ភ្នំពេញ៖ការដកតំណែងជាគ្រូបង្វឹក(Coach)របស់សួស វីសា ក្នុងកម្មវិធីThe Voice Kids Cambodia រដូវកាលទី៣ ដោយប្រគល់ទៅឲ្យសុគន្ធ និសា វិញនោះធ្វើឲ្យវីសា ស្ងៀមស្ងាត់និងគ្មានប្រតិកម្មនោះទេ ប៉ុន្ដែច្បាស់ណាស់ថានៅសុខៗបាត់កៅអីបែបនេះអ្នកណាទៅសប្បាយចិតុ្តព្រោះតាមព័តមានថាការបំពេញតួនាទីនោះចប់១រដូវកាលគណៈកម្មារការឬគ្រូបង្វឹកម្នាក់ៗទទួលបានទឹកប្រាក់ចំនួនដល់ទៅ៦០០០ដុល្លារឯណ្ណោះ។ប៉ុន្ដែបើសួរថាតើសុគន្ធ និសា ពិតជាសាកសមឬអត់ក្នុងការរាប់រងការងារទាំងនោះចម្លើយគឺសាកសមបំផុតព្រោះនិសា ជាតារាល្បីល្បាញជាច្រើនឆ្នាំមកហើយដែលមានបទពិសោធន៍យ៉ាងជោគជាំក្នុងអាជីពចម្រៀងបើទោះជាតាំងពីមានស្វាមីជាង៤ឆ្នាំមកនេះនាងមិនសូវលេចធ្លោឬមានបទល្បីៗដូចកាលនៅលីវក៍ដោយ តែការចែករំលែកទេពកោសល្យរបស់នាងទៅកុមារខ្មែរជារឿងល្អ។
តែការវិលទៅកាន់តំណែងចាស់របស់និសា នៅពេលនេះមិនមែនជារឿងចៃដន្យនោះទេ ព្រោះតាមព័តមានថាថ្នាក់ដឹកនាំរបស់ហង្សមាសបារម្ភខ្លាចនាងដើរចេញពីផលិតកម្មនេះជាលើកទី២ទើបរកវិធីចងជើងនាងតាមរយៈការឲ្យតំណែងធំមកនាងវិញបើទោះជាមុននេះនិសា ហាក់រារែកចិត្តព្រោះនាងធ្លាប់ឈឺក្បាលរឿងធ្វើការងារនោះទទួលបានការរិះគន់ច្រើនជាងគាំទ្រនៅរដូវកាលទី១ក្ដី។ប្រភពបានឲ្យដឹងថាសុគន្ធ និសា ត្រូវបានផលិតកម្មរាម ពេញចិត្តនិងចង់បាននាងធ្វើជាសមាជិក ហេតុនេះហើយជៀសវាងតារាសំខាន់របស់ខ្លួនរត់ចេញទៅរួមដៃជាមួយផលិតកម្មខាងក្រៅដូចលោកព្រាប សុវត្ថិ ទៀតទើបថៅកែត្រូវតែឲ្យតំណែងសំខាន់មកអ្នកនាងប៊ុន សុគន្ធា ហៅនិសា ឡើងវិញ។
គូរកត់សម្គាល់ថាសុគន្ធ និសា បានផ្អាកថតភាពយន្ដថ្មីៗទាំងស្រុងក្រោយនាងឆក់បានតំណែងតួឯកដល់ទៅ៤រឿងជាប់គ្នាគឺ”សិសិររដូវក្នុងបេះដូង”,”រាជនីភូមិគ្រិះ”,”ព្រះវេស្សន្ដជាតក” និងរឿង”ចំណតថ្មី នៃសុភមង្គល” ខណៈដែលក្រុមការងារផលិតភាពយន្ដភាគទាំង៤របស់ហង្សមាសនៅតែចង់ឲ្យនាងសម្ដែងរឿងថែមទៀត ប៉ុន្ដែនិសា ចង់ពង្រឹងអាជីពឡើងវិញទើបនាងធ្លាប់ប្រាប់ថាការថតរឿងមិនមែនដូចថតMVនោះទេ គឺត្រូវការពេលវេលានិងហត់នឿយខ្លាំងណាស់ ហេតុនេះហើយនាងសូមសម្រាកដោយគ្មានថ្ងៃកំណត់។យ៉ាងណាតារាដែលរៀបការប្ដីជាង៤ឆ្នាំអត់មានកូន១គ្រាប់អ្នកនាងសុគន្ធា ហៅនិសា ត្រូវបានអ្នកជំនាញសិល្បៈលើកឡើងថាទោះជាពេលនេះនាងសម្រុកអាជីពចម្រៀងសារជាថ្មីមែនតែការសង្ឃឹមឈមុខគេនៅហង្សមាសមិនងាយស្រួលឡើយ ព្រោះទ្រនុំធំនេះមានតួឯករួចជាស្រេចទៅហើយនោះគឺឱក សុគន្ធកញ្ញា ៕
