ភ្នំពេញ៖មាស សុខសោភា បង្ហាញខ្លួនក្នុងកម្មវិធីនៅផ្សារទំនើប១កាលពីពេលថ្មីៗនេះហើយនាងនៅតែប្រើស្ទីលរបស់ខ្លួនដដែលនោះគឺការលេងខ្លួនដោយបង្ហាញរាងស៊ិចស៊ីជាមួយការបិតបាំងនៅលើដងខ្លួនផ្នែកខាងមុខ(ដើមទ្រូង)ដោយគ្របតែក្រណាត់ស្ដើងនិងឆែកគូរឲ្យទាក់ទាញ។យ៉ាងណាការស្លៀកពាក់របស់នាងបែបនេះត្រូវបានគេមើលឃើញថាសោភា រៀបចំខ្លួនទៅតាមពេលវេលាប៉ុណ្ណោះ ពោលគឺដើម្បីឲ្យត្រូវទៅតាមប្រភេទកម្មវិធីឬផលិតផលដែលខ្លួនផ្សព្វផ្សាយ។ប៉ុន្ដែគេអាចមើលឃើញថាក្នុងចំណោមតារាចម្រៀងស្រីៗលំដាប់ៗជូរមុខនាពេលបច្ចុប្បន្នមានដូចជាឱក សុគន្ធកញ្ញា,ពេជ្រ សោភា និងសុគន្ធ និសា ជាដើមនោះគេឃើញថាសោភា នៅតែឈានមុខគេក្នុងការលេងខ្លួនស៊ិចស៊ីជាងគេ ក្នុងនោះមិនចាត់ទុកពេលនាងទៅលំហែកាយ៉ានៅតាមឆ្នេខ្សាច់មួយចំនួនដែលស្លៀកឈុតប៊ីគីនី នោះឡើយ តែនៅតាមឆាកតន្រ្ដីខ្លះក៍សោភា ហ៊ានពាក់អាវវ៉ែនតាច្រៀងរាំផងដែរ ខណៈដែលតារាស្រីផ្សេងៗមួយចំនួនទៀតបិតបាំងជិតជាងរូបនាង។
គូរបញ្ជាក់ថាការចេញមុខលេងខ្លួនជាមួយឈុតបញ្ចេញសាច់គល់សុដន់ដ៍ព្រឺព្រួចរបស់មាស សុខសោភា នាពេលនេះក្រោយពីនាងត្រូវបានលោកម៉ៃ សុគន្ធ ហៅតារាកំពូលទើសបានធ្វើការរិះគន់ចំៗទៅលើនាងមុននេះថាស្លៀកពាក់ស៊ិចស៊ីមិនដឹងវ័យ និងថាសម្ថភាពដូចសោភា ទោះជាមិនលេងខ្លួនស៊ិចស៊ីក៍នៅតែល្បីដែរ តែការបញ្ចេញជ្រុលរបស់នាងធ្វើឲ្យអ្នកខ្លះយកគំរូតាមដូចជាមុននេះមាននារីម្នាក់នៅខេត្តតាកែវជិះម៉ូតូពាក់តែអាវវ៉ែនតានៅទីសាធារណៈជាដើម។ប៉ុន្ដែសោភា មិនត្រឹមតែគ្មានប្រតិកម្មតតបទៅលោកម៉ៃ សុគន្ធ នោះទេ តែពេលនេះនាងនៅតែបន្ដលេងខ្លួនទៅតាមចិត្តនាងចង់ដដែល ពោលគឺមិនក្វល់ច្រើនពីការរិះគន់ធ្វើឲ្យរំខានដល់ការតុបតែងខ្លួនរបស់នាងនោះទេ។
