ឧតុនិយមរបស់ចក្រភពអង់គ្លេសបានចេញការព្រមានអំពីអាកាសធាតុគ្រោះថ្នាក់ដល់អាយុជីវិតជាលើកដំបូងរបស់ខ្លួនសម្រាប់ទីក្រុងឡុងដ៍ ខណៈដែលព្យុះ Eunice បានបោកបក់នៅថ្ងៃនេះហើយកងទ័ពត្រូវបានដាក់ប្រចាំការដើម្បីជួយសង្គ្រោះ។
ផ្ទះរាប់រយខ្នងត្រូវបានគេរាយការណ៍ថា គ្មានភ្លើងអគ្គិសនីប្រើប្រាស់នៅក្នុងទីក្រុង Cornwall ភាគនិរតីនៃប្រទេសអង់គ្លេសខណៈដែល Eunice បានវាយប្រហារពេញមួយយប់ជាមួយនឹងល្បឿន145 គីឡូម៉ែត្រក្នុងមួយម៉ោង។ សាលារៀនរាប់រយត្រូវបានបិទហើយបណ្តាញធ្វើដំណើរកំពុងជួបប្រទះការលុបចោលនិងការរំខានដ៏ធំ។ ផ្លូវថ្នល់ ស្ពាន និងផ្លូវរថភ្លើងត្រូវបានវាយប្រហាររួចហើយ ដែលបណ្តាលឱ្យមានការពន្យារពេល និងការលុបចោលសេវាកម្មរថយន្តក្រុង រថភ្លើង និងសាឡាង។
សារព័ត៌មានប៊ីប៊ីស៊ីបាននិយាយថាវាជាព្យុះដ៏អាក្រក់បំផុតមួយក្នុងរយៈពេលបីទសវត្សរ៍ដែលកំពុងបក់បោកឆ្ពោះទៅភាគខាងកើតទៅទីក្រុងឡុងដ៍៕
