ភ្នំពេញ៖បើទោះជាស្ថានភាពកូវីដកាន់តែថមថយហើយមង្គលការទាំងឡាយត្រូវបានរាជរដ្ឋាភិបាលបើកឲ្យតំណើរការវិញក្ដី ប៉ុន្ដែរហូតមកដល់ពេលនេះកែវ ពេជ្រពិសី មិនទាន់រៀបគម្រោងរៀបការជាមួយស្វាមីនាងលោកពៅ សម្បត្តិ អាណិកជនខ្មែរមកពីកាណាដា នោះទេ បន្ទាប់ពីពួកគេបានឆាចោលមង្គលការជាបន្ទាន់កាលពីពាក់កណ្ដាលឆ្នាំ២០២០ ដែលពេលនោះដោយសារតែ ស្ថានភាពកូវីដផ្ទុះខ្លាំងពេក។ពេជ្រពិសី មិនប្ដូរចិត្តឡើយដោយនាងថាក្រោយសម្រាលកូនជាង៣ខែនេះនាងគ្មានគម្រោងរៀបការជាលើកទី២នោះទេ។ចំណុចដែលធ្វើឲ្យពេជ្រពិសី លែងចង់គ្រងឈុតកូនក្រមុំម្ដងទៀតនោះដោយនាងអះអាងថាបើរៀបការគឺចង់ធ្វើមុនសម្រាលកូន តែបើមានកូនហើយនាងមិនចង់ឡើយ។រឿងដែលពិសី ថារឹតតែមិនចាំបាច់ធ្វើពិធីរៀបអាពាហ៍ពិពាហ៍សម្រាប់ជីវិតប្ដីប្រពន្ធនាងថែមទៀតនោះគឺទាំងនាងនិងស្វាមីសុទ្ធតែបានឆ្លងកាត់ជីវិតរៀបការម្ដងរួចហើយដូចគ្នា និងពិសេសថែមទៀតគឺមុនពពោះយកកូននេះនាងនិងប្ដីក៍បានចុះអេតាស៊ីវិលរួចរាល់ហើយដែរ។
ថ្វីត្បិតតែពេជ្រ ពិសី គ្មានផែនការណ៍គ្រងឈុតកូនក្រមុំម្ដងទៀតក្ដី ប៉ុន្ដែតារាកូន១រូបនេះកំពុងតែមានគម្រោងធំនោះគឺការយកកូនទី២នៅពេលដ៍ខ្លីខាងមុខនេះតែម្ដង។នាងថារូបនាងមានអាយុជិត៤០ឆ្នាំ ចំណែកស្វាមីមានអាយុ៥១ឆ្នាំហេតុនេះហើយមិនអាចពន្យាពេលរឿងយកកូនថែមនោះបានទេ។ប៉ុន្ដែរឿងដែលនាងនៅរារែកចិត្តឬមិនទាន់គិតដល់នោះថាតើនៅពេលខាងមុខនាងគូតែបន្ដរស់នៅស្រុកខ្មែរជារៀងរហូតឬមួយក៍ត្រូវចេញទៅរស់នៅកាណាដាតាមប្ដី?
កែវ ពេជ្រពិសី បានលែងលះអតីតប្ដីលោកចន្ថា ស្រី អាណិកជនខ្មែរមកពីអូស្រា្ដលីកាលពីឆ្នាំ២០១០ ពោលគឺក្រោយរៀបការហើយភ្លាមៗតែម្ដងទើបធ្វើឲ្យមានរឿងចម្រូងចម្រាសជាច្រើន។ដោយសារតែធ្លាក់ខ្លួនមេម៉ាយសឹងតែមិនគូឲ្យជឿរទើបពេជ្រពិសី ហាក់ខ្លាចក្នុងការភ្ជាប់ស្នេហ៍ថ្មី ព្រោះខ្លាចដើរជាន់ដានចាស់ធ្វើឲ្យនាងទុកជីវិតជាស្រី្ដមេម៉ាយជាង១០ឆ្នាំហើយទើបតែនៅថ្ងៃទី១៧ខែឧសភាឆ្នាំ២០២០ ពិសី ព្រមភ្ជាប់ពាក្យជាមួយលោកពៅ សម្បត្តិ ហើយនាងសម្រាលកូនដំបូងដោយវះកាត់កាលពីថ្ងៃទី១៤ខែកញ្ញាឆ្នាំ២០២១ ដោយដាក់ឈ្មោះថា”Dura”។ពេជ្រពិសី ថាក្រោយមានស្វាមីនិងកូនប្រុស១នេះជីវិតនាងមានការផ្លាស់ប្ដូរស្ទើតែទាំងស្រុងពិសេសគឺបំណងនាងបានសម្រេចព្រោះនាងគ្មានមហិច្ឆតាធំនោះទេ គឺគ្រាន់តែចង់មានគ្រួសារ១មានប្ដីកូនដូចគេរស់នៅជុំគ្នាឥឡូវនាងអាចធ្វើបានហើយ៕