ដោយឡែកស្វាមីរបស់សុខសោភា គឺអាណិកជនខ្មែរមកពីកាណាដាលោកអ៊ឹត រ៉ាដា វិញកាន់តែបង្ហាញការពេញចិត្តគាំទ្រទៅលើសុខសោភា ទ្វេដងក្រោយនាងបញ្ចេសញស្បែកសខ្ចីបែបនេះនាំឲ្យផលិតផលកាន់តែច្រើនចាប់អារម្មណ៍ទៅលើម្ចាស់ចិត្តរបស់លោក។ស្វាមីសោភា រូបនេះកុំថាឡើយភរិយា លេងឈុតស៊ិចស៊ីត្រឹមប៉ុណ្ណោះ តែទោះជានាងចង់ស្លៀកពាក់បែបណាទាំងនៅក្រៅនិងMV ក៍លោកមិនដែលជំទាស់ម្ដងឡើយពោលគឺតែងតែសម្របខ្លួនតាមនាងជានិច្ច រហូតមានពេលខ្លះលោកឆន សុវណ្ណារាជ អោបថើបសោភា លោករ៉ាដា ឈថតឲ្យទៀតផង ដែលចំណុចទាំងនេះហើយទើបសោភា តែងតែចេញសារសរសើរទឹកចិត្តប្ដីពេញៗមាត់ជារៀងរាល់ថ្ងៃខួបកំណើតអាពាហ៍ពិពាហ៍របស់ខ្លួននៅចុងខែធ្នូ ថាបុរសម្នាក់នេះហ៊ានលះបង់គ្រប់បែបយ៉ាងទាំងអស់ដើម្បីរូបនាង។
មាស សុខសោភា ទោះជារយៈពេលចុងក្រោយនេះនាងលែងសូវមានបទផ្ទុះក្ដី តែអតីតតារាថោន រូបនេះនាងនៅតែត្រូវប៉ាន់ស្ពតឃោសនា ផលិតផលនានា រួមទាំងវិស័យអចលនវត្ថុជាដើមទើបធ្វើឲ្យប្រាក់សំណូលពីសិល្បៈរបស់នាងនៅរក្សារលំនឹងបានល្អដដែលហើយនាងគ្មានគម្រោងដឹកដៃសា្វមីចេញទៅរស់នៅប្រទេសកាណាដា ដូចផែនការណ៍កាលពីឆ្នាំ២០១១ ឡើយ។
អ្វីដែលគូរឲ្យកត់សម្គាល់សោភា ដែលច្រៀងផុតកុងត្រានៅរាម ឆ្នាំទី១ នៅខែកុម្ភៈឆ្នាំ២០២៣ នេះ ពេលនេះមានព័តមានថានាងបន្ដចុះកុងត្រាបន្ដរួមរស់ជាមួយទ្រនុំនេះនៅឆ្នាំទី២ទៀតហើយ បើទោះជាមុននេះមានភាពស្រពិចស្រពិលថានាងអាចមានភាគរយប្ដូរផលិតកម្ម ព្រោះដើម្បីធ្វើឲ្យទីផ្សារចម្រៀងប្រែប្រួលឡើងវិញក្ដី ប៉ុន្ដែទំនាក់ទំនងរវាងសោភា និងថៅកែស្រីគឺពិតជាសំខាន់ជាងការងារសិល្បៈទៅទៀត ហេតុនេះហើយគេជឿរថាសោភា នឹងនៅតែបន្ដផ្ញើរខ្លួននៅរាម តទៅទៀត ទោះជាកាលពីឆ្នាំ២០២២ នាងបានប្រកាសថានឹងបញ្ចេញអ្វីដែលថ្មីបំផុតទៅFan ឲ្យភ្ញាក់ផ្អើលក្ដី តែរហូតមកដល់ពេលនេះនៅតែជាប់គាំងក្ដី តែតារាចម្រៀងសំនៀងផ្អែមរូបនេះមិនលោតចូលផលិតកម្មហង្សមាស ,Galaxy ឬថោននោះទេ ទោះជាផលិតកម្ម៣ខាងលើពេញចិត្តទទួលនាងគ្រប់ពេលក៍ដោយ។ប្រភពបានឲ្យដឹងថាសោភា អាចនឹងគិតគូពីរឿងតំណើរផលិតកម្មចាស់របស់នាងCamtrax ដែលគ្រប់គ្រងដោយស្វាមីនិងបងប្រុសរបស់នាងឡើងវិញក្នុងករណីដែលចម្រៀងរបស់នាងនៅតែអត់ផ្ទុះទៀតនៅឆ្នាំថ្មីនេះ៕
