ភ្នំពេញ៖ក្នុងវ័យ៣៣ឆ្នាំ តារាចម្រៀងស្រីស្អាតសុខ ពិសី នៅតែបង្ហាញអារម្មណ៍ហាក់ឯកោជាងគេប្រៀបធៀបទៅនិងមិត្តរួមអាជីព ដែលរឿងនេះFan ភាគច្រើនរបស់ពិសី មិនចង់ឲ្យនាងជ្រើសផ្លូវបែបនេះតទៅទៀតនោះទេ ព្រោះសម្អាងថាធាតុពិតអ្នកចម្រៀងសាន់ដេរូបនេះបេះដូងមិនមែននៅទំនេឡើយ គ្រាន់តែនាងមិនចង់បង្អួតស្នេហាផ្អែមល្ហែមឲ្យគេឃើញជាសាធារណៈប៉ុណ្ណោះ។ប៉ុន្ដែរឿងពិសី មិនព្រមធ្វើដូចមិត្តភក្ដិតាមរយៈការកៀកកើយគូស្នេហ៍ជាសាចំហនោះជាង១០ឆ្នាំទៅហើយ ព្រោះនាងសម្អាងថានៅតែចង់ផ្ដោតអាជីពសិល្បៈ ជាងគិតទៅលើរឿងស្នេហា ដែលការនិយាយបែបនេះគឺនាងប្រើពេលជាង១០ឆ្នាំទៅហើយ ។ដោយឡែកថៅកែសាន់ដេលោកឡាយ សុខចំរើន វិញប្រភពបានឲ្យដឹងថាលោកចាំតែសម្របខ្លួនទៅតាមពិសី ជាក្រោយប៉ុណ្ណោះ ពោលគឺបើនាងចង់ឲ្យបើកស្នេហ៍ជាចំហ ឬបន្ដលាក់បាំងតទៅទៀតលោកចំរើន មិនដែលជំទាស់លើនាងម្ដងណាឡើយ។
អ្នកជំនាញសិល្បៈបានលើកឡើងថាក្រៅពីខ្លាចប៉ៈពាល់ដល់អាជីពសិល្បៈនោះសុខ ពិសី បារម្ភថានៅពេលដែលរូបនាងនិងលោកចំរើន ព្រមលាតត្រដាងស្នេហ៍នោះនឹងមានអ្នកខ្លះគិតថានាងល្បីដោយសាតែថៅកែនៅក្រោយខ្នងទើបមានបទល្បីៗច្រៀងជាបន្ដបន្ទាប់ ហើយតារាស្រីផ្សេងៗទៀតរបស់សាន់ដេ មិនអាចនៅលើ ឬខ្ពស់ជាងនាងបានឡើយ ដែលរឿងនេះធ្វើឲ្យនាងពិបាកប្រឈម ដូចឱក សុគន្ធកញ្ញា មុនរៀបការជាមួយលោកអ៊ឹង សុខលី ដែរ ហេតុនេះហើយបាននាងមិនហ៊ានប្រថុយ។តែយ៉ាងណានៅក្នុងរង្វង់អ្នកសិល្បៈតារាជាច្រើនសុទ្ធតែបានដឹងពីទំនាក់ទំនងរបស់ពិសី ជាមួយលោកចំរើន ហើយពួកគេអាចព្យាករណ៍ថានាពេលខាងមុខ ពិសី នឹងរៀបការជាមួយថៅកែ ជាមិនខាន បើទោះជាពេលនេះអ្នកទាំងពីរមិនដែលសារភាពស្នេហ៍ម្ដងណាក៍ដោយ តែរឿងនេះអាចមកពីពេលវេលាមិនទាន់សមស្របចំពោះអ្នកទាំងពីរប៉ុណ្ណោះ។
ការពន្យាពេលសារភាពរឿងស្នេហារបស់សុខ ពិសី នាពេលនេះធ្វើឲ្យលោកសុខ ហេង ដែលជាឪពុករបស់នាងមិនទាន់បានឃើញកូនស្រីរៀបការតាមបំណងរបស់គាត់ចង់បានឡើយ ។ប៉ុន្ដែឪពុករបស់ពិសី លោកហេង មិនឲ្យយោបបល់ច្រើនលើកូនដូចជាលោកវ៉ាវ ឪពុករបស់អ៊ីវ៉ា ដែលជម្រុញខ្លាំងឲ្យកូនស្រីរៀបការប្ដីនោះឡើយ ព្រោះប៉ារបស់តារាចម្រៀងសាន់ដេរូបនេះ តែងតែងចង់ឲ្យកូនស្រីធ្វើការសម្រេចចិត្តដោយខ្លួនឯង ពិសេសគឺវាសនាអាជីពចម្រៀងរបស់នាងតែម្ដង។
សុខ ពិសី មិនខុសពីឱក សុគន្ធកញ្ញា នោះទេ ពោលគឺនាងមានជម្រើសស្នេហាច្រើនដោយសារតែបុរសទាំងជាមន្រ្ដីរាជការ និងអ្នកជំនួញមួយចំនួនចង់ធ្វើជាម្ចាស់ចិត្តនាង ដោយប្រើមធ្យោបាយផ្សេងៗគ្នាដើម្បីស្ទួចបេះដូងស្រីស្អាតរូបនេះ។យ៉ាងណាពិសី បានដើរផ្លូវភ្ជាប់ស្នេហ៍ជាមួយបុរសម្នាក់ដែលយល់ពីអាជីពសិល្បៈរបស់នាងយ៉ាងច្បាស់ហើយចំណងស្នេហាបែបនេះត្រូវបានអ្នកជំនាញសិល្បៈលើកឡើងថាពួកគេអាចរក្សារបានភាពយូអង្វែងជាងការជ្រើសរើសបុរសនៅក្រៅរង្វង់សិល្បៈ។
ក្រៅពីសុខ ពិសី តារាដែលនៅបន្ដសាងស្នេហាដោយលាក់លៀមនៅឆ្នាំ២០២៣ មានដូចជានាងសុខ ស្រីនាង ,អ៊ីវ៉ា ,រ៉េត ស៊ូហ្សាណា ,សុខ សោម៉ាវត្តី និងកែវ និសា ជាដើម។សម្រាប់ពិសី វិញការមិនប្រញ៉ាប់អូសដៃម្ចាស់ចិត្តចូលរោងការយ៉ាងតក់ក្រហល់នោះដោយសារតែនាងអាចទុកចិត្តគូស្នេហ៍ក្នុងកម្រិតខ្ពស់ ហើយប្រាកដក្នុងចិត្តថាស្នេហាមិនប្រឈមហានិភ័យទើបនាងនិងគូស្នេហ៍នៅតែមិនក្វល់រឿងគេរិះគន់រឿងសាងស្នេហ៍ដោយមិនបើកចំហច្រើនឆ្នាំជាងគេនេះឡើយ៕