ភ្នំពេញ៖ឱក សុគន្ធកញ្ញា មិនទាន់ស្រកថយគីឡូដូចដើមទេក្រោយមានកូនប្រុសអាយុជាង២ឆ្នាំនេះពោលគឺនៅតែមើលទៅមានព្រលឹងជាងមុនដដែល តែគូរឲ្យទាក់ទាញដដែលតាមរយៈការពូកែតុបតែងខ្លួនប្លែកៗរបស់នាង។អ្វីដែលធ្វើឲ្យគ្រប់គ្នាមើលឃើញច្បាស់នាពេលនេះ ខណៈដែលតំណែងជាគណៈកម្មារការនិងគ្រូបង្វឹកពីកម្មវិធីប្រលងចម្រៀងធំៗរបស់ហង្សមាសមានការផ្លាស់ប្ដូរដោយតារាខ្លះចេញមុខបានតែ១រដូវកាលក៍បាត់ទៅវិញនោះតែតំណែងរបស់សុគន្ធកញ្ញា នៅតែសុវត្ថិភាពជាងតារាផ្សេងៗទៀតហើយពេលនេះនាងបានចេញមុខធ្វើគណៈកម្មារការCambodian Idol រដូវកាលទី៤ នឹងត្រៀមលេចមុខធ្វើជាគ្រូបង្វឹកThe Voice Kids Cambodia រដូវកាលទី៣ផងដែរ ដែលធ្វើឲ្យនាងមានសកម្មភាពសិល្បៈច្រើនឡើងវិញបើទោះជាមិនសូវមានបទល្បីៗដូចមុនក្ដី។ប៉ុន្ដែសម្រាប់តំណែង២ទៀតគឺThe Voice Cambodia និងX Factor Cambodia នោះស្វាមីរបស់សុគន្ធកញ្ញា មិនទាន់កំណត់ឲ្យនាងចេញធ្វើរដូវកាលថ្មីទាំងនោះឡើយ។
គូរបញ្ជាក់ថាឱក សុគន្ធកញ្ញា តាំងពីក្លាយទៅជាប្អូនថៅកែហង្សមាសមកនាងត្រូវបានតារារួមអាជីពចាត់ទុកថាឥទ្ធិពលរបស់នាងប្រៀបបានម្ចាស់ឬថៅកែផលិតកម្មធំនេះដែរបើទោះជានាងមិនដែលប្រើអំណាចរបស់ខ្លួនគ្របលើតារារួមដំបូលក្ដី។តែប្អូនថៅកែហង្សមាសរូបនេះបានបាត់ខ្លួនពីឆាកតន្រ្ដីនៅប៉ុស្ដិ៍ផ្សេងៗស្ទើតែទាំងស្រុងតាំងពីនាងក្លាយទៅជាភរិយាលោកអ៊ឹង សុខលី មក បើទោះជាអ្នកដឹកនាំសិល្បៈនៅប៉ុស្ដិ៍ដ៍ទៃក្រៅពីហង្សមាសនោះអះអាងថាប្ដីសុគន្ធកញ្ញា នៅតែបើកផ្លូវឲ្យនាងច្រៀងនៅប៉ុស្ដិ៍ផ្សេងៗទៀតតាមចិត្តចង់ក្ដី ប៉ុន្ដែការមិនសូវមានបទល្បីៗដូចមុនហើយតម្លៃខ្លួននៅតែរក្សារខ្ពស់នោះគឺជាបញ្ហាចោទមួយសម្រាប់អ្នកគ្រប់គ្រងការងារសិល្បៈដែលខ្លះមិនហ៊ានហៅឬដាក់តារាផ្នែកយុវវ័យជំនួសនាង។
តាមព័តមានថាបើហង្សមាសបង្កើតកម្មវិធីប្រលងចម្រៀងថ្មីទៀតក៍ឱក សុគន្ធកញ្ញា នៅតែមានអតិភាពខ្ពស់ជាងតារាដ៍ទៃក្នុងផលិតកម្មហង្សមាសដែលត្រូវស្វាមីនាងរុញឲ្យកាន់កម្មវិធីធំៗទាំងនោះដែរ ហេតុនេះហើយការគ្មានបទល្បីៗចេញដូចមុនមិនធ្វើឲ្យសុគន្ធកញ្ញា ប្រឈមការធ្លាក់កូដខ្លាំងពេកទេ ព្រោះនាងមានស្វាមីនៅក្រោយខ្នងជួបទប់លំនឹង ខណៈដែលសម្រាប់ទីផ្សារស្ពតពាណិជ្ជកម្មវិញសុគន្ធកញ្ញា នៅតែត្រូវប៉ាន់ដដែល។អ្នកជំនាញសិល្បៈបានលើកឡើងថាសុគន្ធកញ្ញា នឹងរក្សារតំណែងជាតួឯករបស់ហង្សមាសជាច្រើនឆ្នាំតទៅទៀតពោលគឺតារាស្រីមួយចំនួនទៀតរបស់ផលិតកម្មនេះមិនអាចវ៉ាឬនៅលើនាងបានឡើយ៕
