ភ្នំពេញ៖ពិធីការិនីដ៍មានមន្ដស្នេហ៍ហ៊ិន ច័ន្ទនីរ័ត្ន បានបង្ហាញសង្សារថ្មីភ្លាមៗជាការឆ្លើយតបទៅកាន់ដៃគូរបស់នាងលោកសេង មង្គល ដែលងាកទៅកៀកកើយជាមួយអ្នកមេម៉ាយទ្រព្យស្ដុកម្នាក់ហើយប្រុសរូបសង្ហាររូបនេះថែមទាំងប្រកាសជាសាធារណៈទៀតផងថាលោកមិនដែលស្រលាញ់ច័ន្ទនីរ័ត្ន ក្នុងន័យស្នេហាឬទុក្ខនាងជាសង្សារម្ដងណាឡើយ។ក្រៅពីគ្មានវាចាថ្លែងនោះថ្មីៗនេះនីរ័ត្ន បានតបថានាងចង់តែទៅលោតទឹកសម្លាប់ខ្លួននៅស្ពានជ្រោយចង្វាឲ្យស្លាប់ទេ ពេលដែលឃើញលោកមង្គល និងថៅកែពេជ្រ ចេញMVអោបរឹតគ្នា។ដើម្បីឲ្យគ្រប់គ្នាដឹងកាន់តែច្បាស់ថាសម្រស់ស្អាតដូចពិធីការិនីធ្មេញចំពើសរូបនេះមិនខ្វះប្រុសចោមស្នេហ៍នោះនីរ័ត្ន បានឆ្លើយតបទៅលោកមង្គលជាបន្ទាន់តាមរយៈការបញ្ចេញមុខសង្សារថ្មីឲ្យគេស្គាល់ដែលប្រុសនោះពិតជាសង្ហារមិនចាញ់លោកមង្គល ហៅសេង នោះឡើយ។គូស្នេហ៍ច័ន្ទនីរ័ត្ន ថ្មីនេះត្រូវបានគេដឹងថាជានិស្សិតពេទ្យនៅសាកលវិទ្យាល័យវិទ្យាស្រ្ដសុខាភិបាល ហើយនៅក្នុងពិធីការពារនិក្ខេបបទថ្នាក់វេជ្ជបណ្ឌិតកាលពីឆ្នាំ២០២០ របស់បុរសនោះស្រីស្អាតនីរ័ត្ន ក៍បានយកបាច់ផ្កា១បាច់ទៅលើកទឹកចិត្តលោកដោយផ្ទាល់ផងដែរដែលនោះបញ្ជាក់ថាទំនាក់ទំនងរបស់ពួកគេទាំងពីរមានជិត២ឆ្នាំទៅហើយគឺមុនពេលដែលពិធីការិនីរូបនេះស្និតស្នាលជាមួយលោកមង្គល ទៅទៀត។
ដោយសារតែច័ន្ទនីរ័ត្ន មិនចង់ឲ្យគេបង្អាប់ថានាងជាស្រីស្អាតម្នាក់ដែរតែស្នេហាប៉ៈចំតែប្រុសដោះដៃទៅមានថ្មីជាបន្ដបន្ទាប់នោះទើបនីរ័ត្ន ត្រូវតែបង្ខំចិត្តបញ្ចេញមុខគូស្នេហ៍ទាំងមិនខ្លាចប៉ៈពាល់ដល់អាជីពនោះឡើយ ហើយច្បាស់ណាស់ថាបុរសរូបសង្ហារដែលFan របស់នីរ័ត្ន ថាសាកសមគ្នាជាមួយនាងខ្លាំងនេះហើយគឺជាមុខសញ្ញាក្នុងការធ្វើជាកូនកំលោះរបស់តារាតូចតន់រូបនេះនាពេលខាងមុខនេះព្រោះអតីតFreshie រូបនេះធ្លាប់បង្ហើបថានាងចង់រៀបការនៅអាយុ៣០ឆ្នាំពោលគឺនៅឆ្នាំ២០២៣ ។គេចាំមើលថានៅពេលដែលស្រីស្រស់ច័ន្ទនីរ័ត្ន ប្រគល់បេះដូងទៅឲ្យលោកគ្រូពេទ្យវ័យក្មេងព្យាបាលរបួសរួចហើយនោះតើលោកមង្គល អាចមានការសោកស្ដាយចំពោះពាក្យពេជន៍ដែលលោកថាចាត់ទុករូបនាងត្រឹមជាប្អូនស្រីនោះដែរឬទេ?
