ភ្នំពេញ៖ពេជ្រ សោភា បានអះអាងថារយៈពេល៤ឆ្នាំ(២០១៨-២០២២) នៅរាត្រីថ្ងៃចុងក្រោយនៃពិធីបុណ្យចូលឆ្នាំខ្មែរ(១៦មេសា)គឺជាវេលាមួយដែលនាងភ័យជាងគេបំផុត ព្រោះតែអ្នករាំដ៍ច្នើមម្នាក់របស់នាងឈ្មោះRomio Sopitu បានលះបង់ពេលវេលាជួយនាងដើម្បីឲ្យនាងបានល្អលើឆាកទើបធ្វើឲ្យការសម្ដែងសូមួយស្ទើតែធ្វើឲ្យបុរសដែលនាងចាត់ទុកដូចជាប្អូននេះប៊ិះតែនិងភ្លាត់ស្នៀត។ដោយឡែកមហាជនមើលឃើញតាមរយៈវីដេអូនោះបង្ហាញថាលោកRomio Sopitu បានរាំត្រឡប់ខ្លួនហើយបត់កផ្លាស់ទីសឹងតែមិនទាន់ទើបធ្វើឲ្យសោភា ភ័យបុកពោះ។
ពេជ្រ សោភា ថ្លែងថា”បើគាត់(Romio Sopitu )មិនរាំឲ្យខ្ញុំក៍គ្មានរឿងបែបនេះកើតឡើងដែរ។គាត់រត់ច្រើនសូ តែគាត់ជួយខ្ញុំ ព្រោះស្រលាញ់ខ្ញុំ ខ្លាចខូចសូ ។ខ្ញុំទុកគាត់ដូចប្អូន មិនបាច់គិតខ្មាសអ្នកណា សម្រាប់ខ្ញុំឡូយនោះទេ”។
ពេជ្រ សោភា ប្រាប់ទៀតទៀតថាក្នុងចំណោមអ្នករាំរបស់នាងទាំងអស់គឺនាងស្រលាញ់ស្មើគ្នាទាំងអស់ ប៉ុន្ដែអ្វីដែលនាងតក់ស្លុតបំផុតនោះត្រង់ថាបើអ្នករាំនាងម្នាក់នេះ(Romio Sopitu)ខុសបច្ចេកទេស និងភ្លាត់ស្នៀតតែបន្ដិចនិងអាចបណ្ដាលឲ្យគ្រោះថ្នាក់ដល់ជីវិតដែលនេះមិនមែនជារឿងធម្មតានោះទេ។ដោយឡែកអ្នកនៅក្នុងហេតុការណ៍នោះបានអះអាងថាដោយសារតែនៅពេលនោះនៅលើឆាកមានសើមទឹកទើបធ្វើឲ្យអ្នករាំរបស់សោភា ម្នាក់នេះរាំលោតរអិលស្ទើតែប៉ៈពាល់ដល់ជីវិតបែបនេះ។យ៉ាងណាស្ថានការណ៍បានល្អប្រសើរឡើងវិញនៅពេលដែលសោភា ដឹងថាអ្នករាំដែលនាងចាត់ទុកដូចជាប្អូននោះគ្មានបញ្ហារបួសឬគ្រោះថ្នាក់ដែលនេះជាសំណាងមួយក្នុងមួយពាន់គ្រោះថ្នាក់ព្រោះមិនត្រឹមតែសោភា នោះទេតែអ្នកទស្សនាផ្ទាល់ក៍បុកពោះមិនស្ទើដែរ ដោយសាតែក្បាច់រាំដើម្បីឲ្យមានសូកាន់តែពិសេសនោះ អាចនឹងប្រឈមគ្រោះថ្នាក់បានគ្រប់ពេលប្រសិនបើមានការធ្វែសប្រហែសឬស្ទើបច្ចេកទេសតែបន្ដិចនោះ។
