ភ្នំពេញ៖ប៉ាច គីមមួយ ជាមុខសញ្ញានៃការតាមប្រម៉ាញ់ស្នេហ៍ពីសំណាក់មន្រ្ដីធំៗ និងតាតាសម្បូរលុយដុល្លារទាំងឡាយព្រោះថាសាច់នាងសខ្ចីដូចបណ្ដូលចេកតែម្ដងទើបប្រុសៗណាក៍ចង់ស្ទាបអង្អែល។ប៉ុន្ដែតាំងពីនាងគីមមួយ ដឹកដៃប្រុសក្មេងសយ រតនៈ ឡើងសារភាពស្នេហ៍តាមទូរទស្សន៍នៅថ្ងៃទិវារនៃក្ដីស្រលាញ់(១៤កុម្ភៈ)មកប្រុសដែលធ្លាប់លង់ស្នេហ៍អ្នកមេម៉ាយគីមមួយ ខ្ទាតចេញអស់ដោយសារតែគ្មានអ្វីដែលធ្វើឲ្យនាងគីមមួយ កែប្រែចិត្តឈប់ស្នេហ៍រតនៈ ហើយស្រវាទ្រព្យនោះឡើយ។គីមមួយ គ្មានក្ដីរំភើបចំពោះអ្នកចង់ឲ្យកាដូនាងដូចជាលុយ,ឡាន វីឡារ នោះទេដោយនាងធ្លាប់និយាយយ៉ាងខ្លីថា”រឿងគេចិញ្ចឹម មិនមែនស្រួលឡើយ”។ការគិតបែបនេះរបស់នាងគីមមួយ ដោយសារតែនាងយល់ថាបើគេឲ្យរបស់អ្វីមួយក៍គេចង់បានរបស់អ្វីម្យាងមកប្ដូរដែរ ហេតុនេះហើយនាងមិនប្រថុយនោះទេព្រោះខ្លាចជាប់អន្ទាក់ បើទទួលបានកាដូចអ្វី១ ហើយដាច់ខាតត្រូវតែឲ្យកាដូណា១ទៅគេវិញហើយ…។
ក្រោយនាងប៉ាច គីមមួយ បើកបេះដូងទទួលយកប្រុសក្មេងសយ រតនៈ ឲ្យព្យាបាលរបួសបេះដូងនាងមក ពេលនេះឧកញ៉ាតាតា ដែលចង់បានកាយ៉ានាងមកថ្នមបំពេរនោះលែងហ៊ានតាមតាមរំខានឬញ៉ែនាងទៀតហើយព្រោះដឹងខ្លួនថាស្រីស្អាតរូបនេះខ្ពើមលុយដុល្លារ។ចំណែកនាងគីមមួយ វិញគិតតែបណ្ដើរអនាគតស្វាមីទៅសាសងស្នេហ៍នៅតាមឆ្នេរជារៀងរាល់សប្ដាហ៍ដើម្បីរឹតចំណងស្នេហាឲ្យរឹងមាំថែមទៀត ខណៈដែក្រោយពួកគេបំពាក់ជញ្ជៀនឲ្យគ្នាទៅវិញទៅមកហើយគេជឿរថាមិនយូទេស្រីស្រស់ប្រុសសង្ហារនឹងដឹកដៃគ្នាក្រាបផ្ទឹមឆាប់ៗជាមិនខាន។
គូររំលឹកថាប៉ាច គីមមួយ ធ្លាប់រៀបការជាមួយតារាចម្រៀងម្នាក់ដែលនិយមច្រៀងបទជាភាសារបរទេស តែបានចែកផ្លូវគ្នាកណ្ដាលទីវិញធ្វើឲ្យគីមមួយ ក្លាយទៅជាតារាមេម៉ាយនៅហង្សមាសដូចពេជ្រ សោភា និងសុខ ស្រីនាង ដែរ។អតីតបេក្ខភាពThe Voice Cambodia រដូវកាលទី១រូបនេះមានព័តមានថានាងនិងសង្សារថ្មីបានទិញផ្ទះ១ល្វែងនៅក្បែរស្ពានដែក ខណ្ឌមានជ័យ ដោយបង់រំលស់រួមគ្នាមុនរៀបការ ហើយគីមមួយ សុខចិត្តជិះរថយន្ដម៉ាកPrius យ៉ាងសាមញ្ញ តែនាងបែជាថាចង់ជិះរថយន្តទំនើបៗដូចជាLexus Lx570 និងRange Rover ដូចគេដែរ ទើបមិត្តភក្ដិស្រីស្រស់ស៊កសំដីថា”បើស្រលាញ់តែប្រុសក្មេងអីចឹង បានអាឡានទំនើបហ្នុងម៉ោពីណា?”៕