ភ្នំពេញ៖យក់ ថិតរដ្ឋា បានបង្ហាញអារម្មណ៍តូចចិត្តខ្លាំងនៅពេលដែលនាងត្រូវបានអ្នកខ្លះបណ្ដុះបង្អាប់ពីរូបរាងកាយរបស់នាងរហូតមានមួយចំនួនហៅនាងថា”កាជ្រូក”ដែលសំដៅដល់ការឡើងគីឡូរបស់នាង ធ្វើឲ្យភរិយាលោកឃុំ ប៉ុណ្ណាដែត រូបនេះឈឺចាប់តែម្នាក់ឯង តែនាងសំណូមពរដល់អ្នកទាំងឡាយដែលមិនពេញចិត្តនាងសូមកុំហៅប្រើពាក្យថា”មី”អីព្រោះប៉ៈ ពាល់អារម្មណ៍នាងខ្លាំងណាស់។ប្រតិកម្មរបស់យក់ ថិតរដ្ឋា នាពេលនេះកើតមានក្រោយពីនាងបានចេញTrailer បទចម្រៀង”ស្រលាញ់ ស្រីចាស់ សម្បូរលុយចាយ” ហើយពេលនាងរាំច្រៀងបទនោះមើលទៅហាក់គីឡូធាត់ជ្រុលបន្ដិច ទើបមានអ្នកចូលទៅខំមិនបង្អាប់នាងបែបនេះតែម្ដង។តារាកូន៣ ថិតរដ្ឋា បានចាត់ទុកថាជាមនុស្សសាហាវ ដែលប្រើពាក្យពេជន៍មិនសមរម្យដាក់នាង ហើយនាងចង់សួរត្រឡប់ទៅវិញថាតើនាងបានធ្វើអ្វីដាក់អ្នកទាំងនោះទៅ ទើបបានជាហ៊ានប្រើពាក្យបណ្ដុះបង្អាប់មកលើរូបនាងដល់ថ្នាក់ហ្នឹង?
ក្រោយឃើញយក់ ថិតរដ្ឋា តូចចិត្តរឿងគេប្រដូចការឡើងទម្ងន់របស់នាងប្រៀបទៅនិងជ្រូកបែបនេះ មានFan របស់នាងបានចូលទៅខំមិនលើកទឹកចិត្តដល់តារាថោន រូបនេះជាច្រើនដោយមានខ្លះថាទោះជានាងធាត់យ៉ាងម៉េចក៍ពួកគេនៅតែចាត់ទុកថាIdol ដែរ។ចំពោះរដ្ឋា វិញនាងមិនខឹងចំពោះអ្នកណាចង់ឲ្យនាងល្អ ដែលរិះគន់ក្នុងន័យស្ថាបនានោះទេ តែនាងមិនចូលចិត្តអ្នកតាមឈ្នានីសនិងបំបាក់ទឹកចិត្តនាង។រដ្ឋា បានទទួលស្គាល់ថានាងពិតជាកាម៉ាប់ដូចគេថាមែន ប៉ុន្ដែចំណុចដែលនាងមិនអាចទទួលយកបានគេពួកគេបានហៅនាងថា”មី” ដែលសំដីបែបនេះត្រូវបាននាងចាត់ទុកថាជាការឈ្នានីសមកលើនាង មិនមែនកែលំអដើម្បីចង់ឲ្យនាងស្អាតនោះទេ។
យក់ ថិតរដ្ឋា ត្រូវបានគេព្យាករណ៍ថានាងអាចនឹងឡើងកូដមកវិញ ក្រោយតារាស្នូលរបស់ថោនគឺមាស សុខសោភា ចាកចេញកាលពីដើមឆ្នាំ២០២០ នេះព្រោះតែរដ្ឋា មានសម្លេងល្អ ច្រៀងបទស្លូវមានគេនិយមស្ដាប់ច្រើន ខណៈដែលតារាវ័យក្មេងទៀតរបស់ផលិតកម្មនេះភាគច្រើនតែចេញបទញ៉ាក់។ប៉ុន្ដែការមិនទាន់អាចសម្រកទម្ងន់បានរបស់រដ្ឋា ក៍ជាកត្តាឧបស័ក្កធំមួយសម្រាប់នាងក្នុងការប្រជែងទីផ្សារចម្រៀងផងដែរ ស្របពេលដែលសិស្សប្អូននាងជ្រកទ្រនុំជាមួយគ្នាគឺបាន មុន្នីល័ក្ខ នោះក៍មានសម្ថភាពមិនធម្មតាឡើយ។