សូមបញ្ជាក់ថាហ៊ិន ច័ន្ទនីរ័ត្ន បានប៉ៈស្នេហ៍មិនសមប្រកបជាបន្ដបន្ទាប់ដូចជាកន្លងមកធ្លាប់លេចឭថានាងប្រេះឆាស្នេហ៍ជាមួយឯកឧត្តមក្មេងឈ្មោះពិសិដ្ឋ,លោកព្រីង ច័ន្ទបុត្រ ហៅនាយចេក,ប្រុសកូនមន្រ្ដីធំម្នាក់ដែលបានរៀបការចោលនាងកាលពីឆ្នាំ២០១៧ ,លោកចេន រៀបការកាលពីចុងខែឧសភាឆ្នាំ២០២០ និងចុងក្រោយដំណឹងថាលោកមង្គល លែងអើពើរជាមួយនាងទៀតក្រោយងាកទៅស្នេហ៍ស្និតថៅកែពេជ្រម្នាក់។តែរាល់ព័តមានទាំងនោះនីរ័ត្ន មិនដែលទទួលស្គាល់នោះទេ ខណៈដែលនៅក្នុងពិភពសិល្បៈវិញមិត្តភក្ដិរបស់នាងភាគច្រើនសុទ្ធតែបានដឹងថាតារាតូចច្រឡឹងរូបនេះមិនមែនយកលុយជាធំនោះទេ ពោលគឺបុរសដែលអាចធ្វើជាសង្សារនាងបានលុះត្រាតែប្រុសនោះនាងស្រលាញ់ដែរទើបអាចទៅរួច ហើយភាគច្រើនគេឃើញនាងស្នេហ៍តែប្រុសរូបសង្ហារវ័យក្មេង។
ចំពោះការភ្ជាប់ស្នេហ៍ថ្មីរបស់ច័ន្ទនីរ័ត្ន ជាមួយលោកវេជ្ជបណ្ឌិតនៅពេលនេះអាចនឹងត្រូវបានគេសន្និដ្ឋានបានថានីរ័ត្ន នឹងមិនដើរជាន់ដានចាស់ទៀតនោះទេ ព្រោះលោកគ្រូពេទ្យរូបនោះមិនត្រឹមតែពូកែព្យាបាលរបួសបេះដូងស្រីស្អាតឲ្យមានកំដៅឡើងវិញនោះទេ តែលោកក៍ស្នេហ៍តែច័ន្ទនីរ័ត្ន ម្នាក់ដែរទើបអាចរក្សារចំណងស្នេហាបានជាច្រើនខែរហូតមកដល់ពេលនេះ។គេកត់សម្គាល់ដែរថាទាំងមិត្តភក្ដិនៅក្នុងសិល្បៈរួមទាំងFan របស់ច័ន្ទនីរ័ត្ន ពួកគេជម្រុញឲ្យច័ន្ទនីរ័ត្ន បណ្ដើរសង្សារថ្មីនេះដោយបើកចំហទៅដើម្បីកុំឲ្យចាញ់ប្រៀបលោកមង្គល តែស្រីស្អាតហាក់នៅរារែកចិត្តនៅឡើយ ខណៈដែលតាមព័តមានថាលោកគ្រូពេទ្យរូបនោះក៍ជាកូនអ្នកមានទ្រព្យស្ដុកមិនធម្មតាដែរពោលគឺមានរូបរាងសង្ហារ និងចំណេះដឹង ព្រមទាំងលុយទៀតទើបអាចឆក់បេះដូងពិធីការិនីដ៍មានមន្ដស្នេហ៍ម្នាក់នេះបាន។
មហាជនរងចាំអ៊ុតមើលថាតើស្រីស្អាតហ៊ិន ច័ន្ទនីរ័ត្ន និងលោកគ្រូពេទ្យហ៊ានដឹកដៃគ្នារៀបការនៅឆ្នាំ២០២៣ ដែរឬអត់?
