ភ្នំពេញ៖ស្រីស្អាតសុខ ពិសី មិនចាញ់មាស សុខសោភា ដែលរក្សារស្នេហាបានដល់ទៅ១៦ឆ្នាំ(២០០៧-២០២៣)ទាំងដែលមិនដែលរៀបការចំហ នោះឡើយ ព្រោះថាចំណងស្នេហាពិសី និងលោកថៅកែសាន់ដេឡាយ សុខចំរើន នាពេលនេះមានរយៈពេលជាង១២ឆ្នាំទៅហើយ តែពួកគេមិនទាន់បានរៀបការ ឬសែនព្រេន នោះទេ ខណៈដែលមានប្រភពខ្លះថាពួកគេបានភ្ជាប់ពាក្យទៅហើយ តែសាមីខ្លួនទាំងពីរមិនដែលសារភាពម្ដងណាឡើយ។អ្វីដែលគូរឲ្យកត់សម្គាល់សុខសោភា និងលោករ៉ាដា បានរៀបការដល់ទៅ២លើកដោយលាក់លៀម ប៉ុន្ដែពិសី និងលោកថៅកែ មិនដែលធ្វើពិធីនោះទេ តែស្នេហាពួកគេនៅតែគ្មានហានិភ័យឬមានភាពរង្គោះរង្គើរម្ដងណាឡើយ ដែលនេះអាចបញ្ជាក់ថាពួកគេយល់ចិត្តគ្នា និងចុះសម្រុងគ្នាល្អណាស់ដោយមានការគាំទ្រពីគ្រួសារទាំងសងខាងទៀតផង។ប៉ុន្ដែរឿងដែលពិសី នឹងដើរតាមផ្លូវសុខសោភា តាមរយៈការរៀបការដោយលួចលាក់ដែរឬយ៉ាងណានាពេលអនាគតនោះគឺនៅមិនទាន់ដឹងនោះទេ ស្របពេលដែលពិសី ក៍មិនអាចធ្វើតាមសោភា ដូចជាការបង្ហាញស្នេហាជាសារធារណៈ និងបញ្ចេញភាពផ្អែមល្ហែមស្នេហ៍ចំហម្ដងណាឡើយ។
សូមបញ្ជាក់ថាសុខ ពិសី ត្រូវបានFan ចាត់ទុកនាងថាជារាជនីយសម្រស់ ព្រោះតារាចម្រៀងស្រីផ្សេងៗទៀតពិបាកប្រៀបធៀប។តារាវ័យ៣៣ឆ្នាំរូបនេះមានជម្រើសស្នេហ៍ច្រើនហើយភាគច្រើនបុរសទាំងនោះតាមស្នេហានាងមិនមែនសុទ្ធតែចង់លេងផ្លូវកាត់ជាមួយនោះទេ គឺចង់ចូលចែចូវតែម្ដងក្នុងនោះមានលោកឧកញ៉ាវ័យក្មេងម្នាក់ ដែលជាមានឪពុកជាឧកញ៉ាដែរនិងជាមហាសេដ្ឋីម្នាក់ខាងរកស៊ីផ្នែកសណ្ឋាគានិងលក់ប្រេងនោះក៍មានតាមស្នេហាពិសី ជាច្រើនឆ្នាំមកហើយ។ប្រភពបានឲ្យដឹងថាមិនក្វល់ពិសី ប៉ៈស្នេហាថៅកែសាន់ដេ ឬមានប្រុសផ្សេងតាមយ៉ាងណាទេ គឺលោកឧកញ៉ា”ហ”រូបនោះនៅតែស្នេហានាងដដែល ។ប៉ុន្ដែពិសី អត់ចាប់អារម្មណ៍ឡើយ បើទោះជានៅក្នុងពិភពសិល្បៈតារាជាច្រើនដែលស្គាល់លោកក៍បានដឹងថាឧកញ៉ារូបនោះចាយលុយដូចក្រដាស់ជាមួយមនុសស្រីដែលលោកស្រលាញ់ក្ដី តែកូនសេដ្ឋីរូបនោះមិនមែននៅទំនេរទេគឺមានភរិយានិងកូនទៅហើយ ទើបពិសី ដើរផ្លូវគេច។
ដោយឡែកតាមរយៈការដែលពិសី សមេ្រចចិត្តជ្រើសគូស្នេហ៍ជាអ្នកនៅក្នុងរង្វង់សិល្បៈចោលតំណែងជំទាវ ជាបន្ដបន្ទាប់នោះព្រោះតែនាងយល់ថាការដើរផ្លូវបែបនេះអាចរក្សារស្នេហាឲ្យគង់វង្សបានយូអង្វែងជាងយកប្ដីសេដ្ឋីក្រៅសិល្បៈ ដែលគេមានលុយក៍អាដូស្រីគ្រប់ម៉ាកបានដែរ។តែFan ភាគច្រើននៅតែចង់ឃើញពិសី និងលោកចំរើន ហ៊ានក្លាហានសារភាពស្នេហ៍ជាចំហ និងរៀបការផ្អើលមេឃដូចឱក សុគន្ធកញ្ញា និងលោកអ៊ឹង សុខលី ។តែក្នុងជំនួបកន្លងមកពិសី ផ្ដល់ចម្លើយដូចមុនៗថានាងមិនទាន់គិតគូដល់ថ្ងៃរៀបការឡើយ តែនាងនៅតែចង់ផ្ដោតលើការងារសិល្បៈច្រើនជាង។
មជ្ឈដ្ឋានមហាជនរងចាំមើលថាតើសុខ ពិសី ដែលជ្រើសផ្លូវសាងស្នេហាដោយមិនបើកចំហអស់រយៈពេលជាង១ទសវត្សន៍មកនេះ នាងនឹងប្ដូរចិត្តមកជាហ៊ានដឹកដៃកំពូលស្នេហ៍ក្រាបផ្ទឹមនាពេលឆាប់ៗនេះតាមបំណងFanបានទេ?គេជឿរថានៅពេលពិសី ក្លាយជាភរិយាលោកចំរើន ស្របច្បាប់ នោះនាងនឹងកាន់តែក្លាយទៅជាតារាដ៍មានឥទ្ធិពលបំផុតនៅសាន់ដេ គឺដូចជាឱក សុគន្ធកញ្ញា នៅហង្សមាសជាមិនខាន ពិសេសតារាស្រីវ័យក្មេងសាច់សខ្ចីដែលចង់ឲ្យដៃថៅកែនោះច្បាស់ជាដកថយទៅវិញអស់ជាមិនខាន៕