ភ្នំពេញ៖អ្នកនាងផូ មុនីពៅ បាននាំស្វាមីលោកEric Boissoneau និងកូនប្រុសAlexis Boissoneau មកចូលរួមមង្គលការក្មួយប្រុសទោលរបស់នាងនៅខ្មែរកាលពីពេលថ្មីៗនេះ ដែលតំណើរលើកនេះស្វាមីនាងបានច្បាប់ពីការងារតែ១អាទិត្យប៉ុណ្ណោះ ហេតុនេះគ្រាន់តែពិធីអាពាហ៍ ពិពាហ៍ របស់ក្មួយប្រុសស្រីចប់ភ្លាមនាងនិងប្ដីក៍ដល់ពេលនាំកូនប្រុសត្រឡប់ទៅប្រទេសអូស្រា្ដលីវិញ។ប៉ុន្ដែមុនីពៅ បាននិយាយដោយរីករាយថាពេលនេះស្វាមីនាងជិតផុតអាណត្តិចាស់ធ្វើការនៅស្ថានទូតបារាំង ប្រចាំនៅអូស្រា្ដលីហើយ ដែលអាណត្តិថ្មីនោះស្វាមីនាងជាប់ទៅបម្រើរការងារនៅស្ថានទូតបាំរាំង ប្រចាំនៅទីក្រុងហូជីមិញ ប្រទេសវៀតណាម ដែលអាចខ្ទង់នៅខែសីហា ឆ្នាំ២០២៣ ខាងមុខនេះតែម្ដង ហេតុនេះនាងសប្បាយចិត្តណាស់ព្រោះវៀតណាមជាប់ខ្មែរ អីចឹងនាងអាចចេញចូលមកលេងនៅខ្មែរជាញឹកញាប់ដើម្បីជួបជុំគ្រួសារឪពុកម្ដាយបងប្អូន ព្រោះថានាងនឹកផ្ទះ នឹកស្រុកណាស់ ពេលរស់នៅឯបរទេសជាមួយស្វាមីបើទោះជាប្រទេសអូស្រា្ដលីមានរបៀបរបប និងការរស់នៅស្រដៀងខ្មែរយើងក្ដី។មុនពៅ ថាអំឡុងពេលកូវីដ មិនទាន់ស្ងាត់នាងពិបាកមកលេងឪពុកម្ដាយនៅស្រុក តែពេលនេះកូវីដ ថមថយ ហើយស្វាមីនឹងផ្ទេរមកធ្វើការនៅវៀតណាម ទៀតទើបធ្វើឲ្យនាងសែនសប្បាយចិត្តគ្មានអ្វីប្រៀបផ្ទឹមបាន ព្រោះងាយស្រួលចេញចូលជួបជុំឪពុកម្ដាយនាងដែលមានវ័យចាស់កាន់តែច្រើននោះញឹកញាប់ជាងពេលមុនៗមិនខាន។
ឆ្លើយតបសំណួរតាមឆាតហ្វេសបុកថាតើម្រោងមុនីពៅ ចង់បានកូន១ទៀតពេលនេះជិតបានសម្រេចបំណងឬនៅនោះអតីតពិធីការិនីល្បីល្បាញរបស់ CTN រូបនេះបាននិយាយលាយឡំសំណើចថាតាមពិតរឿងយកកូនថែមនោះគឺនាងពិតជាចង់បានសមាជិកថ្មី១ទៀតមែន ហើយក៍បានរៀបគម្រោងដែរ តែអត់ទាន់បានដូចបំណងនោះទេ ។ប៉ុន្ដែនាងសង្ឃឹមថានឹងមានដំណឹងល្អឆាប់ៗជាមិនខាន ពិសេសគឺក្រោយពេលនាងមកពីការក្មួយទៅដល់អូស្រា្ដលីវិញនេះ ។អតីតពិធីការិនីរូបស្រស់ធ្មេញចំពើសរូបនេះក៍បានឲ្យដឹងដែរថាការមកចូលរួមក្មួយទាំងពីរ របស់នាងមានពេលខ្លី និងប្រថុចញ៉ុចពេក ហេតុនេះនាងមិនបានជួបជុំមិត្តភក្ដិ ឬអ្នកធ្លាប់រួមអាជីពជាមួយគ្នាឡើយ ។ប៉ុន្ដែនៅពេលស្វាមីនាងមកធ្វើការនៅវៀតណាមខាងមុខនេះ នាងនឹងមានពេលវេលាច្រើនដើម្បីបានជួបជុំបងប្អូននិងមិត្តសិល្បករពីមុនធ្លាប់រួមអាជីពជាមួយគ្នានោះជាថ្មីមិនខាន។
គូរបញ្ជាក់ថាផូ មុនីពៅ ត្រូវបានគេចាត់ទុកថានាងមានស្វាមីជាបុរសជនជាតិបារាំងរូបសង្ហារម្នាក់ ក្នុងចំណោមតារាខ្មែរមានស្វាមីជាជនជាតិបរទេស ហើយមុនជាប់ទៅបម្រើរការនៅស្ថានទូតបារាំងប្រចាំនៅប្រទេសវៀតណាម នោះលោក Eric Boissoneau ត្រូវបានថ្នាក់លើលោកផ្ដល់សិទ្ធិឲ្យលោកជ្រើសរើសទីតាំងធ្វើការនៅអាណត្តិថ្មី៣ ជម្រើសគឺទី១៖សហរដ្ឋអាមេរិក(ទីក្រុងញូវយ៉ក),ទី២៖ប្រទេសកាណាដា និងទី៣៖ប្រទេសវៀតណាម ដែលទីបំផុតលោកត្រូវជាប់ទៅទីក្រុងហូជីមិញដូចបំណងភរិយាលោកចង់បាន។
សូមរំលឹកថាផូ មុនីពៅ បានរៀបការជាមួយលោក Eric Boissoneau កាលពីថ្ងៃទី១៩ ខែកុម្ភៈ ឆ្នាំ២០១១ ពោលគឺចំណងស្នេហាជាង១២ឆ្នាំនេះទទួលបានចំណងដៃកូនប្រុស Alexis Boissoneau អាយុជាង៥ឆ្នាំ ហើយនាងបានផ្លាស់ទីលំនៅទៅរស់នៅបរទេសតាមស្វាមីជាបន្ដបន្ទាប់តាមអាណត្តិ៤ឆ្នាំម្ដង។ប្រភពខ្លះបានឲ្យដឹងថាមុនីពៅ ក៍មានមុខរបរខ្លះនៅខ្មែរដែរហើយបងប្អូននាងជាអ្នកគ្រប់គ្រងជំនួស។គេជឿរថានៅពេលពិធីការិនីដែលមានរូបសម្រស់នៅតែផូផង់មុនីពៅ បានសម្រេចបំណងធំយកកូនទី២បានដូចក្ដីប្រាថ្នា នោះនឹងធ្វើឲ្យចំណងស្នេហានាងកាន់តែរាំងមាំ និងសុភមង្គលទ្វេដងជាមិនខាន។ដោយឡែកទាក់ទងអាជីពពិធីការិនីវិញទោះជាស្វាមីនាងជិតមកធ្វើការនៅវៀតណាមមែន តែមុនីពៅ មិនមានបំណងវិលមកធ្វើMC សារជាថ្មីទេ បើទោះជានាងនៅតែស្រលាញ់សិល្បៈដក់ជាប់ក្នុងចិត្តក្ដី៕
