ភ្នំពេញ៖កុល ដាវី បានម្រាលកូនស្រីដូចបំណងកាលពីព្រឹកថ្ងៃទី១១ខែមេសាឆ្នាំ២០២២ ដោយនាងនិងស្វាមីបានដាក់ឈ្មោះកូនទី១ថា”រក្សា វីនីតា”។នេះគឺជាកាដូដ៍ធំបំផុតសម្រាប់គូស្នេហ៍តារាល្បីឈ្មោះ១គូនេះនៅឆ្នាំ២០២២ ក្រោយពីពួកគេទទឹងរងចាំអស់រយៈពេលជាង៣ឆ្នាំមកនេះ។
លោកសុខ រក្សា បានប្រាប់តាមឆាតហ្វេសបុកកាលពីរសៀលថ្ងៃទី២០មេសា ថាភរិយាសំណព្វចិត្តនិងកូនស្រីជាទីស្រលាញ់របស់លោកគឺមានសុខភាពល្អដូចគ្នាហើយពេលនេះអារម្មណ៍លោកបានក្លាយទៅជាឪពុករបស់គេគឺរំភើបគ្មានអ្វីប្រៀបផ្ទឹមបាន។លោករក្សា ថាលោកបានបំពេញតួនាទីជាស្វាមីនិងឪពុករបស់កូនស្រីលោកដោយមានការរៀបចំឲ្យអ្នកទាំងពីរសម្រាកឲ្យបានល្អ គឺតាំងពីក្រោយភរិយាសម្រាលរួចភ្លាមៗម្លេះក្នុងនោះលោកថែមទាំងធ្វើដូចជាការបោសសម្លៀកបំពាក់ឲ្យកូន និងមើលថែដាវី យ៉ាងដិតដល់បំផុតជាដើម។
ទាក់ទងការងារសិល្បៈរបស់កុល ដាវី ថាត្រូវផ្អាករយៈពេលប៉ុន្មានខែទើបនាងហ៊ានទទួលឡើងវិញនោះលោករក្សា បានថ្លែងថាចំពោះការថតសម្ដែងពេលនេះដាវី មិនទាន់អាចធ្វើបានឆាប់ៗទេ ព្រោះសសៃនៅខ្ចី អីចឹងរងចាំដល់រឹងដៃរឹងជើងឡើងវិញទើបចូលថតភាពយន្ដជាធម្មតាបាន។ស្វាមីកុល ដាវី បានបន្ថែមថាភរិយាលោកនឹងផ្អាកការងារសិល្បៈរយៈពេលពី២ទៅ៣ខែ ទើបចាប់ផ្ដើមទទួលការងារទាំងនោះដូចដើម ប៉ុន្ដែសម្រាប់ការលក់តាមOnline ដាវី នឹងចេញមុខLive វិញនៅដើមខែឧសភាឆ្នាំ២០២២ ខាងមុខនេះហើយ ខណៈដែលអំឡុងពេលដាវី សម្រាលនេះនាងក៍មានកូនចៅធ្វើការងារតាមOnline ឲ្យតំណើរការដែរ។ជំនួសមុខឲ្យភរិយា លោក រក្សា បានថ្លែងអំណរគុណដល់ផលិតករទាំងអស់ដែលនៅតែទាក់ទងមកភរិយា លោកក្នុងការថតសម្ដែងរឿងថ្មីៗ ប៉ុន្ដែពេលនេះលោកមានតែសូមអធ្យាស្រ័យពីបណ្ដារផលិតកម្មទាំងឡាយព្រោះដាវី មិនទាន់អាចវិលទៅថតបានឆាប់ៗហើយត្រូវរងចាំរហូតដល់ខ្ទង់ខែមិថុនា ឬកក្កដា ឆ្នាំ២០២២ ទើបឧត្តមភរិយារបស់លោកវិលមកបន្ដការងារសិល្បៈជាប្រកតីឡើងវិញបាន។
គូររំលឹកថាកុល ដាវី បានដឹកដៃលោកសុខ រក្សា រៀបការកាលពីថ្ងៃទី៨ខែមីនាឆ្នាំ២០១៩ ហើយក្រោយតារាទាំងពីរក្លាយទៅជាប្ដីប្រពន្ធគ្នាស្របច្បាប់មកពួកគេប្រឹងប្រែងធ្វើការសិល្បៈ និងមុខរបរខាងក្រៅសិល្បៈបន្ថែមដូចជាដាវី លក់អ៊ឺវ៉ាន់តាមOnline ខណៈលោករក្សា មានវង្សតន្ត្រីនិងការងារផ្សេងៗទៀតទើបធ្វើឲ្យដាវី-រក្សា មានជីវភាពធូធារនិងរស់នៅយ៉ាងមានសុភមង្គល។ក្រោយដាវី និងលោករក្សា ទទួលបានកាដូមិនអាចកាត់ថ្លៃបានគឺកូនស្រីជាទីស្រលាញ់នេះប្រាកដជាធ្វើឲ្យចំណងស្នេហាពួកគេកាន់តែរឹងមាំថែមទៀតហើយនឹងក្លាយទៅជាគូស្នេហ៍គំរូក្នុងសិល្បៈជាមិនខាន៕