ភ្នំពេញ៖គេថាស្រីស្អាតច្រើនតែអភ័ព្វស្នេហ៍ ព្រោះប្រុសតោងស្នេហ៍ច្រើនពេក ចុងក្រោយ”ទន្សាយក៍រួច ត្រីរ៉ស់ក៍រួច” ។ដោយឡែកសម្រាប់ស្រីស្រស់ហ៊ិន ច័ន្ទនីរ័ត្ន វិញក្រោយចូលប្រឡូកក្នុងពិភពសិល្បៈរយៈពេល១៥ឆ្នាំនេះនាងត្រូវបានបុរសស្ទើគ្រប់ប្រភេទទាំងអស់តាមស្នេហាក្នុងនោះមានដូចជាមន្រ្ដីធំមួយចំនួន,តារារួមអាជីព និងអ្នកជំនួញធំៗជាដើម។តែចំណងស្នេហាច័ន្ទនីរ័ត្ន បែជាមិនអាចរក្សារបានភាពយូរអង្វែងនោះទេពោលគឺកំពុងតែផ្អែមល្ហែមក៍ចែកផ្លូវគ្នាកណ្ដាលទីទៅវិញទើបធ្វើឲ្យនារីតូចតន់រូបនេះត្រូវបានគេដឹងថាកំពុងតែបៀមទុក្ខស្នេហ៍តែម្នាក់ឯង។យ៉ាងណាសម្រស់តារាវ័យ២៩ឆ្នាំរូបនេះនៅតែស្រស់សោភា ហើយនាងតែងតែលេចធ្លោជាងគេជានិច្ចរាល់ពេលនាងបង្ហាញខ្លួនតាមបណ្ដារកម្មវិធីទាំងឡាយបើទោះជានីរ័ត្ន មិនដែលហ៊ានបញ្ចេញស្បែកសាច់គល់ភ្លៅ និងដើមទ្រួងឲ្យគេឃើញក្ដី។
អ្វីដែលគូរឲ្យកត់សម្គាល់នោះប្រុសៗមិនតិចឡើយដែលកំពុងតែរងចាំចម្លើយស្នេហ៍ពីស្រីស្អាតធ្មេញចំពើសរូបនេះ ប៉ុន្ដែការមិនអាចរក្សារចំណងស្នេហាបានយូអង្វែងកន្លងមកនាំឲ្យនីរ័ត្ន មិនហ៊ានប្រថុយក្នុងការសាងស្នេហាថ្មីដោយឆាប់ៗរហ័សឡើយ ពិសេសបន្ទាប់ពីលោកចេនី ដែលគេសង្ស័យថាជាគូស្នេហ៍ថ្មីរបស់នាងបានងាកទៅភ្ជាប់ពាក្យចោលនីរ័ត្ន កាលពីថ្ងៃទី៧ខែមករាឆ្នាំ២០២២ មកស្រាប់តែនារីដ៍មានមន្ដស្នេហ៍រូបនេះបែជាងាកទៅសាសងស្នេហ៍ជាមួយលោកហូ ប៉ូសេង ហៅសេង មង្គល ទៅវិញ។បើទោះជាលោកសេង មិនប្រកែកពីទំនាក់ទំនងពិសេសជាមួយច័ន្ទនីរ័ត្ន ក្ដី ប៉ុន្ដែអ្នកដែលស្និតតារាទាំងពីរបែជាថារឿងនេះមិនអាចទៅរួចទៅវិញ ព្រោះសម្អាងថាអារម្មណ៍របស់ពួកគេមិនដូចគ្នា។ដោយឡែកនីរ័ត្ន វិញហាក់មិនមែនទុកបេះដូងឲ្យនៅទំនេនោះទេ ព្រោះជាញឹកញាប់នាងច្រើនតែឡើងទៅបរទេសទិញអ៊ឺវ៉ាន់ម៉ាកប្រេន ប្រេន ដែលធ្វើឲ្យគេសង្ស័យថានាងកំពុងតែសាងស្នេហ៍ថ្មីដោយមិនបើកចំហ ដែលប្រុសនោះមិនមែនជាលោកមង្គល ឡើយ។
ថ្វីត្បិតតែហ៊ិន ច័ន្ទនីរ័ត្ន ធ្លាប់ប៉ៈស្នេហ៍មិនសមប្រកបជាច្រើនសារក្ដី តែតារារួមអាជីពនៅតែសរសើរនាងថាពិធីការិនីតូចតន់រូបនេះ ថាមិនមែនយកលុយជាធំឡើយ ពោលគឺបុរសដែលអាចយកបេះដូងនាងបានទាល់តែនាងស្រលាញ់ដែរទើបអាចទៅរួច។ប្រភពបានឲ្យដឹងថាប្រសិនបើនីរ័ត្ន ជ្រួលជ្រើមរឿងលុយ ឡាន និងវីឡារដូចគេនោះម្លេះពេលនេះនាងក្លាយទៅជាជំទាវលាក់មុខបាត់ទៅហើយ។ប៉ុន្ដែអ្វីដែលគូរភ្ញាក់ផ្អើលតាមព័តមានថាក្រោយពីច័ន្ទនីរ័ត្ន ចេះតែប្រេះស្រាំរឿងស្នេហាជាហូហែមកនេះមានក្រុមម៉ែយ៉ែមកាន់តែច្រើនតាមរំខាននាងទើបធ្វើឲ្យពេលខ្លះនាំឲ្យស្រីស្រស់មួម៉ៅក្ដៅចិត្តតែម្នាក់ឯងទៀតផង៕
