Friday, March 29, 2024
Homeតារាខ្មែរផូ មុនីពៅ ៖ចង់ឲ្យស្វាមីទៅធ្វើការនៅវៀតណាម

ផូ មុនីពៅ ៖ចង់ឲ្យស្វាមីទៅធ្វើការនៅវៀតណាម

បារាំង៖ផូ មុនីពៅ និងស្វាមីនាងលោកEric Boissoneau និងកូនប្រុសAlexis Boissoneau កំពុង​ធ្វើតំ​ណើរ​កម្សាន្ដ(Holly Day)នៅទីក្រុងBordeaux ប្រទេសបារាំង​ជាទឹកដីឪពុក​ម្ដាយ​ក្មេករបស់នាងដែល​តាម​គម្រោ​ងមុនីពៅ ថាការទៅជួបជុំគ្រួសារខាងស្វាមី ផ្គួបការដើរ​លេង​ផង​នោះមានរយៈពេល៣សប្ដាហ៍​ឯណ្ណោះទើប​នាងនិងប្ដីព្រម​ទាំងកូនត្រូវវិលទៅទីក្រុង​មែល​ប៊ន ប្រទេសអូស្រា្ដលី ជាទីដែលស្វាមីនាងបម្រើរ​ការងារនៅ​ស្ថានទូតបារាំងនៅទីនោះវិញ។

  ផូ មុនីពៅ បានឆ្លើយតបតាមឆាតហ្វេសបុកចំពោះសំណួរ​របស់អ្នកព័តមានយើងថា​រយៈពេល៣ឆ្នាំ​ស្វាមីនាង​ត្រូវ​បាន​ខាងស្ថានទូតអនុញ្ញាត្តិឲ្យមានដំណើរកម្សាន្ដរយៈពេល២ដងគឺចុងនិងដើមឆ្នាំ តែដោយសារតែម៉ា​រយៈ​មុន​កូវីដផ្ទុះខ្លាំងពេក​ទើបនាងនិងគ្រួសារអត់បានទៅ​ណា​​ទេ អីចឹងដល់ពេលដែលអ៊ឺរ៉ុប និងអូស្រា្ដលី បើកឲ្យតំ​ណើរ​ការជើងយន្ដហោះជាធម្មតា​វិញ​ដោយ​អ្នកដំណើរមិនបាច់ធ្វើតេស្ដកូវីដដូចមុន​ព្រោះថាពេលនេះជំងឺ​មួយ​នេះ​បាន​ថម​ថយ​ហើយ​​នោះ​ទើបនាងមិនអាចបង្អង់យូទេគឺត្រូវមកលេង​ខាងក្រុមគ្រួសារឪពុកម្ដាយក្មេក​នៅ​បា​រាំង​តែ​ម្ដង​។​អតីតពិធីការិនីCTN រូបនេះបន្ថែមថាក្រៅពីបារាំងការមកដើរកម្សាន្ដលើកនេះ​នាងក៍​គ្រោង​បង្ហួសទៅ​ដល់​ប្រ​ទេ​ស​អេស្បាញ និងស្វីសផងដែរ ព្រោះប្រទេស​ទាំងនេះ​នៅជិត​បារាំងអាចជិះ​រថយន្ដទៅបាន។ដោយ​ឡែ​ក​​ទាក់​ទង​រឿងគម្រោងមកលេង​ស្រុកខ្មែរសារជាថ្មី​នោះអ្នកនាងមុនីពៅ បានឲ្យដឹងដែរថាអាច​នៅ​ចុងឆ្នាំ​២០២២ នេះនាង​មក​ខ្មែរ​ម្ដងទៀត​បន្ទាប់ពី​បាន​មកលេងស្រុក​លើកចុងក្រោយរយៈពេល២​សប្ដា​ហ៍​កាលពីខែមីនា​ឆ្នាំ២០​២២។

