ភ្នំពេញ៖អនាគតស្វាមីស្រីស្អាតប៉ាច គីមមួយ គឺលោកសយ រតនៈ បានប្រាប់កាលពីពេលថ្មីៗនេះថាមង្គលការលោកនិងអូនគីមមួយ មិនទាន់មានការកំណត់ជាក់លាក់នោះទេ ពោលគឺនៅលើភាពជាក់ស្ដែង។ទោះជាយ៉ាងណាលោករតនៈ បង្ហើបថាពិធីអាហ៍ ពិពាហ៍ របស់លោកនិងគូដណ្ដឹងនឹងរៀបចំមិនលើសពីចន្លោះឆ្នាំ២០២៣ -២០២៤ ឡើយ។លោករតនៈ បានប្រាប់មូលហេតុថាចំពោះរឿងដែលមង្គលការលោកនិងគីមមួយ នៅមិនទាន់ដឹងថាធ្វើនៅថ្ងៃខែនិងឆ្នាំណា នាពេលនេះដោយសារតែរវាងលោកនិងគូណ្ដឹងមានការមមាញឹករៀងៗខ្លួន ហេតុនេះទើបមិនទាន់អាចនិយាយនាពេលនេះថាធ្វើបាននៅថ្ងៃណាឲ្យប្រាកដឡើយ។ប៉ុន្ដែលោកសង្កត់ថានឹងមិនបណ្ដោយឲ្យលើសពី១ឆ្នាំទៀតនោះទេ។ដោយឡែកគីមមួយ វិញធ្លាប់បាននិយាយទាក់ទងរឿងរៀបការរវាងនាងនិងលោករតនៈ នេះយ៉ាងខ្លីថានាងចង់ធ្វើឲ្យFan មានការភ្ញាក់ផ្អើល(Surprise) ទើបមិនចង់និយាយឲ្យគេដឹងមុននោះទេ ពោលគឺចង់ឲ្យដល់ថ្ងៃពិសេសនោះគ្រប់គ្នាបានឃើញជាក់ស្ដែងតែម្ដង។
ប៉ាច គីមមួយ បានភ្ជាប់ពាក្យជាមួយលោកសយ រតនៈ កាលពីថ្ងៃទី១ ខែកក្កដា ឆ្នាំ២០២២ ក្រោយនាងទុកជីវិតជាស្រី្ដមេម៉ាយមួយរយៈ បន្ទាប់ពីចែកផ្លូវជាមួយអតីតគូស្នេហ៍ជាតារាចម្រៀងម្នាក់។តារាស្រីរូបស្អាតរូបនេះមានជម្រើស្នេហ៍ច្រើនព្រោះបុរសទាំងក្នុងនិងក្រៅស្រុកចង់ធ្វើជាម្ចាស់ចិត្តនាង តែទីបំផុតគីមមួយ មិនខ្លាចដើរជាន់ដានចាស់គឺនាងជ្រើសស្នេហ៍ជាថ្មីម្ដងទៀតតាមរយៈ”ជួញជិត ប្រសើរជាងជួយឆ្ងាយ”។តារារួមអាជីពមួយចំនួនបានសរសើរគីមមួយ ថាបានគូដណ្ដឹងជាបុរសវ័យក្មេងរូបសង្ហារ តែខ្លះថាលោករតនៈ ឯណ្ណោះទេ ដែលសំណាងព្រោះគីមមួយ សុខចិត្តផាត់ចោលសំណើរបុរសជាច្រើននាក់ដើម្បីយកលោកដោយសារតែនាងជំនឿរចិត្តថាការសាងស្នេហាជាមួយអ្នកចម្រៀងដូចគ្នា ឬអ្នកដែលយល់ច្បាស់ពីអាជីពសិល្បៈរបស់ពួកគេដូចគ្នាចំណងស្នេហានេះនឹងអាចរក្សារបានភាពយូអង្វែងជាងយកអ្នកក្រៅសិល្បៈជាមិនខាន។
ប៉ាច គីមមួយ -សយ រតនៈ ក្រោយក្លាយទៅជាគូដណ្ដឹងគ្នានេះជាង៨ខែមកនេះពួកគេបង្ហាញក្ដីស្រលាញ់ចំពោះគ្នាទៅវិញទៅមកពេញបេះដូងតែម្ដងហើយស្រីស្រស់ប៉ៈប្រុសរូបសង្ហារគឺពិតជាសាកសមខ្លាំង។អ្វីដែលគូរឲ្យសរសើរអ្នកទាំងពីរបានប្រឹងរកលុយរួមគ្នាទិញផ្ទះបង់រំលស់ជាមួយគ្នា ដែលមើលទៅហាក់រស់នៅជាមួយគ្នាមានក្ដីសុខខ្លាំងណាស់ ពោលគឺមានរថយន្ដជិះនិងផ្ទះផ្ទាល់ខ្លួន។ដោយឡែកផលិតកម្មរស្មីហង្សមាសវិញបានចេញបទចម្រៀងឲ្យគីមមួយ-រតនៈ ច្រៀងជាដៃគូគ្នាជាញឹកញាប់ដែលបទខ្លះត្រូវនិងរឿងស្នេហាផ្ទាល់ខ្លួនរបស់ពួកគេតែម្ដង។
ក្រៅពីប៉ាច គីមមួយ តារាដែលយកប្ដីជាអ្នកសិល្បៈដូចគ្នាមានដូចជាអ្នកនាងយក់ ថិតរដ្ឋា ,ពេជ្រ សោភា ,ខាត់ សុឃីម ,គង់ សុជាតិ ,កុល ដាវី ,ទេព បូព្រឹក្ស និងម៉ានីកា ជាដើម។ទស្សនិកជនរងចាំមើលថាតើគីមមួយ អាចរក្សារចំណងស្នេហាថ្មីបានគង់វង្សយូអង្វែង រហូតដឹកដៃគ្នាក្រាបផ្ទឹមតាមប្រពៃណីខ្មែរនាពេលខាងមុខនេះបានដែរឬទេ?
