ភ្នំពេញ៖ជារឿងដ៍គូរឲ្យភ្ញាក់ផ្អើលមួយក្នុងសិល្បៈព្រោះនៅរាត្រីថ្ងៃទី៣០ ឧសភា តារាចម្រៀងរ៉េបលោកម៉ាន់ វណ្ណដា ត្រូវបានថៅកែផលិតកម្មGalaxy លោកឡេង ណាវ៉ាត្រា បានយករូបលោកដែលច្រៀងបង្ហាញលេចចេញខោលីអូ និងរូបស្រ្ដីម្នាក់អោបថើបនៅក្លឹបមួយទៅបង្ហោះហើយអ្នកឧកញ៉ារូបនេះថែមទាំងចេញសារដាស់តឿនដោយមិនដំដៅឈ្មោះចំនោះទេ តែគេអាចយល់បានថាជាលោកវណ្ណដា ដែលសំណេរនោះសង្កត់ថា”បើមិនឲ្យក្រុមMMO(Make Money Online) ដកថយទេ ប្អូនពិបាកដែរ ព្រោះប៉ៈពាល់អង្គភាពខ្ញុំ មនុស្សរាប់ពា់នាក់។ផេកអាប្អូនខំ មិនឡាយរូបូត លើផេកទាំងអស់ ចង់ដឹងអីទៀតអត់?កុំឈ្លើយអាប្អូន ។អាប្អូនឡាយស្ដាយស្រាតខោលីអូហ្នឹង ស្ដាយចាស្ទីនមែន? កុំកុហក់គេបង្ហាញវប្បធ័ម ហើយច្រៀងបានប៉ុន្មានកុំមកប្រូ បងអត់ឈ្លើយទេ សម្រួលក្រុមការងារដកចេញឲ្យលឿន កុំមកឈ្លើយជាមួយបង។អាយដលកុំប៉ៈ ពាល់អង្គភាពខ្ញុំអី”។ជាមួយគ្នានេះដែរអ្នកឧកញ៉ាក៍បានផុសរូបវណ្ណដា ច្រៀងពាក្យជេអសុរស និងមានរូប អ្នកសើចសំអកដល់វណ្ណដា ផងដែរ។
ហ្វេសបុកឈ្មោះចចក សរ បានធ្វើការវែកញែកចំពោះរឿងរ៉ាវអ្នកឧកញ៉ាទាក់ទងជាមួយវណ្ណដា នេះហើយក៍មានខមិនជាច្រើនទាក់ទងរឿងដ៍ក្ដៅគគុកមួយនេះ។ហ្វេសបុកឈ្មោះMss GiiNa បានសរសេរថាហេតុអីបន្ទោសVD?ឯណាភស្ដុតាង?កន្លែងណាដែលថាVD លេងMMO?កុំខឹងគោវ៉ៃរទេះ”។ហ្វេសបុកឈ្មោះDara Va ខមិនថា”គាត់គ្មាននិយាយទៅកាន់MMO ទាំងអស់នោះទេ គាត់សំដៅទៅលើតែក្រុមMMO របស់VD ដែលចេញមកខុសរបៀបតែប៉ុណ្ណោះ”។
ចំណែកសកម្មជនបក្សប្រឆាំងកញ្ញាលី ច័ន្ទវតី្ត បានសរសរថា”ខឹងMMO មិនទៅវ៉ៃMMO មកវ៉ៃVannda ដល់សួរទៅមកពីMMO ហ្វេនVannda អញ្ចឹងMMO ទៅបុកពីណាស្លាប់ អោយVannda ជាប់គុកជំនួសមែន?”ដោយឡែកលោកតាំង គីមឡេង ដែលជាអ្នកសកម្មខាងសប្បុរសបានសរសេរថាទាក់ទងអ្នកឧកញ៉ាផុសរូបស្រ្ដីម្នាក់ថើបវណ្ណដា នោះថា”ម៉េចទៅអ្នកឧកញ៉ាយករូបភាពឯកជនភាពគេមកបង្ហោះអីចឹង ខ្ញុំគិតថាគូរបញ្ឈប់ទៅ…”។
ដោយឡែកនៅលើហ្វេសបុករបស់លោកវណ្ណដា មិនមានការបង្ហោះសារណាមួយឆ្លើយតបរឿងអ្នកឧកញ៉ាឡេង ណាវ៉ាត្រា លើកឡើងនិងបង្ហោះរូបភាពតារារ៉េបហ៊ីបហមរូបនេះឡើយ គិតត្រឹមព្រឹកថ្ងៃទី១ ឧសភា ។អ្នកព័តមានយើងបានព្យាយាមទាក់ទងទៅលេខទូរស័ព្ទនៅលើផេករបស់ផលិតកម្មBaramey ហើយត្រូវបានបុរសម្នាក់អះអាងថាលោកធ្វើការផ្នែកខាងទីផ្សារ ហេតុនេះមិនអាចឆ្លើយរាល់សំណួររបស់អ្នកសារពតមានបានទេ។
