ភ្នំពេញ៖វ៉ាន់ នីឡា បានបាត់មុខពីឆាកកំប្លែងCtn ដើម្បីយកពេលទៅថែរក្សារគ័តកូនដំបូងរបស់នាងដែលពេលនេះមានទម្ងន់៥ខែទៅហើយ ខណៈដែលនាងទើបតែរៀបការបានជាង១ខែប៉ុណ្ណោះ។អ្នកចែកចាយនៅលើបណ្ដាញសង្គមខ្លះបានជជែកខុសៗគ្នាដោយមួយចំនួនថានីឡា មានកូន៤ខែតាំងពីថ្ងៃរៀបការម្លេះទើបនាងមិនអាចលើកពេលរៀបមង្គលការតទៅទៀតបាន ស្របពេលដែលខ្លះថានីឡា និងលោកសក្ការៈ បានភ្ជាប់ពាក្យជាមួយគ្នាជាច្រើនឆ្នាំទៅហើយ អីចឹងពួកគេចង់យកកូនពេលណាក៍បានដែរ ហើយឥឡូវអ្នកទាំងពីរបានក្លាយទៅជាប្ដីប្រពន្ធគ្នាស្របច្បាប់ហើយដែរ ហេតុនេះរឿងមានកូនជាសិទ្ធិរបស់ពួកគេ។
លោកសុវណ្ណ រិទ្ធី ហៅលោកតាវ៉ិច ទ័រ ជាឪពុករបស់នីឡា បានប្រាប់”នគរធំ”កាលពីរសៀលថ្ងៃទី២៣ខែមេសា ថាពេលនេះលោករីករាយណាស់ព្រោះជិតបានចៅពហើយ។ប្រធានផលិតកម្មវិធីទូរទស្សន៍Ctn រូបនេះថ្លែងដោយរំភើបថានីឡា ពិតជាមានផ្ទៃពោះមែនហើយពេលនេះនាងសម្រាកការសម្ដែងពីឆាកCtn ដើម្បីថែទាំសុខភាពឲ្យបានល្អ ហើយចំពោះសារព័តមានខ្លះផ្សព្វផ្សាយថាកូនស្រីលោករៀបការបាន១ខែមានផ្ទៃពោះ៥ខែនោះលោកថាមិនមានការប្រតិកម្មឬឆ្លើយតបទៅអ្នកកាសែតនោះទេគឺបងប្អូនធ្វើអ្វីទៅតាមវិជ្ជាជីវៈរបស់ខ្លួនទៅចុះ។លោកតាវ៉ិច ទ័រ បន្ថែមថាលោកចង់បានចៅកាន់តែច្រើនរឹតតែល្អ។
វ៉ាន់ នីឡា បានរៀបការជាមួយលោកស៊ុត សក្ការៈ នៅថ្ងៃទី១៩ខែមីនាឆ្នាំ២០២២ ក្រោយពីនាងបានលើកពេលរៀបការអស់ចំនួន៣លើកដោយសារតែកូវីដ។នៅថ្ងៃរៀបការនីឡា ប្រាប់អ្នកសារព័តមានថានាងចង់គិតគូរឿងយកកូនទាន់នៅក្មេងដើម្បីកុំឲ្យមានវប្បដិសារីចាស់ទៅគ្មានកូនប្រើ។តែអ្វីៗលើសការរំពឹងទុករបស់ស្រីស្រស់នីឡា ទៅទៀតព្រោះថាហាក់លឿនពេកហើយ គឺគ្រាន់តែរៀបការហើយជាង១ខែពេលនេះតារាកំប្លែងតូចតន់ត្រៀមសម្រាលកូននៅខែសីហាឆ្នាំ២០២២ ខាងមុខនេះហើយ។នីឡា បានប្រាប់នៅថ្ងៃរៀបការថាក្រោយមានប្ដីនិងកូនហើយនាងនៅតែបន្ដអាជីពកំប្លែងដដែល ព្រោះស្វាមីនាងមិនចេះប្រចណ្ឌហួងហែងឡើយ។កូនប្រសារលោកព្រីង ច័ន្ទបុត្រ ហៅនាយចេក រូបនេះអះអាងដែរថានាងបានត្រៀមបង្កើតមុខបរក្រៅសិល្បៈក្នុងពេលឆាប់ៗនេះ តែពេលរៀបការរួចភ្លាមៗនាងមិនទាន់បែកផ្ទះពីឪពុកម្ដាយនោះទេ៕