ភ្នំពេញ៖តន់ ច័ន្ទសីម៉ា តាំងពីឡើងកូដមកសម្រស់របស់នាងស្ទើតែប្ដូរ៣៦០ដឺក្រេទៅហើយ ព្រោះរាងតូចតន់គូរឲ្យក្នក់ក្នាញ់ ដែលមិនដូចកាលមិនទាន់ល្បីច្រៀងនៅភោជនីយដ្ឋាននោះអតីតអ្នកស្មូតលេខ១ប្រចាំខេត្តតាកែវរូបនេះសំបុរខ្មៅស្រអែមហើយអត់សូវមានការទាក់ទាញខ្លាំងនោះទេ ទើបគថា”សីម៉ា ឡើងសម្រស់ទៅតាមទឹកលុយ”។យ៉ាងណាអំឡុងពេលដែលកេរ្តិ៍ឈ្មោះល្បីរន្ទឺក្រោយនាងកែច្រមុះ និងចាក់ចង្ការនេះសំណួរដែលមហាជនចង់ដឹងនោះថាតើបុរសណាជាសង្សាររបស់អ្នកចម្រៀងសំនៀងស្អករូបនេះទៅ?ប៉ុន្ដែសីម៉ា តែងតែចេញមុខបកស្រាយថានាងមិនទាន់មានអ្នកពិសេសឬគូស្នេហ៍នោះទេដោយតារាវ័យ២៥ឆ្នាំរូបនេះថាមនុស្សពិសេសរបស់នាងគឺទស្សនិកជន។តែការវាចារបែបនេះមិនសូវមានការជឿរជាក់ឡើយត្បិតអីសម្រស់ក៍ប្រែប្រួល កេរ្តិ៍ឈ្មោះក៍ល្បីសុះសាយបែបនេះរឿងអីរកសង្សារមិនបាននោះ។ពួកគេគិតថានាងច័ន្ទសីម៉ា ជ្រើសផ្លូវលាក់មុខគូស្នេហ៍ច្រើនជាងព្រោះថាមុននេះមានព័តមានថាពោះម៉ាយម្នាក់តាមស្នេហាស្រីស្រស់យ៉ាងប្រកិតបំផុត។តែសីម៉ា មិនដែលហ៊ានកៀកកើយ ឬបណ្ដើរប្រុសនោះជាចំហម្ដងណាឡើយ។
តន់ ច័ន្ទសីម៉ា ជាតារាចម្រៀងផ្នែកយុវវ័យដែលមានយ៊ីអ៊ុនល្អនៅរដូវកូវីដព្រោះនាងនៅតែមានបទចម្រៀងល្បីៗចេញជាបន្ដបន្ទាប់ ខណៈដែលតារាផ្សេងៗទៀតប្រឈមភាពនៅទ្រឹងឬគ្មានបទថ្មីៗចេញនោះទេ។យ៉ាងណាការឡើងកូដរបស់សីម៉ា នៅពេលនេះត្រូវបានអ្នកជំនាញសិល្បៈលើកឡើងថាធ្វើឲ្យប៉ៈពាល់ដល់ទីផ្សារចម្រៀងអ្នកនាងខាត់ សុឃីម ជាងតារាផ្សេងៗព្រោះថាសីម៉ា ច្រៀងបច្ចេកទេស និងមានសំនៀងស្អកដូចអ្នកនាងសុឃីម ដែរ។
តែអ្នកនាងខាត់ សុឃីម ធ្លាប់ប្រាប់អ្នកយកព័តមានយើងថានាងមិនបារម្ភពីការខុះខ្សោយព្រោះតារាសម័យថ្មីមានសំនៀងប្រហាក់ប្រហែលនាងស្ទុះឡើងមកនោះទេ ប៉ុន្ដែនាងមានតែសប្បាយចិត្តដែលប្អូនៗមកក្រោយចេះរកលុយ ។ប៉ុន្ដែអ្នកនាងសុឃីម អះអាងថាមិនដែលបានស្ដាប់បទចម្រៀងរបស់ច័ន្ទសីម៉ា សូម្បីតែ១បទព្រោះអត់ដែលបើកទៅប្រទះ។ចំណែកអក្នកជំនាញធ្វើភ្លេងម្នាក់នៅហង្សមាសបានឲ្យដឹងថាទោះជាសីម៉ា លីល្បាញយ៉ាងណាក៍នាងគ្រាន់តែអាចប្រៀបធៀបជាមួយអ្នកចម្រៀងផ្នែកយុវវ័យដូចគ្នាប៉ុណ្ណោះ គឺមិនអាចយកទៅប្រជែងជាមួយតារារៀមច្បងដូចជាមាស សុខសោភា,ពេជ្រ សោភា និងឱក សុគន្ធកញ្ញា ជាដើមដែលពួកគបានសន្សំកេរ្ដិ៍ឈ្មោះនិងល្បីមុននាងជាង១០ទៅហើយនោះទេ។តែលោកយឹម តាស្រង់ អ្នកចាត់ការGalaxyធ្លាប់ប្រាប់ថាបច្ចុប្បន្នតន់ ច័ន្ទសីម៉ា ស្ថិតក្នុងលំដាប់Grade A ហើយច្រៀងConcertsធំ១កម្មវិធីស៊ីថ្លៃ៥ពាន់ដុល្លារឯណ្ណោះ៕
