ភ្នំពេញ៖នៅពេលដែលពិធីបុណ្យប្រពៃណីចូលឆ្នាំខ្មែរកាន់តែខិតកៀកមកដល់នោះតារាចម្រៀងគ្រប់លិតកម្មបានចេញបទចម្រៀងសម្រាប់អបអរពិធីបុណ្យជាតិនេះរៀងៗខ្លួនដែលការផលិតភាគច្រើនជាចង្វាក់រាំវង់,ក្បាច់,សារ៉ាវ៉ាន់ និងឡាំលាវ ជាដើម។ដោយឡែកសម្រាប់តារាចម្រៀងលោកអែន ឌី វិញថាលោកក៍បានត្រៀមខ្លួនរួចជាស្រេចផងដែរនោះគឺការច្រៀងCover បទមរតកដើមសម្រាប់ចេញក្នុងពិធីបុណ្យចូលឆ្នាំខ្មែរដែលនៅបាំងតែជាង១ខែទៀតនេះ។
លោកក៍បានឲ្យដឹងដែរថាចំពោះដៃគូដែលត្រូវច្រៀងឆ្លងឆ្លើយនិងសម្ដែងរួមគ្នាជាមួយលោកនោះគឺអ្នកនាងLove Riya ដែលកន្លងមកលោកក៍ធ្លាប់បានច្រៀងសម្ដែងរួមគ្នានៅលើឆាកតន្រ្ដីជាមួយនាងដែរ។លោកអែន ឌី ថាLove Riya មានសម្ថភាពអាចច្រៀងបទពីដើមៗបានល្អទើបលោកជ្រើសរើសនាងធ្វើជាដៃគូ ពិសេសទាំងរូបលោកនិងនាងសុទ្ធតែអ្នកស្រលាញ់បទចម្រៀងមរតកដើមខ្លាំងណាស់។
តារាដែលធ្លាប់ប៉ៈដៃគូជាស្រីស្អាតជាច្រើនដួងមកហើយលោកអែន ឌី មិនប្រាប់ថាបទចម្រៀងដែលលោកត្រៀមចេញជាមួយដៃគូថ្មីនេះមានចំនួនប៉ុន្មានបទនោះទេ ប៉ុន្ដែលោកថានឹងចេញឲ្យបានមុនពិធីបុណ្យចូលឆ្នាំខ្មែរ បើទោះជាពេលនេះកូវីដ នៅតែផ្ទុះក្ដី តែការធ្វើការងាររបស់លោកនៅតែដំណើរការទៅមុខព្រោះគោរពតាមវិធានរបស់ក្រសួងសុខាភិបាលជានិច្ច៕
