ភ្នំពេញ៖តារាចម្រៀងទេព បូព្រឹក្ស និងគូស្នេហ៍នាងលោកងួន ចាន់ដេវីត បានហោះទៅប្រទេសបារាំងហើយកាលពីរាត្រីថ្ងៃទី១០ ឧសភា ដោយមិនបានយកកូនប្រុសនាងទេព បញ្ចាវរាប ហៅAlbert ទៅជាមួយទេ ព្រោះរូបគេនៅតូចពេកពិបាកធ្វើតំណើរ។តាមពិតបូព្រឹក្ស និងដេវីត ក៍ធ្លាប់បានទៅដើរលេងនៅប្រទេសបារាំងកាលពីឆ្នាំមុនផងដែរ តែតំណើរលើកនេះនឹងបង្ហួសទៅប្រទេសជិតខាងដែរទើបប្រើពេលដល់ទៅ២សប្ដាហ៍ឯណ្ណោះទើបវិលចូលស្រុកវិញ។ប្រភពបានឲ្យដឹងថាបូព្រឹក្ស ចង់លើកទឹកចិត្តដេវីត ដែលហាក់ខកចិត្តនិងបាក់ទឹកចិត្តតិចតួច បន្ទាប់ពីបទចម្រៀងរបស់លោក”មហានគរ”មិនត្រូវបានជ្រើសឲ្យច្រៀងសម្ដែងនៅថ្ងៃបើកស៊ីហ្គេម តែគូស្នេហ៍បូព្រឹក្ស រូបនេះមិនបានបញ្ចេញសារណាមួយដោយបង្ហាញពីការមិនរីករាយព្រោះការមិនបានសម្ដែងក្នុងព្រឹត្តិការណ៍ដ៍ធំកាលពីថ្ងៃទី៥ ឧសភា នោះទេ តែលោកមានតែចេញសាររំលឹកថាយើងជាម្ចាស់ផ្ទះរៀបចំឥរិយាបថឲ្យបានល្អទទួលភ្ញៀវ និងថាស៊ីហ្គេមនេះកម្ពុជាកំពុងត្រូវបានចាឬកក្នុងទំព័រប្រវត្តិសាស្រ្ដថ្មី។យ៉ាងណាតាមព័តមានថាដោយសារតែឃើញលោកដេវីត តុកស៊ិករឿងនេះហើយទើបបូព្រឹក្ស ត្រូវតែលើកទឹកចិត្តដល់គូស្នេហ៍នាងជាបន្ទាន់នោះគឺការទៅលំហែកាយ៉ានៅអ៊ឺរ៉ុបឲ្យបានយូថ្ងៃជាងសព្វផង ព្រោះនៅរដូវក្ដៅកន្លងមកនេះដេវីត ក៍មានការហត់នឿយច្រើនដែរក្នុងការចេញច្រៀងសម្ដែងConcerts សឹងគ្រប់ខេត្តក្រុងជាមួយតម្លៃខ្លួនក៍ទទួលបានខ្ពស់ជាងឆ្នាំមុនៗផងដែរ។
មុនឡើងយន្ដហោះប៉ុន្មានថ្ងៃទេព បូព្រឹក្ស បាននិយាយប្រាប់អ្នកយកព័តមានយើងថាក្រៅពីប្រទេសបារាំងនាងនិងដេវីត ក៍ឆ្លៀតទៅដើរកម្សាន្ដនៅប្រទេសជិតខាងនោះឲ្យបានច្រើនផងដែរ ខណៈដែលពេលវិលមកស្រុកវិញនៅដើមខែ៧ នោះនាងថាមិនទាន់រៀបគម្រោងនៃការឡើងឆាកតន្រ្ដីសារជាថ្មីវិញឡើយ ព្រោះត្រូវការថែទាំសុខភាពឲ្យបានល្អប្រសើរឡើងវិញ ពិសេសគឺការសម្រកទម្ងន់តែម្ដង។
