ភ្នំពេញ៖រ៉េត ស៊ូហ្សាណា ជាតារាស្រីផ្នែកយុវវ័យនៅហង្សមាសដែលមានយ៊ីអ៊ុនល្អជាងគេព្រោះអំឡុងពេលកូវីដជាង៣ឆ្នាំកន្លងមកគឺមានតែរូបនាងម្នាក់ប៉ុណ្ណោះដែលស្ទុះឡើងជាងគេនៅផលិតកម្មធំនេះ ខណៈដែលមិត្តរួមក្រុមទាំងរៀមច្បងនិងរួមជំនាន់ហាក់នៅទ្រឹង។ដោយសារតែហ្សាណា លេចធ្លោជាងតារារួមជំនាន់បែបនេះហើយទើបត្រូវបានគេចាត់ទុកថាស្រីស្អាតរូបនេះជាគូប្រជែងដ៍ស្វិតស្វាញជាមួយអ្នកចម្រៀងស្រីដែលលេចធ្លោជាងគេនៅGalaxy គឺ នាងតន់ ច័ន្ទសីម៉ា ដែលតារាទាំងពីរដួងនេះសុទ្ធតែជាអតីតបេក្ខភាពThe Voice Cambodia រដូវកាលទី២ដូចគ្នា។យ៉ាងណាទោះមានការប្រៀបធៀបបែបនេះក្ដីក៍គេដឹងថារវាងតម្លៃខ្លួននាងស៊ូហ្សាណា និងច័ន្ទសីម៉ា មិនដូចគ្នាឡើយព្រោះថាហ្សាណា ស៊ីថ្លៃជិត២ពាន់ដុល្លារពីការច្រៀងConcerts ធំៗម្ដង ខណៈដែលនាងសីម៉ា វិញតម្លៃខ្លួននាងត្រូវថៅកែកំណត់ច្រៀងកម្មវិធីធំម្ដងដល់ទៅ៥ពាន់ដុល្លារឯណ្ណោះ។
ប៉ុន្ដែសម្រាប់នាងហ្សាណា វិញនាងមិនហ៊ានឡើងថ្លៃខ្លួនតាមនាងសីម៉ា ឡើយទើបនៅតាមការប្រគុំតន្រ្ដីប៉ុស្ដិ៍ទូរទស្សន៍ទាំងឡាយនាងត្រូវបានអ្នកដឹកនាំកម្មវិធីហៅច្រៀងស្ទើរាល់កម្មវិធី ខណៈដែលនាងសីម៉ា វិញបាត់មុខពីឆាកតាមទូរទស្សន៍ជិត២ឆ្នាំទៅហើយ បើទោះជាការច្រៀងតាមស្ថានីយ៍តម្លៃខ្លួនាងធូថ្លៃជាងច្រៀងតាមឆាកConcerts ធំៗក្ដី។
ថ្វីត្បិតតែនាងរ៉េត ស៊ូហ្សាណា មិនទាន់មានតម្លៃខ្លួនខ្ពស់ដូចនាងតន់ ច័ន្ទសីម៉ា ក៍ដោយតែនាងស្ថិតក្នុងចំណោមតារាវ័យក្មេងដែលមានទ្រព្យច្រើនក្រោយចាប់អាជីពចម្រៀងជាង៦ឆ្នាំនេះ ព្រោះយោងតាមទ្រព្យនាងមានបច្ចុប្បន្នស្រីស្អាតធ្មេញចំពើសអាយុទើបតែ២២ឆ្នាំរូបនេះមានលុយសរុបមិនក្រោមកន្លះលានដុល្លារឡើយ ក្នុងនោះមានដូចជានាងទិញបានផ្ទះ២ជុងតម្លៃខ្ទង់ជិត៣០ម៉ឺនដុល្លារ,រថយន្ដJeep Rubicon តម្លៃ៨៧០០០ដុល្លារ និងបើកហាងលក់សម្លៀកបំពាក់ជាដើម។យ៉ាងណាអ្វីដែលនាងហ្សាណា សំណាងជាងតារាស្រីស្អាតផ្សេងៗទៀតនោះគឺនាងមិនសូវត្រូវបានគេសង្ស័យថាមានគូស្នេហ៍ឧបត្ថម្ភនៅក្រោយខ្នងនោះទេ បើទោះជានាងធ្លាប់បង្ហាញសញ្ញាមានសង្សារកាលពីពាក់កណ្ដាលឆ្នាំ២០២០ ក្ដី ប៉ុន្ដែមនុស្សភាគច្រើននៅតែគិតថានាងអាចរកលុយបានជាច្រើនម៉ឺនដុល្លារក្នុង១ឆ្នាំៗទាំងអាជីពចម្រៀង និងស្ពតពាណិជ្ជកម្ម រួមទាំងនាងមានឪពុកម្ដាយជាអ្នកមានជីវភាពធូធាស្រាប់ផង ។ប៉ុន្ដែចម្ងល់របស់Fan ហ្សាណា វិញថាហេតុអ្វីបានជានាងមិនហ៊ានបង្ហាញមុខគូស្នេហ៍ដូចមិត្តភក្ដិរួមទ្រនុំ?
