ភ្នំពេញ៖ស្រីស្រស់ផាន វីរ៉ាទី ហៅរ៉ាប៊ី ហាក់នៅទ្រឹងបន្ដិចនារយៈពេលចុងក្រោយនេះ បើទោះជារូបសម្រស់របស់នាងកាន់តែប្រែប្រួលនិងស្អាតប្លែកជាងមុនក្ដី តែទីផ្សារចម្រៀងវិញមិនទាន់មានបទមួយណាផ្ទុះខ្លាំងដូចមុនទៀតឡើយ។ភាពស្រពិចស្រពិលរបស់រ៉ាប៊ី ក្នុងការរក្សារតំណែងជាតារាស្រីក្នុងចំណោមលំដាប់ជូរមុខផ្នែកយុវវ័យនេះបន្ទាប់ពីតារាចម្រៀងGalaxy នាងតន់ ច័ន្ទសីម៉ា កំពុងតែសម្រុកនិងបោះពួយឡើងទើបធ្វើឲ្យស្រីស្អាតរ៉ាប៊ី ពិបាកដណ្ដើមភាពលេចធ្លោរជាង។ប៉ុន្ដែក្នុងជំនួបផ្ទាល់កន្លងមករ៉ាប៊ី ថានាងមិនមានការបារម្ភច្រើនឡើយដោយសាតែនាងយល់ថាសម័យកូវីដនេះគ្មានតារាណាខ្លាំងជាងម្នាក់ណាទេ គឺស្ងាត់ដូចតែគ្នាលើកលែងតែលោកខេមរៈ សិរីមន្ដ ម្នាក់។តារាពូកែរាំរូបនេះបន្ថែមថាដោយសារតែបទ”មាន់ស្រែ”របស់នាងខ្លាំងពេក ហេតុនេះហើយការធ្វើបទក្រោយៗរបស់នាងមិនអាចមានសន្ទុះខ្លាំងខ្លាដូចបទនេះទេ អីចឹងហើយបានជារាងពិបាកបន្ដិច។
រ៉ាប៊ី ស្ថិតក្នុងចំណោមតារាចម្រៀងផ្នែកយុវវ័យនៅឆ្នាំ២០២១ដែលមានទីផ្សារចម្រៀងល្អក្នុងនោះមានដូចជានាងតន់ ច័ន្ទសីម៉ា ,រ៉េត ស៊ូហ្សាណា និងយូរី ជាដើម។នៅវ័យ២៨ឆ្នាំនេះរ៉ាប៊ី ត្រូវបានគេប្រមាណថានាងសល់ទ្រព្យមិនក្រោមកន្លះលានដុល្លារឡើយក្រោយល្បីឈ្មោះរយៈពេលជាង៣ឆ្នាំកន្លងមក។ទ្រព្យដែលតារាត្រូវបានគេចាត់ទុកថាមានសាច់ភ្លៅស្អាតជាងគេនេះមានដូចជាផ្ទះវីឡារ១តម្លៃ១៥ម៉ឺនដុល្លារ,ផ្ទះ២ល្វែងតម្លៃជាង២០ម៉ឺនដុល្លារ,បន្ទប់ខុនដូ១ថ្លៃជិត១០ម៉ឺនដុល្លារ និងរថយន្ដទំនើប៣គ្រឿងដូចជាLexus Nx200t,Starex និងLexus Rx300 រួមទាំងដីធ្លីមួយចំនួនទៀត។
សំណួរដែលមហាជនចង់ដឹងថាតើរ៉ាប៊ី រកលុយយ៉ាងរហ័សបែបនេះដោយសារតែការច្រៀងរាំពិតមែន ឬមួយក៍នាងមានប្រុសឧបត្ថម្ភ?តែរ៉ាប៊ី មិនរារែកចិត្តឡើយដោយនាងធ្លាប់វាចាថាគ្មានប្រុសណាចិញ្ចឹមនិងឧបត្ថម្ភទាំងអស់។នាងថាលុយទិញផ្ទះនិងឡានគឺសុទ្ធតែបានមកពីការសន្សំអំឡុងពេលដែលនាងចេញច្រៀងសម្ដែងស្ទើរាល់ថ្ងៃមុនផ្ទុះកូវីដ។ប៉ុន្ដែនាងទទួលស្គាល់ថាការដែលរូបនាងរកសង្សារថ្មីមិនបាននោះគ្មានអ្នកណាជឿរនោះទេ។គេថានាងស្អាតប៉ុណ្ណឹងដែរ ម៉េចបានគ្មានសង្សារ?តែអ្នកស្គាល់បានដឹងព្រោះនាងស្រលាញ់តែប្រុសស្អាតវ័យក្មេង បើចាស់ៗនាងគ្មាអារម្មណ៍ឡើយ។នាងថាការរកសង្សារឲ្យត្រូវចិត្តគឺពិបាកខ្លាំងណាស់ប្រៀបបានដូចរាវម្ជុលក្នុងបាតសមុទ្រអីចឹង ហេតុនេះហើយបើអ្នកកាសែតចិត្តល្អជួយរកឲ្យនាង១ផង៕