គូរបញ្ជាក់ថាវណ្ណដា ជាតារាចម្រៀងរ៉េបដ៍ល្បីនៅរយៈពេលចុងក្រោយនេះ ព្រោះបទចម្រៀងរបស់គេមានការគាំទ្រច្រើននៅលើបណ្ដាញសង្គម បើទោះជាចង្វាក់នេះគ្មានប្រភពច្បាស់លាស់ក្ដី។ប្រភពបានឲ្យដឹងថាតម្លៃខ្លួនតារាចម្រៀងវណ្ណដា បានឡើងខ្ពស់ជាងតារាល្បីៗជាច្រើនដួងទៀតនៅប៉ុន្មានឆ្នាំចុងក្រោយនេះ ខណៈដែលមុនត្រូវបានអ្នកឧកញ៉ាឡេង ណាវ៉ាត្រា បង្ហោះរូបភាពច្រៀងប៉ារូលមិនគប្បី និងត្រូវស្រ្ដីម្នាក់ដែលគេជឿរថាមានប្ដីហើយចាប់ថើបនៅក្លឹបមានទាំងស្នាមក្រេបជាប់នៅថ្ពាល់នេះលោកវណ្ណដា ក៍ធ្លាប់មានការចេញបទចម្រៀងដៀមដាមគ្នាយ៉ាងក្ដៅគគុកជាមួយលោកងួន ចាន់ដេវីត ផងដែរតាមរយៈបទ”J+02 “។ប៉ុន្ដែនៅពេលរឿងរ៉ាវរបស់វណ្ណដា ស្ងប់ស្ងាត់ជាមួយលោកដេវីត បែជាពេលនេះផ្ទុះរឿងជាមួយថៅកែGalaxy ទៅវិញ ស្របពេលដែលនៅថ្ងៃហាត់សមបទចម្រៀងសម្រាប់ថ្ងៃស៊ីហ្គេមកាលពីពេលថ្មីៗនេះគេឃើញតារារ៉េបរូបនេះបានជួបជាមួយតារាល្បីៗរបស់Galaxy ដូចជាលោកព្រាប សុវត្ថិ និងខេមរៈ សិរីមន្ដ ជាដើមដែលរូបភាពនោះមានការជជែកច្រើនទៅលើការចាប់ដៃគ្នារបស់តារាចម្រៀងនៅផលិតកម្ម២ផ្សេងគ្នានេះដោយខ្លះថាគូរតែសំពះគ្នាទៅវិញទៅមកល្អជាងចាប់ដៃទៀតផង បើទោះជាមានវីដេអូផ្សេងទៀតបង្ហាញថាមុនវណ្ណដា ចាប់ដៃលោកជេមស៍ និងសិរីមន្ដ នោះតារាហ៊ីបហមរូបនេះបានលើកដៃសំពះជាមុនក្ដី តែវីដេអូខ្លះត្រូវបានគេកាត់ចេញហើយឃើញត្រឹមវគ្គចាប់ដៃគ្នា។
មហាជនរងចាំមើលថាតើវណ្ណដា នឹងហ៊ានឆ្លើយតបយ៉ាងណាចំពោះការចោទប្រកាន់របស់អ្នកឧកញ៉ាឡេង ណាវ៉ាត្រា ដែលឧកញ៉ារូបនេះហាក់ចង់បញ្ជាក់ថាលោកមានភស្ដុតាងគ្រប់គ្រាន់សម្រាប់ដាក់បន្ទុកលើវណ្ណដា រហូតព្រមាមឲ្យមានការដកMMO របស់ខ្លួនចេញកុំឲ្យប៉ៈពាល់មកលើអង្គភាពរបស់ខ្លួននោះ។ប៉ុន្ដែកន្លងមកអ្នកតំណាងវណ្ណដា ធ្លាប់អះអាងថារឿងរ៉ាវផ្សេងៗរបស់តារាចម្រៀងរូបនេះគឺផលិតកម្ម Baramey ជាអ្នកដោះស្រាយ ព្រោះលោកជាតារាជាប់កុងត្រា ក្នុងនោះរួមទាំងការឆ្លើយសំណួរបស់អ្នកសារព័តមានផងដែរ៕
