ភ្នំពេញ៖ខណៈដែលឱក សុគន្ធកញ្ញា,សុគន្ធ និសា ,សួស វីសា និងពេជ្រ សូលីកា សុទ្ធតែមានប្ដីរៀងៗខ្លួនហើយពេជ្រ សោភា ឈានចូលវ័យ៣៧ឆ្នាំនោះស្រីស្អាតរ៉េត ស៊ូហ្សាណា ដែលមានសម្រស់កាន់តែគូរឲ្យទាក់ទាញពីមួយថ្ងៃទៅមួយថ្ងៃនោះ មានសង្ឃឹមកាន់តែច្រើនក្នុងការអុកឡុកទីផ្សារចម្រៀងនៅហង្សមាស បន្ទាប់ពីនាងបានក្ដាប់ស្ពតពាណិជ្ជកម្មធំៗស្ទើតែពេញដៃ ខណៈដែលមិត្តរួមក្រុមខ្លះស្ទើតែគ្មានឱកាស។ប៉ុន្ដែថៅកែហង្សមាសហាក់នៅតែមិនទាន់មានទំនុកចិត្តលើស្រីក្មេងនេះក្នុងការឲ្យកាន់កាប់តំណែងធំជាគណៈកម្មាការ ឬគ្រូបង្វឹកប្រលងចម្រៀងណាមួយឡើយបើទោះសុខ ស្រីនាង,ផន ស្រីខួច និងនីកូ ត្រូវបានតែងតាំងតួនាទីនោះអស់ទៅហើយក្ដី។តែស៊ូហ្សាណា ត្រូវបានហង្សមាសលើកតម្កើងទៅលើការគ្រងតួឯកក្នុងភាពយន្ដជាបន្ដបន្ទាប់ទៅវិញដែលនេះឆ្លុះបញ្ចាំងថាហ្សាណា មានទេពកោសល្យសម្ដែងច្រើនជាងអង្គុយលើកៅអីធ្វើអត្ថាធិប្បាយ ព្រោះថាបទពិសោធន៍នាងនៅក្នុងសិល្បៈខ្ចីពេកទើបថៅកែមិនហ៊ានលើកទាំងប្រថុយឲ្យរ៉ាប់រងតួនាទីធំព្រោះខ្លាចរងការិះគន់។
រ៉េត ស៊ូហ្សាណា បានបរាជ័យលលើកពានThe Voice Cambodia រដូវកាលទី២ ព្រោះថែល ថៃ ធ្វើបានល្អជាង។យ៉ាងណាបើសង្កេតលើសកម្មភាពសិល្បៈរបស់នាងនាពេលសព្វថ្ងៃវិញឃើញថាហ្សាណា មានទីផ្សារល្អជាងម្ចាស់ពានទាំងឡាយនៅហង្សមាសផង ព្រោះនាងត្រូវប៉ាន់ទាំងចម្រៀងនិងស្ពតព្រមគ្នាតែម្ដងដែលធ្វើឲ្យនាងអាចរកប្រាក់ចំណូលបានជាច្រើនក្នុង១ខែៗ។អ្វីដែលគូរឲ្យកត់សម្គាល់ទោះជាកូវីដ២ឆ្នាំតារាខ្លះប្រឈមជួបវិបត្តិសេដ្ឋកិច្ចក្ដី តែហ្សាណា វិញមិនត្រឹមតែគ្មានហានិភ័យនោះទេ តែតារាវ័យ២២ឆ្នាំរូបនេះថែមទាំងមានទ្រព្យកាន់តែច្រើនទៀតផងដូចជាកាលពីដើមខែមករាឆ្នាំ២០២១ នាងទិញផ្ទះ២ល្វែងតម្លៃខ្ទង់ជាង៣០ម៉ឺនដុល្លារ ខណៈរំលងបានតែ៤ខែនាងបានទិញរថយន្ដទំនើបម៉ាកJeep Rubicon តម្លៃ៨៧០០០ដុល្លារថែមទៀតផង ដែលនេះបញ្ជាក់ថាហ្សាណា គឺជាតារាម្នាក់ដែលមានទ្យព្យច្រើនទាំងវ័យក្មេងគឺដូចគ្នាទៅនិងនាងមាន សូនីតា,ណា សាឌី,គង់ វង្សយ៉ាទី ,ថន លក្ខិណា និងបេប៊ី ជាដើមដែលពួកគេសុទ្ធតែរស់នៅផ្ទះវីឡារ និងជិះរយន្ដទំនើបៗដូចគ្នា។
ចំពោះស៊ូហ្សាណា វិញមិនធ្លាប់មានព័តមានថានាងមានគូស្នេហ៍ឧបត្ថម្ភឡើយ ព្រោះសម្អាងថាឪពុកម្ដាយនាងមានជីវភាពធូធារតាំងពីមុននាងចូលសិល្បៈម្លេះ។តែកាលពីពាក់កណ្ដាលឆ្នាំ២០២០ ស៊ូហ្សាណា ធ្លាប់បង្ហាញសញ្ញាមានម្ចាស់ចិត្តតាមរយៈការកាន់ដៃប្រុសម្នាក់ហើយនាងស្នើរសុំកុំឲ្យបុរសនោះលែងដៃនាងកណ្ដាលទីទៀតផង។ ប៉ុន្ដែនាងបានព្យាយាមលាក់មុខបុរសនោះជិតឈឹងទើបគេមិនដឹងថាអនាគតស្វាមីនាងជាបុ្រសនៅក្នុងឬក្រៅសិល្បៈឡើយ៕