ទេព បូពឹ្រក្ស ទៅដល់បារាំងភ្លាមនាងហាក់នឹករលឹកដល់កូននាងនិងថ្លែងថា”សុំច្បាប់មេតូច(កូន)ដើរលេងហើយណា ជួបគ្នាខែក្រោយ”។ដោយឡែកលោកដេវីត វិញប្រាប់ទៅFan លោកថា”តំណើរកម្សាន្ដនៅអ៊ឺរ៉ុប”។
ប្រភពបានឲ្យដឹងថាទេព បូព្រឹក្ស ចង់ចេញមុខមកច្រៀងសម្ដែងវិញក្នុងពេលឆាប់ៗ ដើម្បីសា្ដរមុខមាត់ឡើងវិញ តែគូស្នេហ៍នាងកលោកដេវីត មិនទាន់ចង់ឲ្យនាងវិលវិញអន្ទះសារនោះទេ ពោលគឺលោកចង់ឲ្យភរិយាមានសុខភាពល្អដូចដើមសិន។ចំណែកបូព្រឹក្ស វិញធ្លាប់ប្រាប់អ្នកកាសែតថាតាំងពីនាងមានផ្ទៃពោះរហូតដល់សម្រាលគឺដេវីត ថ្នាក់ថ្នាមនាងខ្លាំងណាស់ ដែលធ្វើឲ្យនាងសែនកក់ក្ដៅខ្លាំង និងថាបើដឹងចឹងម្លេះយកកូនតាំងពីយូ។
មិនមានព័តមានពីទេព បូព្រឹក្ស និងងួន ចាន់ដេវីត គ្រោងដឹកដៃគ្នាចូលរោងការនៅពេលណានោះទេក្រោយស្រីនិច្ច សម្រាលកូនតាំងពីថ្ងៃទី១៦ ខែកុម្ភៈ ឆ្នាំ២០២៣ ដោយនាងថារឿងខ្លះអាចនិយាយប្រាប់បាន រឿងខ្លះទៀតមិនអាចបានឡើយ ដែលការវាចាបែបនេះគេសង្ស័យថាអ្នកទាំងពីរអាចចុះអេស៊ីវិល ឬធ្វើពិធីសែនព្រេនណាមួយជាមួយគ្នា ដែលមានចាស់ទុំទាំងសងខាងដឹងឭអស់ទៅហើយទើបយកកូន ខណៈដែលកាលពីឆ្នាំ២០១៩ បូព្រឹក្ស និងដេវីត ក៍ធ្លាប់បានដឹកដៃគ្នាទៅថតPre-Wedding នៅកោះម៉ាល់ឌីវ និងលេចឭដំណឹងថាពួកគេចង់រៀបការជាមួយគ្នាទៀតផង តែក្រោយមកកម្មវិធីពិសេសនោះក៍បានស្ងប់ស្ងាត់ទៅវិញ។តាមព័តមានថាបូព្រឹក្ស និងដេវីត ក្រៅពីដើរលេងសប្បាយម៉ាអស់ដៃនោះពួកគេទៅក្រៅស្រុកលើកនេះក៍មានផែនការណ៍ធំមួយទៀតនោះគឺទិញអ៊ឺវ៉ាន់ម៉ាកប្រេន ប្រេន ស្ពាយមកវិញពោលគឺដូចសព្វដងដែរ។
ក្រៅពីទេព បូព្រឹក្ស តារាដែលយកកូនមុនរៀបការមានដូចជាអ្នកនាងយុគ ចិន្ដា ,ខាត់ សុឃីម ,សុន ស្រីពេជ្រ ,ឡោម លក្ខិណា ,នៅ សុនិតា ,ពេជ្រ សូលីកា ,ឌុច លីដា,ផាត់ ផាន់ណា និងកែវ ពេជ្រពិសី ជាដើម៕
