ភ្នំពេញ៖លោកអែន ឌី ដែលជាអ្នកចូលចិត្តទៅកម្មវិធីមិត្តរួមអាជីពមិនសូវខាននោះកាលពីថ្ងៃទី២៦ខែកុម្ភៈ ឆ្នាំ២០២២ នេះប្អូនស្រីពៅរបស់លោកអ្នកនាងដួងសូហ្វី បានរៀបការជាមួយលោកសេង ហួរ នៅអាគារH ដឺព្រមៀ សេនធ័រ សែនសុខ ដោយគេសង្កេតឃើញមានការចូលរួមពីតារាល្បីៗជាច្រើនអបអរប្អូនរបស់តារាចម្រៀងរូបនេះ បើទោះជាពេលនេះស្ថានភាពកូវីដ ហាក់កក្រើកឡើងវិញក្ដី តែពិធីនោះនៅតែដំណើរការទៅដោយរលូនព្រោះគោរពតាមគោលការណ៍របស់ក្រសួងសុខាភិបាលទាំងអស់។
តារាល្បីៗដែលលេចមុខទៅសាទរប្អូនលោកអែន ឌី មានដូចជាអ្នកនាងលី ម៉ារីណា,សារ៉ាយ លក្ខិណា ,រតនៈ ពិសី,លី ឡាវីន ,គង់ សុជាតិ ,កែវ ស្រីនាង និងLove Riya ជាដើមទើបធ្វើឲ្យលោកអែន ឌី រំភើបជំនួសប្អូនស្រី ហើយថ្លែងអំណរគុណដល់ភ្ញៀវទាំងអស់ដែលបានចូលរួមផ្ដល់កិត្តិយសឲ្យក្រុមគ្រួសាររបស់លោក។តែលោកអែន ឌី មិនបង្ហើបថាពេលណាទើបលោកការប្រពន្ធឡើយ៕