ភ្នំពេញ៖ការទទួលបានតំណែងធំ២នៅហង្សមាសគឺជាCoach កម្មវិធី”The Voice Kids Cambodia និងJudge របស់Cambodian Idol Junior រដូវកាលថ្មី នោះមានន័យថាគម្រោងដែលអ្នកនាងប៊ុន សុគន្ធា ហៅសុគន្ធ និសា ក្នុងការចេញទៅរស់នៅBoston សហរដ្ឋអាមេរិកតាមស្វាមីនាងលោកចៅ សម្បត្តិ ត្រូវពន្យាពេលជាថ្មីម្ដងទៀត ព្រោះថាពេលនេះនិសា នៅតែមានទីផ្សារនិងសកម្មភាពសិល្បៈក្នុងស្រុកល្អនៅឡើយ បើទោះជានាងមានស្វាមីជាង៥ឆ្នាំ ហើយបទចម្រៀងលែងសូវមានខ្លាំងៗដូចមុនក្ដី ប៉ុន្ដែនាងបន្ដត្រូវប៉ាន់ចេញច្រៀងConcerts ធំៗ និងតាមបណ្ដារកម្មវិធីជប់លៀងមង្គលការទាំងឡាយជាបន្ដបន្ទាប់ក្នុង១ខែៗរកបានប្រាក់ចំណូលរាប់ម៉ឺនដុល្លារឯណ្ណោះ បើបូកជាមួយស្ពតពាណិជ្ជកម្មផង។ដោយឡែកស្វាមីនិសា ដែលបច្ចុប្បន្នជានាយផ្នែកប្រតិបត្តិរបស់ក្រុមហ៊ុនមែនញូឡាយប្រចាំនៅកម្ពុជានោះលោកចាំតែសម្របខ្លួនតាមអ្នកនាងសុគន្ធា គ្រប់ស្ថានការណ៍ទាំងអស់ព្រោះតាំងពីរៀបការហើយលោកសម្បត្តិ បានចុះមកនៅខ្មែរជាអចិនត្រេយ៍ទៅហើយ និងដឹកដៃនិសា ហោះទៅអាមេរិកជាញឹកញាប់នោះគឺគ្រាន់តែជាតំណើរកម្សាន្ដប៉ុណ្ណោះ។
ជុំវិញការពន្យាពេលចេញទៅរស់នៅអាមេរិករបស់អ្នកនាងសុគន្ធ និសា នេះច្បាស់ណាស់ថានាងត្រូវលើកពេលយកកូនថែមតទៅទៀតជាមិនខាន ព្រោះនិសា ធ្លាប់ប្រាប់ថានាងចង់ផ្ដល់កំណើតឲ្យកូនដំបូងលើទឹកដីស្វាមីនាងពោលគឺកើតភ្លាមបានសញ្ជាតិអាមេរិកភ្លែត។ប៉ុន្ដែនៅឆ្នាំ២០២១ និង២០២២ នាងបានផ្លាស់ប្ដូរចិត្តវិញព្រោះដឹងថាមិនអាចទៅនៅអាមេរិកបានដូចចិត្តដែលអ្នកខ្លះសង្ស័យថានាងមិនទាន់ទទួលបានសិទ្ធរស់នៅស្របច្បាប់(Visa)នោះទើបនាងចង់យកកូននៅស្រុកខ្មែរវិញតែចៃដន្យអីផែនការណ៍២ឆ្នាំជាប់គ្នានោះនិសា ត្រូវបរាជ័យក្នុងការពពោះទាំងស្រុង ខណៈដែលកាលពីចុងឆ្នាំ២០២២ នាងបានចេញចូលមន្ទីសម្ភពជាញឹកញាប់ ដែលធ្វើឲ្យមានការសង្ស័យថានាងចាញ់កូន ឬទៅពិនិត្យផ្ទៃពោះ ហើយFan នាងជាច្រើនបានសាទរ តែនៅចុងក្រោយនេះនិសា នៅតែពោះទទេ ដដែល ហើយនាងចេញរាំច្រៀងធម្មតា ទើបធ្វើឲ្យទាំងម្ដាយនាង រួមទាំងក្រុមគ្រួសារខាងស្វាមីចង់ឃើញនាងមានកូនដំបូងនោះត្រូវស្រងាកចិត្តម្ដងទៀត។
