា ឬបន្ដនៅស្រុកខ្មែរជាអចិនត្រេយ៍នោះទេ ព្រោះតែអ្វីៗលោកធ្វើទៅតាមពេលវេលា ពោលគឺនៅទីណាមានក្ដីសុខជាងលោកនឹងសម្រេចចិត្តនៅទីនោះហើយ។ដោយឡែកអ្នកនាងសោម ដូមូនិច ដែលជាអាណិកជនខ្មែររស់នៅរដ្ឋកាលីហ្វ័រញ៉ា សហរដ្ឋអាមេរិក នោះបានឲ្យដឹងដែរថាអ្នកនាងរំភើបណាស់ព្រោះនៅថ្ងៃពិសេសនេះមានមិត្តភក្ដិ និងសាច់ញាត្តិមកចូលរួមច្រើន។នាងថានឹងសម្របខ្លួនទៅតាមប្ដីចំពោះរឿងថាតើចេញទៅរស់នៅអាមេរិកឬនៅស្រុកខ្មែរក្រោយរៀបការហើយនោះ។
ឆ្លើយតបសំណួរថាតើបន្ទាប់ពីរៀបការរួចលោកនៅ ស៊ីនឿន ចង់នាំប្រពន្ធទៅក្រេបចន្ទទឹកឃ្មុំ(Honey Moon ) នៅទីណាហើយយកកូនប៉ន្មាននាក់នោះអតីតតារាចម្រៀងផលិតកម្មស្វាងតារារូបនេះថាលោកនិងភរិយាគ្មានគម្រោងទៅឆ្លងឆ្នាំនៅបរទេសទេ តែនឹងនាំគ្នាទៅដើរលេងនៅខេត្តមណ្ឌុលគិរី។លោកបន្ថែមថាពិតជាចង់បានកូនប្រើភ្លាមៗមែន ព្រោះរងចាំយូហើយអីចឹងដំបូងលោកថាចង់បានកូន២នាក់សិន។
ក្រៅពីតាំងចិត្តថានៅតែបន្ដអាជីពចម្រៀងតទៅទៀតនោះលោកនៅ ស៊ីនឿន និងប្រពន្ធក៍ងាកទៅធ្វើជំនួញបើកកន្លែងកម្សាន្ដ(Resort)នៅខេត្តមណ្ឌុលគិរីផងដែរព្រោះលោកថាទីនោះមានទេសភាពស្អាត,ខ្យល់ត្រជាក់ និងស្រួលរស់នៅ។ដោយឡែកនៅថ្ងៃពិសេសរបស់ខ្លួននោះដែរនៅ ស៊ីនឿន ថាកាន់តែមានអារម្មណ៍រីករាយថែមទៀតព្រោះហង្សមាសបានចេញបទចម្រៀងដែលទាក់ទងស្នេហារបស់លោកមានចំណងជើងថា”ថ្ងៃដែលយើងប្រាថ្នា”ជាសាច់រឿងរបស់លោកផងដែរ ទើបធ្វើឲ្យលោកយកបទនេះមកចាក់ពេលរាំស្លូវអោបប្រពន្ធអមដោយវីដេអូរូបថតPre-Wedding ។ភរិយាលោកស៊ីនឿន បន្ថែមថានាងដឹងចិត្តប្ដីគឺមិនអាចចោលសិល្បៈបានទេ អីចឹងបើស៊ីនឿន ចង់នៅស្រុកខ្មែរជារៀងរហូតនាងក៍សុខចិត្តរស់នៅទីនេះជាមួយប្ដីជាអចិនត្រេយ៍តែម្ដង៕
