ភ្នំពេញ៖មរណភាពរបស់តារាចម្រៀង,សម្ដែង,កំប្លែង និងពិធីករលោកអៀង ចេនឡា បានធ្វើឲ្យតារាជាច្រើនបង្ហាញអារម្មណ៍សោកស្ដាយនូវទេពកោសល្យសិល្បៈរបស់លោកទើបនៅលើបណ្ដាញសង្គមមានការបង្ហោះពីសារជាច្រើនចូលរួមរំលែកទុក្ខដល់ក្រុមគ្រួសារនៃសព។ចំណែកលោកសុខ រ៉ាស៊ី ដែលជាពិធីករ និងត្រូវជាប្អូនប្រុសរបស់លោកចេនឡា បានបង្ហូរទឹកភ្នែករលីងរលោងថាលោកមានតែបងប្អូនតែ២នាក់ទេ តែចាប់ពីពេលនេះតទៅលោករស់នៅម្នាក់ឯងហើយ។
នៅថ្ងៃបុណ្យសពលោកអៀង ចេនឡា នេះដែរគេឃើញមានតារាដែលចូលរួមរំលែកទុក្ខផ្ទាល់មានដូចជាសុគន្ធ និសា,ណាក់ ស្រីណា,ឈិន មុនីនាថ,ករុណា ពេជ្រ ,នាយព្រែក និងអ្នកដឹកនាំកម្មវិធីសិល្បៈរបស់បុស្ដិ៍បាយ័នលោកគង់ វិសាល ជាដើម ខណៈដែលពិធីបុណ្យខួបគម្រប់៧ថ្ងៃនឹងរៀបចំធ្វើនៅថ្ងៃទី៥ខែកុម្ភៈឆ្នាំ២០២២ភូមិព្រៃព្រីងខាងជើង សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ។
គូរបញ្ជាក់ថាលោកអៀង ចេនឡា បានដឹកចូលពេទ្យសង្រ្គោះបន្ទាន់នៅមន្ទីពេទ្យកាល់ម៉ែត្រកាលពីថ្ងៃទី១៥ខែកុម្ភៈឆ្នាំ២០២២ ដោយជំងឺរលាកស្រោមខួបក្បាលហើយលោកមានអាការៈរវើរវាយនិយាយលែងដឹងអី និងបាត់ការចងចាំ។ទោះជាក្រុមគ្រូពេទ្យព្យាយាមជួយសង្រ្គោះយ៉ាងណាក៍មិនអាចឲ្យលោកចេនឡា បានជាវិញដែរហើយទីបំផុតលោកបានទទួលមរណភាពនៅអាយុ៣៨ឆ្នាំកាលពីថ្ងៃទី២៨ខែកុម្ភៈឆ្នាំ២០២២ វេលាម៉ោង៨និង៣៨នាទីយប់។ក្រោយលោកចេនឡា ស្លាប់ទាំងស្រស់បែបនេះតារារួមអាជីពបានថ្លែងសារក្រៀមក្រំ និងចូលបុណ្យជាបន្ដបន្ទាប់ ខណៈដែលសម្ដេចនាយករដ្ឋមន្រ្ដីហ៊ុន សែន ក៍ធ្លាប់ផ្ដល់ថវិការចំនួន១ម៉ឺនដុល្លារដើម្បីឲ្យលោកចេនឡា ព្យាបាលជំងឺនៅពេលដែលលោកមានជីវិត ហើយក្រោយលោកចេនឡា លាចាកលោកនេះសម្ដេចតេជោក៍បានចូលបុណ្យចំនួន៥ពាន់ដុល្លារដល់ក្រុមគ្រួសារសពបន្ថែមទៀតផងដែរ៕