សូមបញ្ជាក់ថាយក់ ថិតរដ្ឋា បានចេញពីហង្សមាសចូលថោន តែការចេញបទចម្រៀងរបស់នាងនៅទ្រនុំថ្មីគឺមិនសូវសម្រុកនោះទេ ពោលគឺយូៗទើបនាងចេញបទថ្មីម្ដងប៉ុណ្ណោះ ព្រោះនាងមិនពឹងលើអាជីពសិល្បៈទាំងស្រុងដូចមុនឡើយ ដោយសារតែមានអាជីវកម្មមួយចំនួននៅខាងក្រៅសិល្បៈ។កាលពីពាក់កណ្ដាលឆ្នាំ២០២២ ថិតរដ្ឋា និងសា្វមីស្ទើតែជួបរឿងរ៉ាវធំក្នុងការកស៊ីព្រោះតែត្រូវគេកាច់កុងនិងមុខជំនួញវិស័យអចលនវត្ថុ តែក្រោយមកនាងក៍ទទួលបានយុត្តិធ័ម ធ្វើឲ្យរដ្ឋា និងលោកប៉ុណ្ណាដែត ស្រស់ថ្លាឡើងវិញ ស្រាប់តែពេលនេះរដ្ឋា មកឈឺក្បាលរឿងត្រូវគេវាយប្រហាហៅនាងដោយប្រើពាក្យថា”កាជ្រូក”ទៀតផង។តាមរយៈការបណ្ដុះបង្អាប់បែបនេះគេជឿរថារដ្ឋា នឹងពង្រឹងសម្ថភាពបន្ថែមទៀតក្នុងការតុបតែងខ្លួនឲ្យសាកសមទៅនិងជាតារាចម្រៀងម្នាក់ ពិសេសគឺការចាំបាត់ត្រូវតែសម្រកទម្ងន់មកវិញ ដើម្បីកុំឲ្យមានគេមើលងាយតទៅទៀត។
គូរបញ្ជាក់ថាយក់ ថិតរដ្ឋា បានចាប់ដៃលោកឃុំ ប៉ុណ្ណាដែត រយៈពេល១៧ឆ្នាំ(២០០៦-២០២៣ )ដែលទទួលបានចំណងដៃកូន៣នាក់(ស្រី១)ហើយទោះជាមុននេះមានអ្នកខ្លះសង្ស័យថានាងធ្លាក់ខ្លួនព្រោះឃើញរដ្ឋា ពេលខ្លះជិះកង់បីក្ដី ប៉ុន្ដែអ្នកដែលស្និតបង្ហើបថាអតីតតារាហង្សមាសរូបនេះការពិតនៅតែមានផ្ទះជាច្រើនកន្លែង និងរថយន្ដថ្លៃៗជិះដដែល។ដោយឡែកស្វាមីរដ្ឋា វិញធ្លាប់បានឆ្លើយតបទៅអ្នកថាលោកនិងភរិយាក្ស័យធននោះថាលោកមានរថយន្ដផ្ទាល់ខ្លួនសម្រាប់ដាក់ឲ្យគេជួលជាច្រើនគ្រឿង ហេតុនេះប្រាក់ចំណូលលោកនៅតែមានជាប្រចាំ មិនធ្លាក់ខ្លួនដូចគេសង្ស័យឡើយ។
ក្រៅពីយក់ ថិតរដ្ឋា តារាដែលឡើងគីឡូក្រោយមានស្វាមីនិងកូននោះមានដូចជាឱក សុគន្ធកញ្ញា និងសួស វីសា ជាដើម តែពួកគេមិនសូវមានព្រលឹងខ្លាំងដូចរដ្ឋា នោះទេ៕