ភ្នំពេញ៖ស្រីស្អាតធ្មេញចំពើសនាងហ៊ិន ច័ន្ទនីរ័ត្ន ផ្អាកបង្ហាញភាពស្អិតល្មូតជាមួយម្ចាស់បទ”អាក្របី”លោកចេនី ជាងកន្លះឆ្នាំទៅហើយក្រោយពួកគេទាំង២ស្ម័គ្រចិត្តបញ្ចេញរូបភាពស្អិតល្មូត និងកៀកកើយគ្នាជាសាធារណៈកាលពីដើមខែមេសាឆ្នាំ២០២១ និងលាតត្រដាងសារស្នេហាជាចំហនៅលើបណ្ដាញសង្គម ប៉ុន្ដែស្រាប់តែជាងកន្លះឆ្នាំមកនេះបាត់ដំណឹងពីទំនាក់ទំនងរបស់ពួកគេទៅវិញ។ក្រោយផ្អាកស្អិតល្មូតជាមួយលោកចេនី ស្រីស្រស់ច័ន្ទនីត័្ន បែជាងាកទៅស្និតស្នាលគ្នាយ៉ាងចម្លែកជាមួយលោកសេង មង្គល(ហូ ប៉ូសេង)ដូចគូស្នេហ៍ទៅវិញទើបធ្វើឲ្យអ្នកខ្លះថានីរ័ត្ន បានថ្មីចោលចាស់។ដោយឡែកលោកមង្គល វិញកាលពីពេលថ្មីៗនេះបានប្រាប់ថាលោកមិនប្រកែករឿងទំនាក់ទំនងស្នេហាជាមួយច័ន្ទនីរ័ត្ន នោះទេតែសូមឲ្យទស្សនិកជនមើលឃើញយ៉ាងណាថាចឹងទៅចុះ។ចំណែកច័ន្ទនីរ័ត្ន ធ្លាប់ប្រាប់អ្នកយកព័តមានយើងថានាងមានអាយុ២៨ឆ្នាំហើយនឹងចង់រៀបការនៅអាយុ៣០ឆ្នាំពោលគឺ២ឆ្នាំទៀតឬនៅឆ្នាំ២០២៣ តែស្រីស្អាតមិនបង្ហើបថាបុរសណាជាអនាគតស្វាមីរបស់នាងនោះទេ។
ហ៊ិន ច័ន្ទនីរ័ត្ន បានប៉ៈស្នេហាមិនសមប្រកបជាច្រើនសារមកហើយទើបធ្វើឲ្យបុរសដែលរងចាំត្រងស្នេហានាងនៅតែមានសង្ឃឹមក្នុងការប្រជែងដណ្ដើមបេះដូងស្រីស្អាតរូបនេះមកធ្វើជាម្ចាស់កម្មសិទ្ធិ។ប៉ុន្ដែកន្លងមកអ្នកណាក៍ដឹងដែរថាសម្រាប់ប្រុសៗដែលមានលុយ និងអំណាច នោះមិនប្រាកដថាអាចយកបានបេះដូងច័ន្ទនីរ័ត្ន បានឡើយព្រោះសម្អាងថាបុរសដែលនាងបេតីគឺទាល់តែប្រុសនោះនាងមានអារម្មណ៍ស្នេហ៍ដែរទើបអាចទៅរួច។
ពិធីការនីរូបស្រស់នេះត្រូវបានគេផ្សារភ្ជាប់ថានាងជ្រើសស្នេហ៍តែប្រុសក្មេងរូបសង្ហារជាជាងការមើលឃើញទ្រព្យជាធំគឺដូចគ្នាទៅនិងនាងរ៉ាប៊ី,ប៉ាច គីមមួយ និងសុខ សោម៉ាវត្តី ដែរ។អ្នកសិល្បៈរួមអាជីពបានបង្ហើបឲ្យដឹងថាតាមពិតហ៊ិន ច័ន្ទនីរ័ត្ន ត្រូវឡើងងារជាជំទាវដោយងាយប្រសិនបើនាងព្រមផ្សះភ្ជាប់ស្នេហ៍ជាមួយអតីតសង្សារតារាចម្រៀងហង្សមាសម្នាក់ដែលជាមន្រ្ដីធំពាក់ផ្កាយ២លើស្មានោះព្រោះបុរសមាឌក្រាស់នោះតាមស្នេហាច័ន្ទនីរ័ត្ន ជាយូមកហើយ។ប៉ុន្ដែច័ន្ទនីរ័ត្ន មិនចាប់អារម្មណ៍ ហើយថែមទាំងធ្វើឲ្យមន្រ្ដីធំរូបនោះខកចិត្តតាមរយៈនាងងាកមកល្អូកល្អិនជាមួយលោកចេនី មួយរយៈខ្លីទើបមកបណ្ដើរសេង មង្គល នៅពេលនេះទៅវិញ៕
