ភ្នំពេញ៖ការចាកចេញរបស់មាស សុខសោភា ពីរាម ជាសញ្ញា១បញ្ជាក់ថាសុគន្ធ និសា ដែលលេចឭថាត្រូវផលិតកម្មមួយ នេះចង់បានធ្វើជាសមាជិកនោះពេលនេះស្ទើតែ១០០% និសា នឹងមិនចាកចេញពីហង្សមាសឡើយ។ការសម្អាង បែបនេះដោយសារតែឥទ្ធពិលរបស់សុខសោភា មិនតកុងត្រាថ្មីនៅរាម ធ្វើឲ្យនិសា គ្មានស្ទាក់ស្ទើចិត្តក្នុងការមិន ទៅជំនួសសោភា ឡើយព្រោះនាងប្រាកដជាបានដឹងច្បាស់ពីមូលហេតុរបស់សោភា ព្រោះអ្នកទាំងពីរស្និតស្នាលគ្នាជាង១០ឆ្នាំទៅហើយ។ ដោយឡែកសម្រាប់ផលិតកម្មរស្មីហង្សមាសវិញដើម្បីធានាសុវត្ថិ ភាពថានិសា មិនចាក ចេញជាលើកទី២នោះក្នុងរយៈពេលខ្លីសោះពួកគេបានឲ្យតំណែងធំទៅនាងដល់ទៅ២ផ្សេងគ្នានោះធ្វើជាCoach និងJudge កម្មវិធីThe Voice Cambodia រដូវកាលទី៣ និងCambodian Idol Junior រដូវកាលទី២ ។
ប្រភពបានឲ្យដឹងថាថៅកែហង្សមាសមិនចង់ឲ្យតារាល្បីៗជូរមុខរបស់លោកធ្លាក់ក្នុងកណ្ដាប់ដៃផលិតកម្មជា គូរប្រជែងខ្លួនទៀតឡើយ ទើបផលិតកម្មនេះព្យាយាមចងជើងតារាសំខាន់ៗរបស់ខ្លួន ក្រោយមុននេះបានភ្លាត់ ស្នៀតបាត់បង់លោកព្រាប សុវត្ថិនិងខែម ប៊ុនថៃ ទៅGalaxy ទាំងមិននឹកស្មានដល់។ដោយឡែកសម្រាប់សុគន្ធ និសា វិញទោះជាពេលនេះនាងមានស្វាមីមែន តែក្រៅពីមានដំណឹងថារាម ចង់បាននាងនោះក៍នៅមានផលិតកម្មផ្សេងៗទៀតចាប់អារម្មណ៍លើនាងដែរ តែគេជឿរថានិសា នឹងមិនប្ដូរទ្រនុំក្នុងពេលនេះឡើយ ព្រោះក្រៅពី ទទួលបានតំណែងធំខាងលើដល់ទៅ២ ក៍មានព័តមានថាថៅកែអាចនឹងឲ្យតំណែងពិសេសផ្សេងទៀតទៅ នាង ថែមទៀត ព្រោះសម្អាងលើបទពិសោធន៍ក្នុងអាជីពសិល្បៈ និងការគោរពពេលវេលាធ្វើការងាររបស់នាង។
សុគន្ធ និសា បានប្រកាសកាលពីចុងឆ្នាំ២០២២ ថានាងត្រូវដល់ពេលវេលាយកកូនប្រើ ក្រោយរៀបការប្ដីជាង ៥ឆ្នាំ ហើយភ្លាមៗនោះនាងបានចេញចូលមន្ទីសម្ភពជាញឹកញាប់ទៀតផង ទើបធ្វើឲ្យFan សង្ស័យថានាងចាញ់ កូនឬពោះធំកូនដំបូង។ប៉ុន្ដែចុងក្រោយនេះនិសា បែជាឆ្លើយតបទៅអ្នកគាំទ្រថានាងអត់ទាន់មានផ្ទៃពោះទៅវិញ ហើយនាងបានបន្ដចេញច្រៀងសម្ដែងនារដូវក្ដៅនេះជាបន្ដបន្ទាប់តែម្ដង។ដើម្បីកុំឲ្យគេថានាងពោះធំតែព្យាយាមលាក់ ព្រោះតែខ្លាចខាងAgency លែងហ៊ានហៅនាងច្រៀងនោះទើបនិសា ឡើងឆាកធំៗនាងរាំបទញាក់ដូចមុន តែបើនាងមានផ្ទៃពោះមែន ប្រាកដជាមិនហ៊ានធ្វើបែបនោះឡើយ។ដោយឡែកសម្រាប់អ្នកសិល្បៈរួមអាជីព ដែ លជូនពរនិសា ឲ្យបានកូនង៉ាឆាប់ៗនៅថ្ងៃខួបអាពាហ៍ ពិពាហ៍ របស់នាងគម្រប់៥ឆ្នាំ កាលពីថ្ងៃទី១ ខែធ្នូ ឆ្នាំ២០២២ នោះពួកគេនៅតែលើកឡើងថាបើសិនជានិសា ពន្យាពេលយកកូនតទៅទៀតនោះនាងអាចនឹងជួបរឿង ដូច មាស សុខសោភា ដែលមានស្វាមីជាង១៦ឆ្នាំតែគ្មានកូន១គ្រាប់នោះជាមិនខាន។
ក្រៅពីសុគន្ធ និសា តារាដែលហង្សមាសព្យាយាមចងជើងមិនឲ្យចេញនោះមានពេជ្រ សោភា ម្នាក់ទៀតដែរ ទើបធ្វើឲ្យតារាស្រីលំដាប់ជូរមុខរបស់ផលិតកម្មនេះនៅតែមានច្រើនជាងផលិតកម្មផ្សេង បើទោះជាតារាប្រុស សំខាន់ៗរបស់ទ្រនុំធំនេះមានដល់ទៅ៣ដួងគឺព្រាប សុវត្ថិ ,ខែម ប៊ុនថៃ និងដួង វីរៈសិទ្ធ បានចាកចេញអស់ទៅ ហើយក្ដី។ដោយឡែកអ្នកជំនាញសិល្បៈបានលើកឡើងថាទោះជានិសា មិនត្រូវបានថៅកែឲ្យតំណែងធំស្ទួនៗក្ដី ប៉ុន្ដែភាគរយនាងចាកចេញពីហង្សមាសមានទាបបំផុត ព្រោះក្រោយពីនាងមានស្វាមីជាង៥ឆ្នាំនេះអ្នកនាងប៊ុន សុគន្ធា មិនសូវមានទីផ្សារចម្រៀងខ្លាំងដូចមុននោះទេ ហេតុនេះនាងមិនចង់ទៅផលិតកម្មណាដែលមិនសូវមាន ការងារសិល្បៈច្រើននោះឡើយ ខណៈដែលការប្រជែងទីផ្សារចម្រៀងឲ្យខ្លាំងខ្លាដូចមុនក៍កាន់តែចង្អៀត។
តែការជ្រកនៅហង្សមាសនិសា នៅតែមានឱកាសចេញច្រៀងតាមConcerts ធំៗជាបន្ដបន្ទាប់ ហើយមុនពពោះ នេះ គេឃើញនាងនៅតែក្ដាប់បានស្ពតពាណិជ្ជកម្មជាហូហែទើបធ្វើឲ្យប្រាក់ចំណូលរបស់នាងពីសិល្បៈនៅតែ មានលំនឹងដដែល។អ្វីដែលនិសា កាន់តែរីករាយនោះគឺស្វាមីនាងលោកចៅ សម្បត្តិ បានបើកដៃឲ្យនាងលេងសិល្បៈតាមចិត្តចង់ ហើយអាណិកជនខ្មែររូបនេះថែមទាំងមិនចេះដើរតាមឆាកតន្រ្ដីតាមនាងដូចប្ដីតារាផ្សេងៗទៀត ឡើយ។Fan ជឿរថានិសា នឹងឆ្លៀតយកកូននៅឆ្នាំ២០២៣ នេះឲ្យខាងតែបានជាមិនខាន ដើម្បីឲ្យចំណងស្នេហា កាន់តែរឹងមាំថែមទៀត ក្រោយខកខានផែនការណ៍ធំនេះ២ឆ្នាំជាប់គ្នាគឺ២០២១ និង២០២២៕