យ៉ាងណាតាមព័តមានថានិសា មិនទាន់ឈានដល់ការបារម្ភរឿងអត់កូនដូចមាស សុខសោភា ដែលមានស្វាមី១៦ឆ្នាំ តែគ្មានកូន១គ្រាប់នោះទេ ព្រោះការពន្យាពេលយកកូននាពេលនេះរបស់នាងគេជឿរថានិសា ចង់ក្ដាប់ឱកាសរកលុយសិន ចាំគិតគូរឿងយកកូនតាមក្រោយ។និសា ធ្លាប់វាចាថានាងចង់បានកូនតាមគម្រោងគឺមិនដូចជាឱក សុគន្ធកញ្ញា រៀបការហើយត្រូវតែយកកូនភ្លាមនោះទេ ព្រោះនាងនិងស្វាមីបានឯកភាពគ្នាអស់ហើយថាគូរយកកូននាពេលណា។ប៉ុន្ដែនិសា សារភាពថាសម្រាប់ចាស់ទុំទាំងសងខាងគឺពិតជាជម្រុញឲ្យនាងយកកូនភ្លាមៗតាំងពីក្រោយរៀបការម្លេះ តែនាងជាសាមីខ្លួននិងជាអ្នកចម្រៀងម្នាក់ទៀតបានដឹងខ្លួនច្បាស់ពីរឿងមួយនេះ។
ក្រៅពីសុគន្ធ និសា តារាដែលយកស្វាមីជាអាណិកជនខ្មែរនៅអាមេរិកមានដូចជាអ្នកនាងអម្ពរ ទេវី,គឹម លក្ខិណា ,ខៀវ សុខារ៉ាវី,សារ៉ាយ សក្ខណា និងវ៉េត រតនា ជាដើម។តារារួមអាជីពជាច្រើនបានលើកឡើងថានិសា មានសំណាងព្រោះមានស្វាមីចេះយល់ចិត្តហើយលោកចៅ សម្បត្តិ គឺពិតជាបើកសិទ្ធិឲ្យនាងលេងសិល្បៈដោយសេរីមែន និងមិនចេះប្រចណ្ឌ ឬដើរតាមនាងតាមឆាកតន្រ្ដីដូចស្វាមីតារាមួយចំនួនទៀតឡើយ។ដោយឡែកអ្នកជំនាញសិល្បៈបានលើកឡើងថាសុគន្ធ និសា ទោះជានាងនៅមានទីផ្សារនិងសកម្មភាពសិល្បៈយ៉ាងសកម្មក្ដី ប៉ុន្ដែនាងមិនប្រជែងទីផ្សារចម្រៀងដូចកាលនៅលីវនោះទេ ពោលគឺយូៗចេញបាន១បទ ហេតុនេះគេមិនសង្ឃឹមច្រើនថាតារាស្រគត់ស្រគុំរូបនេះមានទីផ្សារលោតទៅមុខទៀតឡើយ បើទោះជានៅហង្សមាសនាងនៅតែស្ថិតក្នុងចំណោមតារាស្រីលំដាប់មុខមានឱក សុគន្ធកញ្ញា និងពេជ្រ សោភា ក្ដី។ដោយឡែកទាក់ទងរឿងយកកូនង៉ាវិញ គេជឿរថានិសា នឹងមិនបណ្ដោយឲ្យអត់កូនច្រើនឆ្នាំរហូតដូចមាស សុខសោភា នោះទេ ព្រោះថាបើដើម្បីយកពេលរកលុយ ពន្យាច្រើនឆ្នាំពេក អាចនឹងប្រឈមអត់មានកូនអស់១ជីវិតតែម្ដង៕