  ក្រៅពីកំពុងសប្បាយលើទឹកដីបារាំងនោះផូ មុនីពៅ ក៍ត្រៀមទទួលបានដណឹង​រីក​រាយ​ថែមទៀតព្រោះ​នៅ​ពេល​ខាង​មុខនេះស្វាមីនាងចប់អាណត្តិបម្រើរ​ការនៅស្ថានទូតបារាំង​ប្រចាំ​នៅអូស្រា្ដលី ទើបនាងនាង​ចង់ឲ្យប្ដី​មកធ្វើ​ការនៅប្រទេសវៀត​ណាមវិញម្ដងដើម្បី​ឲ្យនាង​បាន​ឱកាសមកលេងឪពុកម្ដាយនៅខ្មែរឲ្យញឹកញាប់ជាងមុន។មុនីពៅ បានប្រាប់រឿងនេះថា​ស្វាមី​​នាង​ពិត​ជាផុតអាណត្តិនៅអូស្រា្ដលីចុងឆ្នាំនេះមែន បន្ទាប់ពីបានបម្រើរ​ការ​នៅទីនោះ​អស់​រយៈពេល៣ឆ្នាំ។នាងថាសម្រាប់អាណត្តិថ្មីស្វាមីនាងត្រូវ​បានថ្នាក់លើឲ្យសិទ្ធិជ្រើសរើស​កន្លែងទៅ​ធ្វើការមានប្រទេស៣គឺមានទីក្រុងញូវយ៉ក សហរដ្ឋអាមេរិក,កាណាដា និងប្រទេសវៀត​ណាម។តារាកូន​១​រូប​សម្រ​​​ស់នៅតែមិនមិនប្រែប្រួលទៅ​តាមវ័យរូបនេះបន្ថែមថា​នាង​ជម្រុ​ញ​ឲ្យស្វា​មីជ្រើស​មកធ្វើការនៅវៀតណាម ហើយប្ដីនាងក៍ពេញចិត្តនិងចង់មកបម្រើរ​ការនៅ​ទី​នេះដែរ តែចម្លើយពីមន្រ្ដីថ្នាក់លើគឺ​យ៉ាង​យូជាង២ខែទៀត​នឹង​បានដឹងលទ្ធ​ផលហើយ។ថ្វី​ត្បិតតែផូ មុនីពៅ មិនទាន់ច្បាស់​១០០%​ថាស្វាមីនាងនឹងមកធ្វើការនៅស្ថានទូតបារាំង ប្រចាំ​នៅវៀតណាមក្ដី ប៉ុន្ដែនាងមានជំនឿរចិត្ត​និង​សង្ឃឹមខ្ពស់ថាប្ដីនាងនឹងត្រូវបានគេ​អនុញ្ញាត្តិ​ឲ្យមកវៀតណាម ដែលពេលនោះ​នាងអាចមកជួបជុំឪពុកម្ដាយ ឬពួកគាត់អាចទៅលេងនាង​នៅ​វៀត​ណាម​ក៍បាន​ព្រោះលោក​ទាំង​ពីរកាន់តែ​មាន​វ័យ​ចំណាស់និងមានសុខភាព​មិនសូវ​ល្អទេ។

 គូររំលឹកថាផូ មុនីពៅ បានរៀបការកាលពីថ្ងៃទី១៩ខែកុម្ភៈឆ្នាំ២០១១ ជាមួយបុរសជន​ជាតិ​បារាំងលោកEric Boissoneau ដែលពេលនេះអ្នកទាំងពីរទទួលបានចំណងដៃកូនប្រុស ម្នាក់ឈ្មោះAlexis Boissoneau ហៅខ្មែរ​ថាវរម័ន្ដ បុ័រស សូណូ អាយុជាង៤ឆ្នាំ។មុនីពៅ ដែល​រៀបគម្រោងយកកូនថែម១ទៀត​រយៈពេលជាង១ឆ្នាំ​ទៅ​ហើយនោះបានប្រាប់កាលពីថ្ងៃទី១៩ឧសភា ថាពេលនេះនាងមិនទាន់បានសម្រេចបំណង​ធំតាមរយៈការផ្ដល់​កំណើតកូន​ទី២នោះ​ឡើយ ខណៈដែលក្នុងចិត្តនាងពិតជាចង់បានកូនម្នាក់ទៀតខ្លាំងណាស់ តែធ្វើម៉េចបើនាង​នៅ​តែ​មិន​ទាន់​បាន​កាដូធំនេះ។នាងថាសម្រាប់កូនទី២ទោះជាស្រី​ឬប្រុសទៀតក៍នាង​រីករាយ​នឹង​ទទួលយក​ដូច​គ្នា ហើយសង្ឃឹមថាអាចមានដំណឹងល្អនាពេលដ៍ខ្លីជាមិនខាន៕

RELATED ARTICLES