ភ្នំពេញ៖ពិធីការិនីធ្មេញចំពើសវ័យ៣២ឆ្នាំ ស្រីស្រស់ហ៊ិន ច័ន្ទនីរ័ត្ន ត្រូវបានគេចាត់ទុកថានាងពូកែលាក់ទុក្ខស្នេហ៍ក្នុងឱរ៉ាមិនឲ្យគេដឹងឡើយ បើទោះជាជួបរឿងស្នេហាប្រេះឆាជាបន្ដបន្ទាប់ក្ដី ប៉ុន្ដែនាងនៅតែរីករាយ និងអត់ធ្លាប់បញ្ចេញទឹកនេត្រាឲ្យគេឃើញដោយសារតែរឿងស្នេហាមិនដូចបំណងប្រាថ្នាម្ដងណាទេ។គ្រាន់តែនៅឆ្នាំ២០២២ និង២០២៣ ច័ន្ទនី័ត្ន បានបាត់បង់បុរសដល់ទៅ២នាក់ដែលគេសង្ស័យថាជាគូស្នេហ៍របស់នាងនោះគឺលោកចេន ដែលរៀបការចោល នាងនិងលោកសេង មង្គល(ហូ ប៉ូសេង)ទៅស្និតជាមួយអ្នកមេម៉ាយ១ប្រាវ ពេលនេះលែងសូវចាប់អារម្មណ៍នាងទៀតហើយ។ប៉ុន្ដែភ្លាមៗនេះដើម្បីឆ្លើយតបទៅអ្នកចាត់ទុកនាងថាជាតារាអភ័ព្វស្នេហ៍ឬច្រើនតែប្រុសទៅរៀបការនិងយកសង្សារថ្មីចោលនោះទើបច័ន្ទនីរ័ត្ន ព្រមបញ្ចេញសង្សារថ្មីជាគូពេទ្យវ័យក្មេងដែលមានរូបរាងសង្ហារសាកសមគ្នាជាមួយនាងតែម្ដង។
តាមពិតគ្រូពេទ្យនេះច័ន្ទនីរ័ត្ន បានភ្ជាប់ស្នេហ៍តាំងពីឆ្នាំ២០២០ ម្លេះ តែនាងលាក់លៀម ហើយទើបតែសម្រេចចិត្តបញ្ចេញមុខប្រុសនោះអំឡុងពេលដែលនាងត្រូវគេបណ្ដុះបង្អាប់ និងឌឺដងរឿងថាគ្មានយីអ៊ុនស្នេហ៍នេះប៉ុណ្ណោះ។នីរ័ត្ន បាននាំលោកគ្រូពេទ្យទៅសាសងស្នេហ៍ដល់បារាំង និងថៃ ជាដើម ខណៈដែលមិត្តភក្ដិនាងមួយចំនួនក្រៅពីសរសើរថាពួកគេសាកសមគ្នានោះ ក៍ជម្រុញឲ្យច័ន្ទនីរ័ត្ន និងលោកសុវណ្ណារិទ្ធ ឆាប់ដឹកដៃគ្នាចូលរោងការដែរ តែនីរ័ត្ន ដែលមានអាយុ៣២ឆ្នាំបងសង្សារ១ឆ្នាំនោះ នៅតែគ្មានដំណឹងក្រាបផ្ទឹមឆាប់ៗនោះទេ។ការពន្យាពេលរៀបការរបស់ច័ន្ទនីរ័ត្ន បែបនេះធ្វើឲ្យមិត្តភក្ដិស្និតស្នាលនាងបារម្ភខ្លាចស្រីស្រស់ដើរជាន់ដានស្នេហ៍ចាស់ម្ដងទៀត បើទោះជាគ្រប់គ្នាដឹងថាតារាតូចតន់រូបនេះមានជម្រើសស្នេហ៍ច្រើនក្ដី។
គូរបញ្ជាក់ថាការបង្ខំចិត្តបញ្ចេញមុខគូស្នេហ៍ថ្មីរបស់ហ៊ិន ច័ន្ទនីរ័ត្ន ធ្វើឲ្យមន្រ្ដីធំផ្កាយ២ម្នាក់ដែលជាអតីតសង្សារតារាហង្សមាសម្នាក់នោះបានខកចិត្ត ព្រោះថារយៈពេលជាច្រើនឆ្នាំមកហើយដែលលោកធំនោះព្យាយាមដាក់អន្ទាក់ស្នេហ៍ តែលោកបានបរាជ័យក្នុងការយកបានបេះដូងស្រីស្អាតរូបនេះទើបធ្វើឲ្យនីរ័ត្ន គេចផុតពីការរាប់លេខរៀងជាសង្សារទី៧ របស់បុរសមានទាំងអំណាច និងទ្រព្យស្ដុកនោះ។ដោយឡែកសម្រាប់តារារួមអាជីពជាមួយច័ន្ទនីរ័ត្ន វិញពួកគេសុទ្ធតែបានដឹងថាពិធីការិនីរូបស្អាតនេះមិនដំដៅជ្រើសគូស្នេហ៍ជាបុរសមានលុយជាធំឡើយ ព្រោះថាបើនាងគ្មានអារម្មណ៍ស្នេហ៍នោះក៍ប្រុសមិនអាចយកបានចិត្តនិងកាយ៉ានាងបានដែរ។ចំណែកអ្នកខ្លះថានីរ័ត្ន នេះទាល់តែបុរសនោះរូបស្អាតសង្ហារ ហើយមានលុយទៀតទើបអាចទៅរួច។
គេចាំមើលថាការជ្រើសផ្លូវសាងស្នេហ៍ដោយមិនប្រញ៉ាប់អូសដៃម្ចាស់ចិត្តចូលរោងការរបស់ហ៊ិន ច័ន្ទនីរ័ត្ន ព្រោះខ្លាចប៉ៈពាល់អាជីពនឹងធ្វើឲ្យនាងអាចរក្សារចំណងស្នេហាថ្មីនេះបានយូអង្វែងឬអត់? ឬមួយនាងនៅតែពិបាកដើរគេចពីដានស្នេហាចាស់ម្ដងទៀត?
ក្រៅពីស្រីស្អាតហ៊ិន ច័ន្ទនីរត្ន តារាដែលធ្លាប់ប៉ៈស្នេហាមិនសូវសមប្រកបមានដូចជាសុខ សោម៉ាវត្តី,កែវ និសា ,ពេជ្រ អាវីសា និងពេជ្រ សោភា ជាដើម៕