ភ្នំពេញ៖ថ្វីត្បិតតែGalaxy មានកំពូលតារាចម្រៀងព្រាប សុវត្ថិ មែន តែគ្រប់គ្នាអាចមើលឃើញថាតួឯកពិតប្រាកដគឺជាស្រីស្រស់តូចច្រឡឹងនាងតន់ ច័ន្ទសីម៉ា ព្រោះថាទាំងលោកសុវត្ថិ និងខេម សុទ្ធតែជាដៃគូចម្រៀងរបស់នាងហើយគ្មានជម្រើសទី២ឡើយរហូតមានអ្នកខ្លះបានលើកឡើងថាសីម៉ា នេះឯងដែលធ្វើឲ្យតារានៅផលិតកម្មផ្សេងៗទៀតពិបាកទប់ទប់ទៀតផងព្រោះតែទេពកោសល្យអំណោយផលពីធម្មជាតិដែលនាងចេះស្មូតនោះនាំឲ្យស្រីស្រស់មានបច្ចេកទេសច្រៀង”អឿន” បានយ៉ាងល្អ។ អ្វីដែលគូរឲ្យកត់សម្គាល់ពេលនេះGalaxy បានទិញអ្នកនិពន្ធខ្លាំងៗមកផ្គាប់ចិត្តសីម៉ា ដើម្បីឲ្យនាងកាន់តែល្បីថែមទៀតផង ហើយសម្រាប់បទចូលឆ្នាំខ្មែរនេះសីម៉ា អាចនឹងមានសង្ឃឹមខ្ពស់ជាងតារាផ្សេងៗទៀតព្រោះបទរបស់នាងទទួលបានការពេញនិយមច្រើន ដោយសារតែថៅកែមានការសម្រិតសម្រាំងគ្រប់បែបយ៉ាងទាំងអស់ជូនស្រីក្មេងរូបនេះ។
យ៉ាងណាអំឡុងពេលដែលតន់ ច័ន្ទសីម៉ា កំពុងតែឡើងកូដនេះរឿងស្នេហារបស់នាងក៍កាន់តែអាថ័កំបាំងផងដែរ ក្រោយនាងវាចាថាបេះដូងមិនទាន់មានម្ចាស់ចំពេលមានព័តមានថាអ្នកចម្រៀងមកពីខេត្តតាកែវរូបនេះត្រូវពោះម៉ាយម្នាក់ដាក់អន្ទាក់ស្នេហ៍។ប៉ុន្ដែច័ន្ទសីម៉ា បានឆ្លើយរឿងបេះដូងទៅFan របស់នាងដដែលៗថាអត់ទាន់មានសង្សារបើទោះជាពេលខ្លះបានបែកធ្លាយរូបភាពរវាងនាងនិងលោកពោះម៉ាយរូបនោះស្និតស្នាលគ្នាដូចគូសង្សារក្ដី។អ្វីដែលគូរឲ្យកត់សម្គាល់ថែមទៀតនោះនៅពេលដែលច័ន្ទសីម៉ា កំពុងមានឈ្មោះបោះសម្លេងនេះរូបសម្រស់នាងក៍កាន់តែគូឲ្យក្នក់ក្នាញ់ផងដែរបន្ទាប់ពីសីម៉ា សារភាពថាបានកែលើកខ្ទង់ច្រមុះ និងចាក់តចង្ការឲ្យទៅជាអក្សរV។
គូរបញ្ជាក់ការដែលតន់ ច័ន្ទសីម៉ា បានក្លាយទៅជាតារាក្រសោមទីផ្សារផ្នែកយុវវ័យកំពុងតែនាំមុខគេនេះដោយសារតែនាងមានឱកាសធ្វើជាដៃគូរបស់លោកព្រាប សុវត្ថិ និងខេម ទើបធ្វើឲ្យបច្ចុប្បន្នអ្នកចម្រៀងដែលមានគីឡូប្រហាក់ប្រហែលនាងពិបាកទប់ទល់។ចំណែកអ្នកជំនាញសិល្បៈបានលើកឡើងថាប្រសិនបើGalaxy ទិញបានមាស សុខសោភា និងពេជ្រ សោភា ដូចការលេចឭកាលពីខែកញ្ញាឆ្នាំ២០២០ នោះបានម្លេះច័ន្ទសីម៉ា ប្រាកដជាមិនសូវស្ទុះងើបខ្លាំងដូចពេលនេះទេ៕