ភ្នំពេញ៖ស្រីស្អាតសុខ ពិសី ធ្លាប់ញាំញីទៅដោយរឿងគេថានាងស្អាតដោយសារតែកែរូបសម្រស់បន្ថែមពីលើធម្មជាតិនោះជាច្រើនឆ្នាំមកហើយដោយអ្នកខ្លះសង្ស័យថានាងបានធ្វើច្រមុះ,បបូរមាត់ ,ដើមទ្រូង និងចាក់ចង្ការជាដើមទើបពេលនេះក្លាយទៅជារាជនីយប្រចាំសាន់ដេ។តែជាច្រើនឆ្នាំមកនេះពិសី មិនដែលចេញមុខមកតវ៉ា ឬបកស្រាយបញ្ហារទាក់ទងសម្រស់របស់នាងឡើយគឺមិនទទួលស្គាល់ ហើយក៍មិនបដិសេធ ខណៈដែលមុននេះតារាចម្រៀងតន់ ច័ន្ទសីម៉ា ដែលត្រូវគេថានាងបានកែសម្រស់ជាច្រើនផ្នែកនៃដងខ្លួននោះបានសារភាពត្រង់ៗថានាងពិតជាបានកែច្រមុះឲ្យខ្ពស់ស្រួច និងចាក់ចង្ការមែន។យ៉ាងណាគេកត់សម្គាល់ថាសម្រាប់សុខ ពិសី វិញអំឡុងពេលដែលនាងចូលសិល្បៈលើកដំបូងនៅKH កាលពីជាង១០ឆ្នាំមុននោះនាងក៍ជាស្រីស្អាតម្នាក់ដែលមានរូបសម្រស់សោភា ម្នាក់ដែរ ទោះជាពេលនោះគ្មានដំណឹងថានាងបានកែកុនសម្ផស្ស ក្ដី ។ដោយឡែកសម្រាប់រយៈពេល២ឆ្នាំចុងក្រោយនេះស្រពេលដែលរូបសម្រស់របស់ពិសី កាន់តែមានភាពប្រែប្រួលស្ទើរគ្រប់យ៉ាងដូចជាគីឡូស្រកជាងមុន,រាងរឹតតែស្វែល និងសាច់កាន់សខ្ចីល្វក់នោះគេបែជាមិនដែលឭដំណឹងថាពិសីបានកែកុនផ្នែកផ្សេងៗទៀតដូចមុនទេ ហើយមនុស្សទាំងឡាយបានមើលឃើញថាតារាសាន់ដេរូបនេះស្ទើតែពិបាករកតារាណាមកប្រជែងសម្រស់ជាមួយនាងបានព្រោះថាទាក់ទាញខ្លាំងណាស់។អ្នកខ្លះយល់ថាពិសី ចង់ឲ្យរូបសម្រស់នាងស៊ីដាច់គេតែម្ដងក្នុងសិល្បៈ ខណៈដែលមួយចំនួនទៀតថាពិសី ប្រឹងថែសម្រស់ឲ្យកាន់តែប្លែកទៅៗគឺដើម្បីផ្គាប់ចិត្តគូស្នេហ៍។
សុខ ពិសី ធ្លាប់ប្រាប់អ្នកយកព័តមានយើងថារូបរាងនាងមានការខុសប្លែកពីមុនដោយសារតែនាងហាត់ប្រាណជាប្រចាំតែម្ដងនោះគឺប្រភេទកីឡាយូហ្គាដែលចង់បានរាងយ៉ាងណាអនុវត្តិន៍តាមយូធូប។នាងថាពុំបានប្រើប្រាស់ផលិតផលសម្រកណាមួយឲ្យប៉ៈពាល់ដល់រាងកាយនោះទេ។
សូមបញ្ជាក់ថាសុខ ពិសី បានប៉ៈស្នេហ៍ថៅកែសាន់ដេលោកឡាយ សុខចំរើន ជាច្រើនឆ្នាំមកហើយ តែអ្នកទាំងពីរអត់ដែលទទួលស្គាល់ទោះជាទាំងមជ្ឈដ្ឋានអ្នកសិល្បៈនិងមហាជនមើលឃើញថាពួកគេពិតជាសាកសមគ្នាខ្លាំងក្ដី។ដោយឡែកតារារួមអាជីពបានសរសើរពិសី ថានាងសុខចិត្តផាត់ចោលស្នេហ៍មន្រ្ដីធំៗជាបន្ដបន្ទាប់ ព្រោះចង់បានស្នេហ៍ពិត ហេតុនេះហើយមិនយូរទេពិសី និងលោកចំរើន នឹងដឹកដៃគ្នាចូលរោងការហើយពេលនោះពិសី និងគូស្នេហ៍នឹងទទួលបានសុភមង្គលពិតដូចឱក សុគន្ធកញ្ញា និងប្ដីជាមិនខាន៕