ពេជ្រ សោភា ជាតារាម្នាក់ដែលមានក្បាច់រាំប្លែកៗហើយមានអ្នករាំអមជាច្រើនទៅតាមប្រភេទConcerts ដែលនេះជាការផ្ដល់ការងារឲ្យពួកគេមានការងារធ្វើក៍ដូចជាប្រាក់ចំណូលពីជំនាញរបស់ពួកគេផងដែរ។តែនេះគឺជាលើកទី១ផងដែរដែលគេឃើញសោភា ចេញមុខសរសើរសមាជិកម្នាក់របស់ក្រុមរាំនាងថាមិនខ្លាចនឿយហត់សុខចិត្តរត់ពីឆាកមួយទៅឆាកមួយដើម្បីមកជួយនាងឲ្យមានសូ ទាក់ទាញ។យ៉ាងណាជាការលើកទឹកចិត្តដល់អ្នករាំសោភា ក៍បានប្រកាសថាទុកលោកRomio Sopitu ដូចជាប្អូនរបស់នាងផងដែរ ខណៈអ្នករាំផ្សេងៗទៀតរបស់នាងគឺនាងស្រលាញ់ដូចគ្នាទាំងអស់ ព្រោះបើគ្មានពួកគេទេនាងក៍មិនអាចនាំយកផ្ទាំងទស្សនីយភាពលើឆាកមកបង្ហាញមហាជនឲ្យរីករាយគ្រប់ពេលបានដែរ។
ពេជ្រ សោភា បានឈជាតារាស្រីលំដាប់ជូមុខនៅហង្សមាសរយៈពេលជាង១៦ឆ្នាំទៅហើយដែលទោះជាពេលនេះហង្សមាសមានតារាចម្រៀងកាន់តែច្រើនក្ដី ប៉ុន្ដែនាងនៅតែរក្សារតំណែងបាននិងបានផ្ដល់បទពិសោធន៍របស់ខ្លួនឲ្យយុវវ័យជំនាន់ក្រោយដែលស្រលាញ់សិល្បៈ តាមរយៈការធ្វើជាគ្រូបង្វឹកនិងគណៈកម្មារការកម្មវិធីប្រលងចម្រៀងThe Voice Cambodia និងBeat The Best ជាដើម។តារាវ័យ៣៧ឆ្នាំតែសម្រស់នៅតែក្មេងជាងអាយុរូបនេះក៍ជាអ្នកចម្រៀងម្នាក់ដែលត្រូវប៉ាន់ខ្លាំងក្នុងការធ្វើជាBA និងស្ពតពាណិជ្ជកម្មធំៗជាច្រើន ទើបធ្វើឲ្យសោភា នៅតែជាតារាម្នាក់ដែលរកប្រាក់ចំណូលពីសិល្បៈបានច្រើនក្នុង១ឆ្នាំៗ។ ប៉ុន្ដែរឿងចំណងស្នេហាថ្មីរបស់សោភា វិញហាក់ស្ងប់ស្ងាត់បន្ដិចក្រោយនាងបង្ហាញសញ្ញាមានសង្សាររូបសង្ហាររយៈពេលជិត៤ខែមកនេះ ទើបធ្វើឲ្យដំណឹងនៃការដឹកដៃម្ចាស់ចិត្តចូលរោងការរបស់តារាហង្សមាសគ្មានតម្រុយច្បាស់លាស់ឡើយ។សោភា ដែលខកខានទៅGalaxy ក្នុងការចាប់ដៃជាមួយលោកព្រាប សុវត្ថិ ព្រោះនាងសម្រេចចិត្តបន្ដជ្រកនៅហង្សមាសតទៅទៀតដោយគិតថា”ឆ្នាំងចាស់ បាយឆ្ងាញ់”នោះ ធ្លាប់តាំងចិត្តថានាងមិនដែលយករឿងស្នេហាធំបំផុតក្នុងជីវិតនោះទេ ពោលគឺទោះជាអត់សង្សារក៍នាងអាចរស់បាន តែរឿងសំខាន់ដែលនាងផ្ដោតគឺគ្រួសារនិងការងារ។មហាជនរងចាំមើលថាតើសោភា នឹងដឹកដៃគូស្នេហ៍រៀបការនោពេលណាទៅ?