ភ្នំពេញ៖ស្រីស្អាតសុខ ពិសី ជាមុខសញ្ញានៃការតាមប្រម៉ាញ់ស្នេហ៍ពីសំណាក់មន្រ្ដីធំៗមួយចំនួនជាច្រើនឆ្នាំមកហើយតែទីបំផុតតំណែងជំទាវ ឬការចង់ឲ្យលុយ ឡាន និងវីឡារ មិនធ្វើឲ្យពិសី ជ្រួលជ្រើមឬស្រវ៉ាចាប់នោះទេ ព្រោះថាពេលនេះនាងមានមានអង្គរក្សបេះដូងតាមការពារ២៤ម៉ោងនោះគឺថៅកែសាន់ដេលោកឡាយ សុខចំរើន ។បើទោះជាទាំងពិសី និងលោកចំរើន មិនដែលសារភាពស្នេហ៍ម្ដងណាក្ដី ប៉ុន្ដែព័តមានដែលផ្សព្វផ្សាយពីចំណងស្នេហាអ្នកទាំង២ជិត១០ឆ្នាំមកនេះវាបានធ្វើឲ្យអ្នកដែលព្យាយាមរាយមងដាក់អន្ទាក់ស្នេហ៍ពិសី បានខ្ទាតទៅវិញអស់ហើយតារាសាច់សខ្ចីមានសុវត្ថិ គេចផុតពីការរងសំពាធពីសំណាក់អ្នកចូលចិត្តប្រើអំណាចលុយ។អ្វីដែលគូរឲ្យកាន់តែកក់ក្ដៅថែមទៀតនោះពិសី នៅតែរក្សារបានតំណែងជាតួឯកនៅផលិតកម្មសាន់ដេរយៈពេលយូឆ្នាំតទៅទៀតបើទោះជាអ៊ីវ៉ា ត្រូវបានគេទទួលស្គាល់ថាមានសម្ថភាពមិនចាញ់នាងក្ដី។ឥទ្ធិពលរបស់ស្រីស្អាតពិសី នេះដែរបានធ្វើឲ្យតារាចម្រៀងរួមទ្រនុំគោរពនា ងប្រៀបបានដូចជាថៅកែឬម្ចាស់ផលិតកម្មសាន់ដេផងដែរ ខណៈដែលនាយចឺម ដែលធ្លាប់ តែត្រូវតារាស្រីជាច្រើនដួងដែលថតសម្ដែងMVជាមួយញ៉ាចសឹងគ្រប់គ្នាព្រោះលោកមេសា គិតតែពីចាប់អោបថើបតួស្រីលើសពីតម្រូវការអ្នកដឹកនាំសម្ដែងបញ្ជារនោះស្រាប់តែពេលប៉ៈពិសី នាយបែរជាស្លូតសុភាពរាបសារហួសការគិតទៅវិញ។ភស្ដុតាងទាំងនេះបញ្ជាក់ថារឿងស្នេហារបស់ពិសី ជាមួយថៅកែសាន់ដេត្រូវបានតារាជ្រកកោនក្រោមដំបូលផលិតកម្មមួយនេះដឹងឭទាំងអស់ហើយពួកគេបន់ឲ្យតែអ្នកទាំងពីរឆាប់ចូលរោងការនិងអាលបានទៅញាំការតែប៉ុណ្ណោះ។
ទោះជាយ៉ាងណារហូតមកដល់ពេលនេះសុខ ពិសី នៅតែមិនទាន់កំណត់ពីពេលវេលានៃការចូលរោងការឡើយ បើទោះជាមានការសន្និដ្ឋានស្ទើតែច្បាស់១០០%ថាអនាគតស្វាមីរបស់នាងគឺជាលោកឡាយ សុខចំរើន ក្ដី ប៉ុន្ដែនាងបានជ្រើសផ្លូវសាងស្នេហាលាក់លៀមដោយមិនហ៊ានបើកចំហនោះទេ ដែលរឿងនេះត្រូវបានគេសន្និដ្ឋានថាគ្មានអ្វីក្រៅពីពិសី ខ្លាចក្នុងការប៉ៈពាល់ដល់ទីផ្សារចម្រៀងរបស់នាងនោះទេ ទើបមិនហ៊ានកៀកកើយកំពូលស្នេហ៍ជាសាធារណៈបែបនេះអស់ជិត១ទសវត្សន៍។
