ភ្នំពេញ៖សុគន្ធ និសា មិនទាន់ដូចមាស សុខសោភា ដែលរៀបការប្ដី១២ឆ្នាំហើយគ្មានកូន១គ្រាប់នោះទេ តែនាងអាចនឹងប្រឈមដូចសុខសោភា ជាមិនខានប្រសិនបើនៅតែពន្យាពេលពពោះតទៅទៀតព្រោះថាអ្នកនាងប៊ុន សុគន្ធា ហៅនិសា មានស្វាមីជាង៤ឆ្នាំទៅហើយតែពេលនេះមិនទាន់បានកូនង៉ា១មកបីប្រលែងលេងដូចគេដដែល។ការស្ទាក់ស្ទើក្នុងការយកកូនដំបូងនេះធ្វើឲ្យម្ដាយនិសា ដែលចង់បានចៅពតាំងពីនាងរៀបការហើយភ្លាមៗនោះមិនសូវរីករាយឡើយ ហេតុនេះហើយបានជាអ្នកនាងសុគន្ធា ធ្លាប់ប្រាប់ថានាងអាចនឹងយកកូននៅឆ្នាំ២០២១ ព្រោះចាស់ទុំទាំងសងខាងសុទ្ធតែចង់ឲ្យនាងគិតគូរឿងយកកូនតាំងពីចុងឆ្នាំ២០១៧ ម្លេះ។តែគូរឲ្យស្ដាយផែនការណ៍យកកូនរបស់និសា ត្រូវបានបរាជ័យដោយសារតែកាលពីដើមខែមីនាឆ្នាំ២០២១ នាងកើតកូវីដ ហើយបើទោះជាពេលនេះស្ថានភាពសុខភាពនាងល្អប្រសើរដូចមុនទៅហើយក្ដី ប៉ុន្ដែនិសា មិនទាន់រៀបគម្រោងយកកូនជាលើកទី២នោះទេ ព្រោះថារយៈពេលចុងក្រោយនេះនាងបែជាមមាញឹករឿងចេញរាំច្រៀងស្ទើតែដកខ្លាមិនរួចទៅវិញ។
សុគន្ធ និសា បានជ្រើស្នេហ៍”ជួញឆ្ងាយ ប្រសើរជាងជួញជិត”ក្រោយពីនាងបានចែកផ្លូវលោកសុខ ជំនោរ ហើយពេលនេះស្វាមីនាងជានាយកផ្នែកប្រតិបត្តិរបស់ក្រុមហ៊ុនមែនញូឡាយ ប្រចាំកម្ពុជាដែលមានផ្ទះនៅទីក្រុងBoston សហរដ្ឋអាមេរិក។តាំងពីមានប្ដីមកនិសា មិនសូវមានសន្ទុះខ្លាំងដូចកាលនៅលីវនោះទេ ខណៈដែលនាងក៍បានងាកទៅបង្កើតមុខរបរក្រៅសិល្បៈជាបន្ដបន្ទាប់ផងដែរមុនពេលចេញទៅរស់នៅអាមេរិកជាមួយប្ដី។តាមព័តមានថារឿងដែលនិសា នៅតែរារែកចិត្តចំពោះការផ្ដល់កំណើតឲ្យកូនទី១នោះគឺដោយសារតែនាងចង់បង្កើតកូនលើទឹកដីអាមេរិកពោលគឺសម្រាលភ្លាមកូនបានសញ្ជាតិអាមេរិកភ្លែត តែពេលនេះនាងនៅតែមិនទាន់ទទួលបានសិទ្ធិរស់នៅជាអចិនត្រេយ៍(Visa)លើទឹកដីអាមេរិកទើបធ្វើឲ្យការដាក់ផែនការណ៍យកកូនកាន់តែត្រូវពន្យាពេលថែមទៀតបែបនេះ។យ៉ាងណាគេជឿរថាមិនយូទេនិសា នឹងបង្កើតកូនទី១ឲ្យម្ដាយនាងមានចៅពដូចបំណងជាមិនខាន ដែលពេលនោះមិនត្រឹមតែបានបំពេញបំណងជូនម្ដាយនោះទេ ប៉ុន្ដែនិសា ក៍ធ្វើឲ្យចំណងស្នេហានាងជាមួយស្វាមីកាន់តែរឹងមាំថែមទៀតជាមិនខាន។
សុគន្ធ និសា បានរក្សាររូបរាងនៅតែស្វែលមិនសូវបែកសាច់ដូចតារាមួយចំនួនទៀតដែលមានស្វាមីហើយច្រើនតែឡើងគីឡួជ្រុលឬបែកសាច់ខ្លាំងនោះឡើយ ទើបនាំឲ្យទីផ្សារសិល្បៈរបស់នាងនៅតែអាចរក្សារលំនឹងបានតាមរយៈការចាប់បានស្ពតពាណិជ្ជកម្មធំៗ ហើយនាងលេចមុខលើឆាកតន្រ្ដីធំៗជាបន្ដបន្ទាប់។ប៉ុន្ដែនិសា នៅតែមិនទាន់ទទួលបានកាដូលួងចិត្តពីថៅកែហង្សមាសតាមរយៈការប្រគល់តំណែងធំមកឲ្យនាងវិញនោះទេ ក្រោយតារាស្រគត់ស្រគុំរូបនេះបាត់បង់កៅអីជាគ្រូបង្វឹកThe Voice Cambodia Idol រដូវកាល២ដែលធ្លាក់ទៅកណ្ដាប់នាងសួស វីសា ។យ៉ាងណាមុនពពោះនេះនិសា ក្រសោបបានតំណែងតួឯកដល់ទៅ៤រឿងជាប់គ្នាគឺ”សិសិរដូវក្នុងបេះដូង”,”រាជនីភូមិគ្រិះ”,”ព្រះវេស្សន្ដជាតក”និងរឿង”ចំណតថ្មី នៃសុភមង្គល”។តែតាំងពីឆ្នាំ២០២០ មកនិសា បានផ្អាកថតភាពយន្ដថែមដោយនាងអះអាងថាការថតរឿងមិនមែនដូចMVនោះទេគឺមានការនឿយហត់និងចំណាយពេលច្រើនណាស់ ទើបពេលនេះនាងចង់ផ្ដោតតែលើអាជីពចម្រៀងប៉ុណ្ណោះ។សម្រាប់អ្នកជំនាញសិល្បៈបានលើកឡើងថានៅឆ្នាំ២០២២ នេះតារាស្រីហង្សមាសមានតែនាងរ៉េត ស៊ូហ្សាណា ម្នាក់ប៉ុណ្ណោះដែលមានយ៊ីអ៊ុនល្អ ក្រៅពីនេះហាក់នៅទ្រឹងទាំងអស់ ហេតុនេះហើយនិសា អាចនឹងពិបាករក្សារតំណែងជាតារាស្រីលំដាប់ជូមុខ ប្រសិនបើបទចម្រៀងនាងចេញមិនបានដិតដល់លើទីផ្សារដូចមុននោះ៕