ភ្នំពេញ៖នៅក្នុងពិភពសិល្បៈចំណងស្នេហារបស់តារាអាចប្រឈមការប្រែប្រួលគ្រប់ពេលវេលា ប្រសិនបើពួកគេសាងស្នេហាជាតារានិងតារាដូចគ្នា ព្រោះទោះជាគេដឹងថាតារាប្រុសនោះមានប្រពន្ធ ហើយតារាស្រីនោះមានប្ដីហើយក៍នៅតែមានភាគីទី៣ តាមជ្រែកស្នេហ៍ ហេតុនេះទាល់តែតារាទាំងនោះបេះដូងរឹងដូចថ្មទើបអាចរក្សារស្នេហាខ្លួនបានយូរអង្វែង។សម្រាប់ឆ្នាំ២០២៣ នេះគេឃើញថាមានតារាជាប្រុសស្អាតដល់ទៅ៥ដួង បានសាងស្នេហ៍ជាមួយដៃគូជាអ្នកមេម៉ាយរៀងៗខ្លួនទើបធ្វើឲ្យក្រមុំៗខ្លះអេ។
១៖អ៊ិន សុបញ្ញា ហៅផាណូ ៖អតីតតារាសម្ដែងរូបនេះបានរៀបការជាមួយអ្នកនាងខាត់ សុឃីម កាលពីថ្ងៃទី១២ ខែធ្នូឆ្នាំ២០១២ ហើយពេលនេះអ្នកទាំងពីរទទួលបានចំណងដៃកូនស្រីម្នាក់អាយុជិត១០ឆ្នាំ ខណៈសុឃីម បានលុបចោលគម្រោងយកកូនថែម ដោយសារតែនាងអះអាងថាសម័យនេះបើមានកូនហើយគ្មានពេលវេលាអប់រំកូនគ្រប់គ្រាន់ដោយផ្ទាល់គឺពិបាកធ្វើឲ្យកូនក្លាយជាមនុស្សល្អ។មុនលោកផាណូ ក្លាយទៅជាស្វាមីអ្នកនាងសុឃីម ស្របច្បាប់ជាង១០ឆ្នាំមកនេះ តារាពហុជំនាញមានកូនប្រុសមួយពេលនេះពេញវ័យកំលោះដែលគេសង្ស័យថាជាកូនរបស់លោកចា រិទ្ធី ។
២៖ជា វិបុល ៖អតីតFreshie លេខ១រូបនេះបានរៀបការជាមួយអ្នកមេម៉ាយកូន២(ស្រី១)អ្នកនាងគង់ សុជាតិ កាលពីថ្ងៃទី៩ វិចិ្ឆកា ២០១៣ ពោលគឺចំណងស្នេហារយៈពេលជិត១០ឆ្នាំមកនេះអ្នកទាំងពីរទទួលបានកូនស្រី១អាយុជិត១០ឆ្នាំ ឈ្មោះដូរី ប៉ុន្ដែសរុបទាំងកូនជាមួយស្វាមីមុនសុជាតិ មានកូនទាំងអស់៣នាក់។ចំណងស្នេហាវិបុល-សុជាតិ ធ្លាប់មានបញ្ហាធំតែម្ដងគត់នោះគឺនៅពាក់កណ្ដាលឆ្នាំ២០២០ ដែលពេលនោះលោកវិបុល ផ្ទុះរឿងស្នេហាជាមួយអ្នកនាងចាន់ កែវនិមល ផ្អើលពេញផ្ទៃប្រទេសធ្វើឲ្យសុជាតិ ចូលដេកពេទ្យសង្រ្គោះបន្ទាន់ទៀតផង។តែពេលនេះគូស្នេហ៍តារា១គូនេះវិលមករកសុវត្ថិភាពវិញហើយ បើទោះជាលោកវិបុល រំអុកភរិយាចង់បានកូនភ្លោះប្រុសតែសុជាតិ មិនទាន់បំពេញបំណងឲ្យប្ដីក្មេងក្ដី។
៣៖ព្រីង ច័ន្ទបុត្រ៖អតីតតារាសម្ដែងរូបនេះធ្លាប់ប៉ៈស្នេហាជាមួយអ្នកមេម៉ាយជាច្រើនលើកច្រើនសារមកហើយ តែចុងក្រោយនេះលោកបានក្លាយទៅជាឪក្មេកតារាកំប្លែងវ៉ាន់ នីឡា ដោយសារតែម្ដាយក្មេកនីឡា អ្នកស្រីសរ មុន្នីរស្មី ជាអ្នកមេម៉ាយត្រូវជាភរិយាលោកព្រីង សំរួច ហៅច័ន្ទបុត្រ ។តាំងពីបានប្រពន្ធជាអ្នកមេម៉ាយមកពេលនេះលោកច័ន្ទបុត្រ ហាក់មានក្ដីសុខក្នុងជីវិតព្រោះមានរថយន្ដទំនើបៗជិះ និងពាក់គ្រឿងមាសពេជ្រដូចអភិជន តែមិនដឹងថាចំណងស្នេហាថ្មីនេះអាចរក្សារបានយូអង្វែងឬយ៉ាងណានោះទេ…។
៤៖សយ រតនៈ៖តារាហង្សមាសរូបសង្ហារនេះបានភ្ជាប់ពាក្យជាមួយអ្នកមេម៉ាយរូបស្អាតនាងប៉ាច គីមមួយ កាលពីថ្ងៃទី១ កក្កដា ២០២២ នឹងគម្រោងដឹកដៃគ្នារៀបការនៅឆ្នាំ២០២៣ នេះហើយ។ប្រភពបានឲ្យដឹងថាលោករតនៈ មានស្រី្ដវ័យចំណាស់មួយចំនួនចង់ចិញ្ចឹមឲ្យរស់នៅចាយលុយមិនបាច់ចាំហត់ច្រៀងរាំ ប៉ុន្ដែលោកសុខចិត្តជ្រើសផ្លូវសាងស្នេហ៍ដោយបេះដូងតាមរយៈការច្បាស់លាស់ជាមួយស្រីស្អាតគីមមួយ ។
៥៖ឆឹម សក្កដា ៖តារាសម្ដែងរូបសង្ហារលោកឆឹម សក្កដា ដែលល្បីថាមានប្រុសតាមស្នេហ៍ច្រើនជាងស្រី្ដនោះ បានភ្ជាប់ពាក្យជាមួយអ្នកមេម៉ាយពេជ្រ សោភា កាលពីថ្ងៃទី១១ ខែវិច្ឆិកា ២០២២ ហើយនឹងរៀបការនៅឆ្នាំ២០២៣ នេះតែម្ដង។អ្នកខ្លះម៉ៃថាលោកសក្កដា ចង់ធ្វើស្វាមីសោភា ព្រោះតារាហង្សមាសរូបនេះជាអ្នកមេម៉ាយទ្រព្យស្ដុក តែពួកគេសាងស្នេហ៍មិនច្បាស់លាស់ជាង៥ឆ្នាំមកហើយទើបចុងក្រោយចំណងស្នេហាដែលគេសង្ស័យថា”ក្លែងក្លាយ”នោះបែជាឈានទៅរកជីវិតអាពាហ៍ ពិពាហ៍ជាមួយគ្នាទៅវិញ៕
