ភ្នំពេញ៖លោកចេន ដែលត្រូវបានគេស្គាល់ថាជាម្ចាស់បទ”អាក្របី”,ប្រុសម្នាក់នេះ សំខាន់នៅពេលណា?”,”ពងទា”,”ខ្សឹបៗក៍ឈឺ”,”ជូនអូនទៅរកគេ”,”ទទួលយកការពិត”,”មកក្រោយគេ”,”មិនអាចទៅរួច”,”សម្បថនិស្ស័យ”,”គូជីវិត”និងបទ”ពាក្យសង្សារចាស់”ជាដើមនោះបានភ្ជាប់ពាក្យជាមួយនារីដ៍ស្រស់សោភាឈ្មោះវ៉ាន់ លក្ខិណា កាលពីព្រឹកថ្ងៃទី៧ខែមករាឆ្នាំ២០២២។ក្នុងកម្មវិធីពិសេសនោះគេចាប់អារម្មណ៍ថាមានការចូលរួមពីតារាចម្រៀងថោនអ្នកនាងយក់ ថិតរដ្ឋា និងស្វាមីលោកឃុំ ប៉ុណ្ណាដែត រួមទាំងសាច់ញាត្តិជិតដិតរបស់លោកចេន ជាច្រើនបានឡើងកួចចងដៃ។ដោយឡែកមុនដល់ថ្ងៃភ្ជាប់ពាក្យ២ថ្ងៃគេឃើញលោកចេន បង្ហោះសារថា”ស្នាមញញឹម ពិតប្រាកដដែលនាងផ្ដល់ឲ្យខ្ញុំ7 2022 engaged”។
ទាំងអ្នកក្នុងនិងក្រៅសិល្បៈបានសរសើរលោកចេន ថារកបានអនាគតភរិយាដ៍ស្រស់ស្អាត ខណៈដែលនារីមួយចំនួនទៀតបែជាសម្ដែងការសោកស្ដាយថាមិនគូរណាលោកចេន ដាច់ចិត្តទៅភ្ជាប់ពាក្យចោលរូបពួកគេដែលខំលួចស្រលាញ់ជាយូហើយសោះ។តែខ្លះទៀតជូនពរឲ្យលោកចេន និងអ្នកនាងលក្ខិណា ឆាប់ចូលរោងការព្រោះថាពិតជាសាកសមគ្នាខ្លាំងណាស់។
គូរបញ្ជាក់ថាលោកចេន អតីតសមាជិកក្រុមMustache Band ដែលលោកមានរូបរាងសង្ហារខ្ពស់ស្រឡះ និងជាអ្នកលេងម៉ូដសាក់ស្ទើពេញខ្លួន។បទចម្រៀងរបស់លោកចេន ភាគច្រើនត្រូវចិត្តមិត្តយុវវ័យព្រោះទាំងភ្លេងនិងទំនុកច្រៀងពិរោះជាច្រើនបទមកហើយ ពិសេសលោកត្រូវបានគេស្គាល់ថាជាម្ចាស់បទ”អាក្របី”៕
