ភ្នំពេញ៖អ្នកមេមាយឡាយ លក្ខិណា បានផ្ញើរខ្លួននៅកាណាដារយៈពេល៤៣ខែមកហើយ ពោលគឺនៅខ្វះតែ៥ខែទៀតនឹងគម្រប់រយៈពេល៤ឆ្នាំ ដែលនាងបានចេញទៅច្រៀងនៅកាណាដា ហើយតាមគម្រោងត្រូវវិលមកវិញតាំងពីខែវិច្ឆិកា ឆ្នាំ២០១៩ ម្លេះ ប៉ុន្ដែបែជាស្ទះផ្លូវរហូតដល់ទៅលែងចង់វិលវិញបែបនេះ។យ៉ាងណាអំឡុងពេលដែលនៅកាណាដាកំពុងតែធ្លាក់ព្រិល និងត្រជាក់ខ្លាំងព្រោះជារដូវរងា(Winter)សីតុណ្ហភាពចុះដល់ទៅ-20 ទៅ-23 C នេះអ្នកនាងលក្ខិណា ថ្ងូររងានិងត្រជាក់ខ្លាំងហើយថាហាក់ដូចជាមិនមេត្តាដល់អ្នកSingle សោះ។លក្ខិណា ថាត្រជាក់អីចឹងបើគេមានគូមិនអីទេ ប៉ុន្ដែនាងឆ្ងល់ថាហេតុអីមិត្តភក្ដិនាងប្រាប់ថាកុំជឿរ បើមានប្ដី កាន់តែរងាជាងនៅម្នាក់ឯងទៅវិញ?នាងថាសូមចម្លើយពីFan របស់នាងពិតចំពោះសំណួរ១នេះ ខណៈដែលពេលនោះមានខ្លះខមិនប្រាប់អ្នកនាងលក្ខិណា ថា”ម៉ោ ពីមានគូពេលគេងប្ដីអត់ឲ្យពាក់ខោអាវ ទើបកាន់តែរងា ជាងនៅម្នាក់ឯង…”។
តាមពិតគេជឿរថាអ្នកនាងលក្ខិណា ហាក់ដឹងចម្លើយមួយនេះតាំងពីមុនFan ឆ្លើយម្លេះ តែនាងចង់ដឹងថាFan នាងហ៊ាននិយាយការពិតឬប្រាប់ត្រង់អត់នៅពេលនាងចង់ដឹងចម្លើយពិសេសមួយនេះ។ដោយឡែកមិត្តភក្ដិរួមអាជីពខ្លះបាននិយាយលេងបន្លំមែន ថាអ្នកនាងលក្ខិណា វ័យ៤០ជាងទៅហើយ និងធ្លាប់មានស្វាមីដែរ រឿងអីមិនដឹងគ្រាន់តែសំណួររាក់កំផែលថាម៉េចបានមានប្ដីទៅកាន់តែរងានោះ ព្រោះនណាៗក៍ដឹងថាប្ដីឯណាចូលចិត្តឲ្យប្រពន្ធគេងជាមួយដោយមានខោអាវច្រើនជាន់…។
គូរបញ្ជាក់ថារយៈពេលជាង៣ឆ្នាំនៃការទៅចេញទៅរកលុយនៅលើទឹកដីកាណាដានេះអ្នកនាងឡាយ លក្ខិណា ហាក់កាក់កបជាងនៅក្នុងស្រុកព្រោះនាងចេញច្រៀងសម្ដែងជាបន្ដបន្ទាប់ដូចជាថ្មីៗកាលពីថ្ងៃទី១១ ខែកុម្ភៈ នាងទើបបានចេញច្រៀងជាមួយសិល្បករខ្មែរនៅទីនោះមួយចំនួនផងដែរ ខណៈនៅថ្ងៃបុណ្យទិវានៃក្ដីស្រលាញ់(Valentine’s Day)១៤ កុម្ភៈ អ្នកនាងក៍ច្រៀងសម្ដែងទ្រង់ទ្រាយធំមួយទៀត ហើយអ្វីដែលគូរឲ្យចាប់អារម្មណ៍នោះនៅលើផ្ទាំងបដា(banner)ដែលផ្សព្វផ្សាយពីការប្រគុំតន្រ្ដីនោះរូបអ្នកនាងលក្ខិណា ត្រូវបានគេដាក់តាំងធំជាងគេក្នុងចំណោមតារាចូលរួមផ្សេៗទៀត ដែលមានន័យថានាងនៅតែត្រូវបានគេចាត់ទុកជាតួធំ និងសំខាន់ដដែល។
យ៉ាងណាអ្នកនាងលក្ខិណ ធ្លាប់ប្រាប់អ្នកយកព័តមានយើងថានាងត្រូវបានម្ចាស់ផលិតកម្មឬSponsor មួយនៅទីនោះទុកចិត្តឲ្យនាងឲ្យមានសិទ្ធិជ្រើសរើសតារាពីខ្មែរទៅច្រៀងនៅកាណាដា ដោយយកតួមួយណាទៅក៍បានដែរ។ការបង្ហើបរបស់អ្នកនាងលក្ខិណា ជាមួយថៅកែស្រីផ្ដល់សិទ្ធិសំខាន់នោះទើបធ្វើឲ្យមានការលេចឭថានាងនិងម្ចាស់ឧបត្ថម្ភរូបនោះមានទំនាក់ទំនងស្នេហាភេទដូចគ្នាទៀតផង ។ប៉ុន្ដែអ្នកនាងលក្ខិណា បានប្រកែក។ដោយឡែកការវាចាថាបេះដូងនាងកាន់តែរងាព្រោះនៅកាណាដាត្រជាក់ខ្លាំងនោះ គេសង្ស័យថានោះគ្រាន់តែជាការDrama របស់អ្នកនាងលកិ្ខណា ប៉ុណ្ណោះ ព្រោះទៅជិត៤ឆ្នាំរឿងអីដែលអ្នកមេម៉ាយទ្រលុកទ្រលន់រូបនេះរកគូស្នេហ៍ថ្មីមិនបាន?អ្វីដែលគូរឲ្យកត់សម្គាល់តាមគម្រោងអ្នកនាងលក្ខិណា ត្រូវមកស្រុកវិញតាំងពីខែវិច្ឆិកា ឆ្នាំ២០១៩ ម្លេះ ព្រោះការច្រៀងសម្ដែងមានរយៈពេលតែ៣ខែគត់ តែក្រោយមានដំណឹងថានាងបានជួបស្នេហ៍ថៅកែកាណាដានោះនាងក៍ពន្យាពេលមកស្រុករហូតដល់បច្ចុប្បន្ន។ដោយឡែកសម្រាប់ផលិតកម្ម Sandapl Production នៅកាណាដាដែលនាងអះអាងថាត្រូវបានគេជ្រើសរើសឲ្យចូលជាសមាជិកនៅទីនោះដែរ ពេលនេះហាក់គ្មានសកម្មភាពឬនាងចេញបទថ្មីៗឡើយ។
ក្រៅពីអ្នកនាងឡាយ លកិ្ខណា តារាដែលជ្រើសគូស្នេហ៍ជាបុរសអាណិកជនខ្មែរកាណាដាមានដូចជាអ្នកនាងសៀម ស្រីណុច,មាស សុខសោភា ,រស់ ម៉ូនីកា និងម៉ុក អានីត ជាដើម៕
