ទឹម រដ្ឋា បានសម្រាលកូនស្រីនៅវេលាម៉ោង៧ព្រឹកថ្ងៃទី២៧ ខែមីនា ឆ្នាំ២០២៣ ដោយនាងដាក់ឈ្មោះថាHaylie Apsara Antonio ហៅ”អូនភ្លៀង” ។នេះគឺជាឈ្មោះហៅក្រៅ (Nick Name) ដ៍ចម្លែកមួយដែលរដ្ឋា បានប្រើឲ្យកូនស្រីនាង ហើយពីមុនមកមិនធ្លាប់ឭមានអ្នកណាដាក់ឈ្មោះនេះឡើយ ហេតុនេះអាចនិយាយបានថាឈ្មោះ”អូនភ្លៀង”នេះអាចមានតែ១។គេឃើញតារារួមអាជីពបានចេញសារជូនពររដ្ឋា ជាបន្ដបន្ទាប់ ខណៈមើលទៅសុខភាពនាងល្អប្រសើរទោះជាការសម្រាលកូនដំបូងរបស់នាងក្ដី។អ្វីដែលរដ្ឋា កាន់តែកក់ក្ដៅថែមទៀតនោះស្វាមីនាងលោក Jovany Antonio នៅក្បែកាយ៉ានិងថ្នាក់ថ្នមនាងជាប់ជានិច្ចតែម្ដង ទើបធ្វើឲ្យនាងគ្មានការបារម្ភពីការសម្រាលកូនដំបូងនេះទេ។
គូររំលឹកថាទឹម រដ្ឋា បានរៀបការជាមួយលោក Jovany Antonio កាលពីថ្ងៃទី២៦ ខែមីនា ឆ្នាំ២០២២ ក្រោយអ្នកទាំងពីរបានស្វែងយល់ចិត្តគ្នាអស់រយៈពេល៦ឆ្នាំ ខណៈដែលការយកកូនទី១នាពេលនេះគឺចំខួបស្នេហាពួកគេគម្រប់៧ឆ្នាំ។ស្វាមីទឹម រដ្ឋា លោក Jovany Antonio ជាជនជាតិអាមេរិកកាត់អេស្បាញ ហើយលោកមករស់នៅស្រុកខ្មែររកស៊ីផ្នែកអចលនវត្ថុជាច្រើនឆ្នាំមកហើយ តែលោកនៅតែអនុញ្ញាត្តិឲ្យរដ្ឋា បន្ដអាជីពសិល្បៈជាធម្មតាតាមចិត្តនាងចង់។ប្រភពបានឲ្យដឹងថារដ្ឋា មិនទទួលថតភាពយន្ដមួយចំនួនដែលផលិតករទាក់ទងនាងដើម្បីផ្ដល់កំណើតកូនដំបូងនេះ ព្រោះថាសុភមង្គលសំខាន់ជាងអ្វីៗទាំងអស់។នៅថ្ងៃទឹម រដ្ឋា សម្រាលកូននេះដែរគេឃើញមានតារារួមអាជីពទៅលើកទឹកចិត្តនិងសួរសុខទុក្ខនាងផ្ទាល់មានដូចជាអ្នកនាងសារ៉ាយ សក្ខណា ,យ៉ាន លីនដា និងលោកប៉ែន ចំរ៉ុង ជាដើម។ដោយឡែកសម្រាប់ក្រុមគ្រួសារខាងស្វាមីនាងនៅអាមេរិក និងអេស្បាញនោះភ្លាមៗក្រោយរដ្ឋា សម្រាលនោះមិនទាន់ឃើញមកដល់នោះទេ តែតាមព័តមានថាសាច់ញាត្តិខាងលោកAntonio ស្រលាញ់និងពេញចិត្តរដ្ឋា ខ្លាំងណាស់ ។
ទឹម រដ្ឋា មិនទាន់បង្ហាញជំហ នៃការវិលត្រឡប់មកបន្ដអាជីពសិល្បៈវិញនៅពេលណាឡើយ តែនាងធ្លាប់ប្រាប់ថាអាចនៅតែឆ្លៀតថតរឿងមួយៗ មិនសកម្មដូចមុនទេ ព្រោះនាងចង់ចំណាយពេលវេលាទៅរកស៊ីផ្នែកអចលនទ្រព្យជាមួយប្ដីដែរ។ចំពោះរឿងថាតើរដ្ឋា និងស្វាមីបន្ដរស់នៅស្រុកខ្មែរជារៀងរហូតឬមានគម្រោងចេញទៅរស់នៅអាមេរិក ឬអេស្បាញតាមប្ដីនោះនាងធ្លាប់អះអាងថាអាចចេញចូលទៅបរទេសចុះឡើងៗ តែនៅខ្មែរច្រើនជាងក្រៅស្រុក។
ក្រៅពីទឹម រដ្ឋា តារាដែលយកស្វាមីជាជនជាតិបរទេសមានដូចជាអ្នកនាងផូ មុនីពៅ ,ហ៊ាប រ៉ាឌី,ខៀវ សានសាណា ,អឿន ដាលីស និងសូ អេណា ជាដើម៕