ក្រៅពីសុខ ពិសី តារាដែលផាត់ចោលសំណើរស្នេហ៍មន្រ្ដីធំឬមិនចាប់អារម្មណ៍តំណែងជំទាវនោះមានដូចជាមាស សុខសោភា ,ឱក សុគន្ធកញ្ញា ,សុគន្ធ និសា ,សួស វីសា និងពេជ្រ សោភា ជាដើមដែលពួកគេសាងស្នេហ៍ដោយបេះដូងជាមួយបុរសដែលខ្លួនស្រលាញ់។អ្វីដែលគូរឲ្យកត់សម្គាល់ថែមទៀតនោះពិសី មិនបារម្ភខ្លាចចំណងស្នេហាមានការប្រែប្រួលទេទើបនាងបន្ដការលាតត្រដាងរឿងស្នេហាដោយមិនបើកចំហ ឬមិនប្រញ៉ាប់អូសដៃគូស្នេហ៍ចូលរោងការដូចឱក សុគន្ធកញ្ញា និងប្អូនថៅកែហង្សមាសនោះឡើយ។អ្នកជំនាញសិល្បៈបានលើកឡើងថាបើសិនជាពិសី ក្លាហានហ៊ានរៀបការជាមួយលោកឡាយ សុខចំរើន ជាសាធារណៈនៅពេលខាងមុខនោះឥទ្ធិពលរបស់នាងនៅសាន់ដេគឺដូចឱក សុគន្ធកញ្ញា នៅហង្សមាសដែរជាមិនខាន ហើយពេលនោះច្បាស់ណាស់ថៅកែផលិតកម្មនឹងមិនឲ្យពិសី ធ្លាក់មកធ្វើជាតួរងជាដាច់ខាត ពោលគឺត្រូវតែជាតួឯកជាច្រើនឆ្នាំតទៅទៀតឬអាចនឹងបញ្ចប់អាជីពនៅសាន់ដេតែម្ដង។
សុខ ពិសី ត្រូវបានគេចាត់ទុកថាជារាជនីយសម្រស់នៅឆ្នាំ២០២២ នេះប្រចាំសាន់ដេព្រោះមិនទាន់មានតារាណាអាចផ្ដួលរូបឆោមនាងបានឡើយ បើទោះជាពិសី ធ្លាប់ត្រូវបានគេសង្ស័យថានាងបានកែកុនជាច្រើនផ្នែកក្ដី។ការថែរាងមកស្វែលដ៍តូចច្រឡឹងរបស់ពិសី នេះធ្វើឲ្យនាងរឹតតែត្រូវប៉ាន់ក្ដាប់បានស្ពតធំៗតទៅទៀតទើបមុននេះនាងបានទិញរថយន្ដLand CruiserV8 តម្លៃជាង១០ម៉ឺនដុល្លារបន្ថែមពីលើរថយន្ដដែលនាងជិះប្រចាំថ្ងៃមានដូចជាAudi, Range Rover និងLexus Ls600។អ្នកស្និតសុខ ពិសី បង្ហើបថាការមិនព្រមទទួលស្គាល់រឿងស្នេហ៍ថៅកែរបស់តារាសាច់ដូចបណ្ដូលចេករូបនេះធ្វើឲ្យកូនលោកឧកញ៉ាមហាសេដ្ឋីម្នាក់នៅតែតាមស្នេហានាងរយៈពេលជាង១០ឆ្នាំមកហើយ៕
