ភ្នំពេញ៖ដូចការសន្យាមែននៅទីបំផុតតារាចម្រៀងទេព បូព្រឹក្ស ហៅស្រីនិច្ច បានធ្វើពិធីជួបជុំTop Fan របស់នាងកាលពីថ្ងៃទី២៧ មករា ដើម្បីឲ្យពួកគេទាយភេទកូនរបស់នាងដែលជាតំណក់ឈាមរបស់ងួន ចាន់ដេវីត ហើយជាលទ្ធផលគឺនាងបានប្រកាសជាផ្លូវការថាទារកកក្នុងផ្ទៃរបស់នាងគឺជាកូន”ប្រុស”។គ្រាន់តែប្រកាសពីភេទកូនរបស់ខ្លួនបែបនេះបូព្រឹក្ស បានចំណាយអស់ដល់រាប់ពាន់ដុល្លារដើម្បីប្រគល់រង្វាន់ជាជញ្ជៀនមាសទាំង៣វង្ស ទៅឲ្យអ្នកដែលទាយភេទកូនរបស់នាងត្រូវ ដែលនេះអាចជាលើកទី១ផងដែរ សម្រាប់តារាខ្មែរដែលធ្វើពិធីបែបនេះឡើង ខណៈអ្នកខ្លះថានាងគូរតែយកលុយនោះទៅធ្វើជាសប្បុរសធ័មវិញទើបត្រូវបានគេសរសើរជាងនេះ។ប៉ុន្ដែតាំងពីពោះធំមកបូព្រឹក្ស មិនដែលឆ្លើយតបទៅអ្នករិះគន់នាងឡើយ ក្នុងនោះដូចជាមានបុរសម្នាក់បានដៀលនាងថាផើមទាំងមិនដែលរៀបការ ក៍នាងមិនបញ្ចេញកំហ៊ឹងដាក់អ្នកមិនពេញចិត្តនាងនោះវិញដែរ។
គូរបញ្ជាក់ថាទេព បូព្រឹក្ស បានលាក់ភេទកូនរបស់ខ្លួនបានដល់ទៅជាង៨ខែឯណ្ណោះ ហើយនៅដើមខែ២ ឆ្នាំ២០២៣ នេះនាងនឹងសម្រាលកូន តែមិនច្បាស់ថានឹងកើតទៅតាមធម្មជាតិ ឬដោយវះកាត់នោះទេ ព្រោះនាងថាមិនទាន់ដឹង។បើទោះជាមានការគាំទ្រផង រិះគន់ផងរឿងនាងយកកូនមុនរៀបការនេះក្ដី ប៉ុន្ដែបូព្រឹក្ស ពេលនេះមានក្ដីសុខបំផុតក្នុងជីវិតនោះគឺនាងត្រូវដេវីត កាន់តែស្រលាញ់ថ្នាក់ថ្នមនាងលើសដើមរហូតមិនឲ្យស្រីនិច្ច ធ្វើការងារធ្វើនោះទេ គឺឲ្យតែនៅផ្ទះប៉ុណ្ណោះ។ក្រោយស្រីនិច្ច ទម្លាយរឿងភេទកូនរបស់ខ្លួននេះដែរនាងក៍បញ្ចេញបទចម្រៀង”Goddess “ទៅFan របស់នាង តែការវិលមករកឆាកតន្រ្ដីវិញនាពេលណា ក្រោយសម្រាលកូននោះ មិនត្រូវបានស្រីនិច្ច សន្យាទុកជាមុនឡើយ។
សូមរំលឹកថាទេព បូព្រឹក្ស ធ្លាប់បានដឹកដៃងួន ចាន់ដេវីត ទៅថតPre-Wedding នៅកោះម៉ាល់ឌីវ កាលពីឆ្នាំ២០១៩ ដោយពួកគេគ្រោងដឹកដៃគ្នាចូលរោងការទៀតផង តែចុងក្រោយគូស្នេហ៍តារា១គូនេះបានសម្រេចចិត្តយកកូនមុនរៀបការទៅវិញទើបធ្វើឲ្យទិន្នន័យតារាដែលនិយមយកកូនមុនរៀបការតាមក្រោយកាន់តែមានបរិមាណនារយៈពេលចុងក្រោយនេះ។នៅចំពោះអ្នកកាសែតមុនប្រាប់ភេទកូននេះបូព្រឹក្ស មិនបញ្ជាក់ថាតើនាងធ្លាប់បានភ្ជាប់ពាក្យ ,រៀបការ ឬចុះអេតាស៊ីវិលហើយឬនៅជាមួយងួន ចាន់ដេវីត នោះទេ ដោយថានាងរឿងខ្លះនាងអាចនិយាយបាន តែរឿងខ្លះមិនអាចប្រាប់បានឡើយ។ចំពោះមហាជនវិញពេលនេះក៍មិនច្បាស់ក្នុងចិត្តថាតើការសម្រាលកូនប្រុសនាពេលខាងមុខនេះរបស់ស្រីនិច្ច ជាកូនទី១ ឬទី២របស់នាងនោះទេ ព្រោះមុននេះគេឃើញក្មេងប្រុសម្នាក់អាយុជាង៥ឆ្នាំដែលធ្លាប់ដើរតាមតារាចម្រៀងរូបនេះក៍ត្រូវបានគេសង្ស័យថាជាកូននាងដែរ៕
